Bakolosi 2:20 - BIBLIYA NTAGATIFU OMU MASHI

²⁰ Akabà mwafîre haguma na Kristu oku biremwa by’en’igulu, cici cicirhumaga mwayêmêra emiziro nka kulya muciri b’en’igulu?

Bakolosi 2:20 ပူးပေါင်းရင်းမြစ်များ

Yowane 15:19

“Mu­cibâga b’igulu, igulu lyankasîmire ecalyo; ci kulya kubà murhali b’igulu, bulya erhi ncimmwîshoga nammuyegûla n’igulu, igulu likola limmushomba”.

2 Bakorinti 10:3

Omu mubiri rhubà, nêci, ci rhurhalwa kwa mubiri.

Bagalasiya 4:3

Nîrhu kwo na kuguma: amango rhwaciri barhò, rhwàli bajà b’ebiremwa by’en’igulu.

Bagalasiya 6:14

Niehe, mâshi ntacifaga nalonzize obukuze omu kandi kantu ogurhali musalaba gwa Nnawîrhu Yezu Kristu, ye warhumaga igulu lyabambwa kuli nie, nâni nabambwa oku igulu!

Befezi 2:15

omu mubiri gwâge arhenza irhegeko haguma n’ebirhegesirwemwo n’ebigabi byâlyo, mpu lyo abo babiri abahindula muntu muguma muhyâhya muli ye, na ntyo alêrhe omurhûla;

Bakolosi 2:14

azaza ecêrhè c’omwenda rhwalimwo n’ebigabi byâco, acirhenza, acibamba oku musalaba.

Bakolosi 2:16

Lêro irhondo harhacijiraga owammuderha oku biribwa n’oku binyôbwa, nîsi erhi oku biyêrekîre ensiku nkulu, erhi okubaluka kw’omwêzi, erhi olwa Sabato.

Bakolosi 2:21

Mpu: «Omanye wankahumakwo, omanye wankalabulakwo, omanye wankamamarhakwo!»

Bakolosi 2:8

Mumanye hankanajira owammujira bajà n’obwengûza bw’efilozofiya y’obunywesi, erya eyegemêra emigenzo y’abantu n’ebiremwa by’en’igulu, ci arhali Kristu.

Bakolosi 3:3

Bulya mwafîre, n’obuzîne bwinyu bukola bubà bubishe haguma na Kristu muli Nyamuzinda.

Bahabraniya 13:9

Mumanye mwankarhebwa n’enyigîrizo za ngasi lubero n’ezi murhamanyiri olunda zarhenga; bulya nshôkano ya Nnâmahanga ezibuhya omurhima, ci arhali biryo birhalêrhera ababikolêsa bunguke.

Yakôbo 4:4

Ezi ndyâlya, ka kuhaba muhabire oku okuyinjibana igulu kuli kushombana na Nnâmahanga? Kwo kuderha oku owalonza okubà mwîra w’igulu anacîjire mushombanyi wa Nyamuzinda.

1 Yowane 5:19

Rhumanyire oku rhuli ba Nyamuzinda, n’oku igulu lyoshi liri omu buhashe bw’Omubî.