Bakolosi 2:8 - BIBLIYA NTAGATIFU OMU MASHI

⁸ Mumanye hankanajira owammujira bajà n’obwengûza bw’efilozofiya y’obunywesi, erya eyegemêra emigenzo y’abantu n’ebiremwa by’en’igulu, ci arhali Kristu.

Bakolosi 2:8 ပူးပေါင်းရင်းမြစ်များ

Lwimbo 2:15

Mâshi murhugwârhire bala banyambwe mâshi, obwôla bunyambwe budwîrhe bwarhuyonera emizâbîbu n’obwo emizâbîbu ekola yayâsa!

Yeremiya 29:8

“Bulyâla kwo adesire ntya Nyakasane w’Emirhwe, Nyamuzinda w’Israheli: murhahabulagwa n’abalêbi bali ekarhî kinyu nîsi abashonga binyu: murhayumvagya ebilôrho mudwîrhe mwalôrha”.

Mateyo 10:17

Mumanye abantu: bâmmuhâne omu lubanja, bânammushûrhire omu sinagogi zâbo.

Mateyo 16:6

Lêro Yezu anacibabwîra, erhi: «Mucîlange munamanye engezo y’Abafarizeyi n’Abasaduceyi!»

Mateyo 7:15

Mumanye abalêbi b’obunywesi, abammujaho bayambirhe nka bâna-buzi, n’obwo omu murhima gwâbo bali biryanyi.

Ebijiro 17:18

Ciru n’abarhimanya baderhwa bapikureyi na bastoyici bakâmujîsa kadali. Baguma bakâderha, mpu: «bici eyi ngushu yankaderha?» Abandi; mpu: «Ali nk’owayigîriza abazimu b’e mahanga»; bulya akâg’ibabwîriza Yezu n’obufûke bw’abafîre.

Ebijiro 17:32

Erhi bayumva okufûka kw’abafîre, baguma bamushekera, n’abandi baderha erhi: «Rhwâcikuyumwa kw’eyo myanzi gandi mango».

Barom 16:17

Mmuhûnyire, bene wîrhu, nti mucîlange kwa bala bakâlonza okummushâbira n’okummusârhaza, n’obwo arhali ntyo kwo mwayigîrizibwe; abo mu­bayâke.

1 Bakorinti 10:12

Ntyo, ocîkebirwe mpu ayîmanzire, amanye ankahirima.

1 Bakorinti 8:9

Ci mumanye olugendo lwinyu muli okwo lurharhumaga abazamba basârhala.

2 Bakorinti 10:5

na ngasi bucîbone buderha mpu bwacîgererakwo okumanya Nyamuzinda, na ngasi bukengêre rhubugwârha mpira nti bushige Kristu.

Bagalasiya 1:14

Omu idini ly’Abayahudi, nalusha bîrhu banji rhwakulaga rhweshi, bulya ntâye wampimaga okusêra oku ngeso za bashakulûza.

Bagalasiya 4:3

Nîrhu kwo na kuguma: amango rhwaciri barhò, rhwàli bajà b’ebiremwa by’en’igulu.

Bagalasiya 4:9

Lêro buno mukola muyishi Nyamuzinda, na buno naye akola ammuyishi, kurhi mwankacishimbaga ebiremwa bya busha birhajira nsimiko, n’okushub’icijira bajà bâbyo?

Bagalasiya 5:15

Ci akabà munakashoshôbana n’okulyâna mwêne na nnene, mumanye mwahezanya!

Befezi 2:2

mwalimwo mîra erhi mukashimba obugende bw’eri igulu n’okukashimba omuluzi w’obwâmi bw’omu cirêre, ye muzimu ntalikirira entumva…

Befezi 4:20

Ci mwêhe arhali ntyo kwo mwayigîrizibwe Kristu,

Befezi 5:6

Harhajiraga owammurheba n’ebinwa by’obunywesi: ebyo byo bihamagala obukunizi bwa Nyamuzinda oku bamugomera.

Lushika 6:12

orhahîra okayibagira Nyamubâho wakukûlaga omu cihugo c’e Mîsiri, omu nyumpa wàlimwo mujà.

Bafilipi 3:2

Mumanye orhubwa! Mumanye abakozi babî! Mumanye abakembûle b’obwîhambe!

Bakolosi 2:18

Ntâye ommurhebage mpu ammunyaga entanda yinyu omu kucîkungira obwîrhôhye bwâge bw’okugashâniza bamalahika. Ebyo byoshi biri bilôrho bya balya obucîbone bwâbo burhagwêrhi nsimiko n’obukengêre bw’ecinyamubiri burhunza.

Bakolosi 2:20

Akabà mwafîre haguma na Kristu oku biremwa by’en’igulu, cici cicirhumaga mwayêmêra emiziro nka kulya muciri b’en’igulu?

Bakolosi 2:22

Kali ebyo byoshi byalemeragwa okusherêra omu kukolêsibwa! Agôla marhegeko n’ezôla nyigîrizo ziri za bantu!

Bakolosi 2:23

Amarhegeko ga bene ago ganahash’ibonekana nka ga bantu bashinganyanya balonza obulyo bw’okugashâniza, n’obw’okucîrhohya, n’okubabaza omubiri; n’obwo ntà kamalo kâgo, na ntâkwo kankahash’ihima iralà ly’omubiri.

1 Timoteyo 6:20

Mâshi Timoteyo, olange omuhako wabîsibagwa. Okâyâka ebinwa bya ntya-ntya n’ebibî, n’orhudali rhw’obumanye bw’obwîhambe.

2 Timoteyo 3:13

Abantu babî bôhe n’endyâlya, kushâya bâshaye omu bubî, bârhebane banarhebwe.

Bahabraniya 13:9

Mumanye mwankarhebwa n’enyigîrizo za ngasi lubero n’ezi murhamanyiri olunda zarhenga; bulya nshôkano ya Nnâmahanga ezibuhya omurhima, ci arhali biryo birhalêrhera ababikolêsa bunguke.

Bahabraniya 3:12

Mumanye, bene wîrhu, murhabâgamwo ow’omurhima mubî n’omubula-buyêmêre, mpu acîyêgule na Nyamuzinda nn’obuzîne.

1 Petro 1:18

Mumanye oku murhakûlagwa omu bwôrhere bw’obujà basho bàmmuyahukizagya n’ebirugu byankasherêra, nk’amasholo erhi ensaranga,

2 Petro 3:17

Mw’abo mukola mumanyire, bîra bâni: mubè masù, mulek’irhebwa n’obunywesi bw’ezo ntumva, obone mwamahirima n’okurhêra obuzibu bwinyu.

2 Yowane 1:8

Mucîlange, mulek’irhuma ebi rhwakolîre byafabusha, ci muyish’ihâbwa oluhembo luna­kwânîne.