Bakolosi 3:12 - BIBLIYA NTAGATIFU OMU MASHI

¹² Nka kulya binakwânîne abîshogwa ba Nnâmahanga, n’abatagatîfu n’abarhonyi bâge, mucihundikire omurhima gw’olukogo, n’obwonjo, n’obwîrhôhye, n’obutûdu, n’okulembera amalibuko.

Bakolosi 3:12 ပူးပေါင်းရင်းမြစ်များ

Izaya 42:1

Oyu ye murhumisi wâni ngwarhîre oku kuboko, ye mwîshogwa wâni omurhima gwâni gucîshingira. Namuhiziremwo omûka gwâni; ye wamanyîsa amashanja obucîranuzi.

Izaya 45:4

Mwambali wâni Yakôbo n’omwîshogwa wâni Israheli bo barhumire nkuhamagala omu izîno lyâwe nnankuhà obuhashe, n’obwo orhanyîshi.

Izaya 63:15

Sinza kurheng’emalunga, ocîbonere kurheng’ebwa ndâro yâwe ntagatîfu n’ey’iranga. Ngahigi olûji lwâwe n’oburhwâli bwâwe byàjire? K’okuboko kwâwe n’obwonjo bwâwe kuli nie byàhwîre?

Izaya 65:22

Barhakaciyûbaka enyumpa mpu owundi muntu abè ye oyihandamwo, barhakacirhwêra mpu owundi muntu abè ye obirya; bulya ensiku z’olubaga lwâni zaluga nk’ez’omurhi, n’abîshogwa bâni bâkaz’ishajîsa ebyàlukagwa n’amaboko gâbo.

Izaya 65:9

Olubaga lwa Yakôbo naluhà iburha, na muli Yûda nakulamwo owayîma omu ntondo zâni: abîshogwa bâni bazihâbwa n’abarhumisi bâni bazibêrakwo.

Yeremiya 31:20

“Efrayimu ye mugala wâni muzigirwa, mwâna nsîma bwenêne. Ngasi mango erhi nderha nti nakaliha, nankayumva arhantenga omu bukengêre, bulya mmuzigira bwenêne. Ntâko nakabula kumufa bwonjo”.

Yeremiya 31:3

Akagiderha, erhi: «Nyakasane ayishiricîyêrekana kuli nie erhali hôfi». Lêro nâni namubwîra, nti: «Nkurhonya kurhenga ensiku zoshi, co cirhumire nyôrha ncîkwîshwekîrekwo bwenêne».

Ezekiyeli 16:8

Okubundi nanacigera hôfi na nâwe, nakubona. Gali gakola mango gâwe, mango ga kushebwa. Nakulambulirakwo lubuga lw’ecishûli câni, nabwîkira obushugunu bwâwe. Nacigasha n’endahiro, najira endagâno haguma na nâwe, kwo adesire Nyakasane Nyamubâho, -wanaciba wâni.

Mateyo 24:22

Acibâga ezo nsiku zirhali zinyihîbwe, ntà muntu wankacizire; ci abîshogwa bàrhuma, ezo nsiku zanyihibwa.

Mateyo 24:24

Bulya bayish’iyisha ba-Kristu bw’obwîhambi n’abalêbi bw’obunywesi, bayish’ijira ebimanyîso n’ebirhangâzo binji ebyankarheba ciru n’abîshogwa acibà kwankahashikana.

Mateyo 24:31

Obwo anarhuma bamalahika bâge n’omushekera gw’izù linene, bashûbûze abarhôle bâge b’empande ini z’igulu, kurhenga emalunga bwenêne kuhika ah’igulu lihekîre.

Marko 13:20

“N’acibâga Nnâmahanga arhanyihyagya ezo nsiku ntà muntu wankacizire; ci ezo nsiku azinyihize abîshogwa bàrhuma”.

Marko 13:22

“Bulya bayish’iyisha ba-Kristu b’obwîhambi n’abalêbi b’obunywesi banji, banayish’ijira ebimanyîso n’ebirhangâzo mpu barhebe ciru n’abîshogwa acibà kwankahashikana”.

Marko 13:27

Obwo anarhuma bamalahika bâge bashûbûze abîshogwa bâge empande ini z’igulu, kurhenga aha igulu lihekîre kuhika emalunga bwenêne».

Luka 1:78

omu lukogo lw’omurhima gwa Nyamuzinda wîrhu lwarhulerhera Izûba lyarhenga enyanya,

Luka 18:7

“Ewe, ka Nnâmahanga abîshogwa bâge bamubirikira buca-buyira arhabatwîra olubanja? K’alegam’ibarhabâla?”

Barom 1:7

mwe barhonyi ba Nnâmahanga muli e Roma, mwe muhamagîrwe mpu mubè batagatîfu, kuli mwe engalo n’omurhûla gwa Larha Nnâmahanga na Nyakasane Yezu Kristu.

Barom 13:14

mucihundikire Nyakasane Yezu Kristu, murhanacikâg’irhogoza omu­biri omu kushimba enyifinjo zâgwo.

Barom 9:11

Erhi abâna babà barhaj’iburhwa, barhaj’ijira oli ecinjà oli ecibî, mpu lyo Nnâmahanga ayêrekana oku ajira nk’oku alonzize omu kucîshoga abâge,

1 Bakorinti 13:4

Obuzigire burhûla; obuzigire burhabâlana; obuzigire burhayâgalwa; obuzigire burhahalanjika; burhanacikunga;

2 Bakorinti 6:6

omu bucêse bw’omurhima, omu bumanye, omu kulembera amalibuko, omu butûdu, muli Mûka Mutagatîfu, n’omu buzigire bw’okunali;

Bagalasiya 5:6

Kali, muli Kristu, arhali kukembûlwa kujira akamalo, ci obuyêmêre buciyêrekana omu buzigire.

Befezi 1:4

Ntyo kwo acîrhwishozire muli ye embere igulu liremwe mpu rhubè batagatîfu na bêru-kwêru embere zâge omu buzigire,

Befezi 4:2

Mubè bîrhôhye na batûdu, munalemberane; muyumvanye omu buzigire,

Befezi 4:24

munacîhundikire omuntu muhyâhya, olya Nyamuzinda alemaga oku nshusho yâge omu bushinganyanya n’omu butagatîfu bw’okunali.

Befezi 4:32

Muciyêrekane binjà erhikwo na ba lukogo baguma oku bandi, omu kubabalirana mwêne na nnene nka kulya Nnâmahanga ammubabaliraga muli Kristu.

Bafilipi 1:8

Nyamuzinda ye muhamîrizi wâni: mmuzigira mweshi n’omurhima gwa Kristu.

Bakolosi 3:10

mwacîhundikira omuhyâhya, olya ocîsêza okuhinduka nshusho y’Omulemi wâge, mpu lyo ahika oku bumanye bw’okunali.

1 Batesalonika 5:15

Mumanye hankajira owagalulira omuntu obubî oku bubî; ci ngasi mango mucihangâne okujirirana aminjà mwêne na nnene, mugajirire n’abantu boshi.

2 Timoteyo 1:9

ye warhucungulaga, arhuhamagala anacirhwîshoga mpu rhubè batagatîfu, arhali oku lugero lw’ebijiro bîrhu, ci oku lugero lw’obulonza bwâge yêne n’engalo yâge. Eyo nshôkano rhwashobôlaga kurhenga emyâka n’emyâka muli Kristu Yezu,

2 Timoteyo 2:10

Okwo kwo kurhuma ndembera amalibuko goshi abîshogwa barhumire, nti lyo nabo babona obucire bubà muli Kristu Yezu haguma n’irenge ly’ensiku n’amango.

Tito 1:1

Paolo, mwambali wa Nnâmahanga, ntumwa ya Yezu Kristu, mpu lyo nyêreka abîshoge ba Nyamuzinda enjira y’obuyêmêre n’ey’obumanye bw’okuli bulêrha obukombêdu omu bya Nyamuzinda,

1 Petro 1:2

Mwe Nyamuzinda Îshe acîshogaga omu bumanye bwâge, anammucêsa na Mûka Mutagatîfu, mpu lyo muyumva Yezu Kristu munashahizibwe n’omukò gwâge: kuli mwe enshôkano n’omurhûla munji!

2 Petro 1:10

Kuziga mucîhangânage, bene wîrhu, okuzibuha omu kuhamagalwa n’omu kucîshogwa kwinyu; erhi mwankakajira ntyo ntà mango mwânahirime.

1 Yowane 4:19

Rhwêhe rhuzigirane, kulya kubà ye warhangag’i­rhuzigira.

2 Yowane 1:13

Abâna ba Mwâli winyu Mwîshogwa bamulamusize.

Mafulûlo 17:14

Bayish’ilwîsa Omwâna-buzi, ci Omwâna-buzi âbahima, bulya ye «Nyakasane wa banyakasane, ye Mwâmi w’abâmi, n’abâli boshi naye nabo bâhime, bo bahamagîrwe, bo bîshogwa, bona bemêzi».