Bakolosi 2:5 - BIBLIYA NTAGATIFU OMU MASHI

⁵ Bulya ciru akabà ntali muli mwe n’omubiri, ndi muli mwe n’omurhima, nnansîmire okubona muyôsire bwinjà buzira kavulindi munasêzire buzibu omu buyêmêre bwinyu muli Kristu.

Bakolosi 2:5 ပူးပေါင်းရင်းမြစ်များ

2 Nganîro 29:35

Kandi n’enterekêro z’ensirîra zàli nyinji, n’okuyûshûla enterekêro z’amashushi oku nterekêro z’omurhûla n’ebindi by’embulaga oku kujira enterekêro y’ensirîra. Ntyôla kwo bashubiriyumanyanya obugashânize Omu ka-Nyamuzinda.

Ennanga 78:37

N’omurhima gwâbo gurhali gushingânîne mpu guyêrekere emund’ali, n’akanwa bàfundikiraga haguma naye barhakasêzagya.

Ennanga 78:8

Barhanabâga ishanja lya bagoma, ba cabira-bahana, aka bashakulûza wâbo. Lyo lyàli iburha lya murhima guli nka gwa ngoko, omurhima gwâbo gurhàli gusêzire kuli Nnâmahanga.

Mibalè 7:11

Banacihêka enterekêro yâbo embere z’oluhêrero. Nyamubâho anacibwîra Mûsa, erhi: «Ngasi lusiku, murhambo muguma akaziyisha adwîrhe enterekêro yâge y’olusiku lukulu lw’okugishwa kw’oluhêrero.»

Ebijiro 2:42

Obushiru bwâbo bwàli bunji omu kushimba enyigîrizo z’Entumwa, n’omu cinyabuguma, n’omu kubega omugati, n’omu kuharâmya.

Ebijiro 20:21

“nabwîra Abayahudi n’abapagani nti bacîyunjuze, bashige Nyamuzinda, banayêmêre Nnawîrhu Yezu”.

1 Bakorinti 11:34

Erhi hankajira oshalisire, analîre aha mwâge, lyo mulek’ijîra haguma okuyish’ihanwa. Ebindi niene nâbikomeza amango nâyisha.

1 Bakorinti 14:40

Cikwône byoshi bijirwe bwinjà bwinjà na buzira kavulindi.

1 Bakorinti 15:58

Ntyo, bene wîrhu bazigirwa, musimike, murhadundaganaga, ensiku zoshi mukaz’ijà embere omu mukolo gwa Nyakasane, bulya mumanyire oku omukolo gwinyu muli Nyakasane gurhankafa busha.

1 Bakorinti 16:13

Mubè masù, musêre buzibu omu buyêmêre, mubè balume, munakomere!

Bakolosi 2:1

Nnonzize mumanye ntambala ndârhi ncindwîrhe nalwa mwe murhuma, nab’e Laodiceya, na ngasi bandi barhasâg’ibona obusù bwâni menemene.

1 Batesalonika 2:17

Rhwêhe, bene wîrhu, kurhenga rhujira nsiku rhurhabonana n’amasù, ci arhali omu murhima, rhwayumva rhukola rhucîfinjire okushub’ibona obusù bwinyu, rhwanayumva rhummuduzire bwenêne.

1 Batesalonika 3:8

Nêci, rhuyumvîrhe rhukola rhugwêrhe emisî bulya mukomîre muli Nyakasane.

Bahabraniya 3:14

Kali rhwe rhukola baguma na Kristu, caziga rhulange obuyêmêre bwîrhu buzibu kuhika okufà, nka kulya rhwanarhangiraga.

Bahabraniya 6:19

Obwo bulangâlire rhubugwêrhe nka mutungo gutunga omurhima gwîrhu; mutungo gw’okunali na muzibu guhika omu lusîka.

1 Petro 5:9

Mumuhagalike n’obuzibu bw’obuyêmêre bwinyu, munamanye oku ago malibuko go ganadwîrhe galibuza bene winyu bali omu igulu.

RUTI 1:18

erhi abona oku Ruti anasêzize okumushimba, Noemi arhacilonzagya okumusêza.