Bahabraniya 9:16 - BIBLIYA NTAGATIFU OMU MASHI

¹⁶ Bulya ahâli endagâno y’o­mwîmo, kukwânîne habè ecahamîriza oku owayihângaga àfîre.

Bahabraniya 9:16 ပူးပေါင်းရင်းမြစ်များ

Barom 5:12

Ntyo kwo biri! Ecâha cadwîrhwe en’igulu na muntu muguma, naco ecâha càburha olufù, n’olufù lwayahukira abantu boshi, bulya boshi bàkozire ecâha.

Barom 6:23

Bulya oluhembo lw’ecâha lubà lufù, ci engalo ya Nyamuzinda bubà buzîne bw’ensiku n’amango muli Nnâhamwîrhu Yezu Kristu.

1 Bakorinti 15:22

Nêci, nka kulya boshi bafà muli Adamu, kwo na boshi bayish’ishubira­mwo omûka muli Kristu.

Bahabraniya 1:3

Oyo Mugala, ye bulangashane bw’irenge lyâge, ye na nshusho y’obwôrhere bwâge; ye tugika igulu n’oluderho lwâge lugala-byoshi. Erhi abà amârhufumya ebyâha bîrhu, aj’ibwârhala ekulyo kwa Nyamuzinda omu mpingu.

Bahabraniya 13:20

Nyamuzinda w’omurhûla, wafûlaga omu bafù Nnawîrhu Yezu, ye Lungere mukulu w’ebibuzi, erhi nterekêro y’omukò gwâge gw’endagâno y’ensiku n’amango erhuma,

Bahabraniya 9:15

Eco co cirhumire àbà mulagizi w’endagâno mpyâhya, ànafîre mpu azâze ebyâha byàkolagwa amango g’endagâno ntanzi, lyo abarhôle bayîma omu bwâmi bw’ensiku n’amango bàlaganyibagwa.

Bahabraniya 9:17

Nêci, endagâno y’omwîmo ebona obuzibu nk’owayijiraga amâfà; n’amango goshi aciriho, ntà buzibu bwâyo.

Yakôbo 2:10

Omuntu oshimba Amarhegeko goshi, erhi ankavunamwo cinwa ciguma cône, erhi goshi agomîre.