Bakolosi 2:23 - BIBLIYA NTAGATIFU OMU MASHI

²³ Amarhegeko ga bene ago ganahash’ibonekana nka ga bantu bashinganyanya balonza obulyo bw’okugashâniza, n’obw’okucîrhohya, n’okubabaza omubiri; n’obwo ntà kamalo kâgo, na ntâkwo kankahash’ihima iralà ly’omubiri.

Bakolosi 2:23 ပူးပေါင်းရင်းမြစ်များ

Barom 13:14

mucihundikire Nyakasane Yezu Kristu, murhanacikâg’irhogoza omu­biri omu kushimba enyifinjo zâgwo.

Befezi 5:29

Ntâye osag’ishomba omubiri gwâge; ci kugulîsa omuntu agulîsa n’okuguge­nderera kwinjà, nka kula Kristu ajirira Ekleziya;

Bakolosi 2:18

Ntâye ommurhebage mpu ammunyaga entanda yinyu omu kucîkungira obwîrhôhye bwâge bw’okugashâniza bamalahika. Ebyo byoshi biri bilôrho bya balya obucîbone bwâbo burhagwêrhi nsimiko n’obukengêre bw’ecinyamubiri burhunza.

Bakolosi 2:22

Kali ebyo byoshi byalemeragwa okusherêra omu kukolêsibwa! Agôla marhegeko n’ezôla nyigîrizo ziri za bantu!

Bakolosi 2:8

Mumanye hankanajira owammujira bajà n’obwengûza bw’efilozofiya y’obunywesi, erya eyegemêra emigenzo y’abantu n’ebiremwa by’en’igulu, ci arhali Kristu.

1 Timoteyo 4:3

Bâkâhanza obuhya: n’ebiryo Nyamuzinda alemaga mpu abemêzi n’abayîshi okuli bakabilya omu kuvuga omunkwa.

1 Timoteyo 4:8

Bulya okushîbirira emisî y’omubiri kurhagwêrhi kamalo kanene; ci okukombêra oburhumisi bwa Nnâmahanga kukwânana muli byoshi, bulyâla kwalaganyizibwe obuzîne bwa bunôla n’obwaciyisha.