Bahabraniya 7:28 - BIBLIYA NTAGATIFU OMU MASHI

²⁸ Bulya irhegeko linayîmike abantu bazamba mpu babè badâhwa bakulu, ci akanwa k’omwîgasho kàyishaga enyuma ly’irhegeko, kàyîmisire Mugala wa Nnâmahanga, kàmujira mwîmana oku nsiku n’amango.

Bahabraniya 7:28 ပူးပေါင်းရင်းမြစ်များ

Ennanga 110:4

Nyakasane acîgashire arhanatwe omu kanwa kâge: «Oli mudâhwa w’ensiku n’amango kulya kwa Melkisedeki.»

Ben Levi 4:3

Akabà mudâhwa washîzirwe amavurha ojizire ntyo, anarhuma olubaga lwoshi lwahemuka, eco câha câge canarhuma arherekêra Nyakasane empanzi y’omucûkà erhalikwo ishembo, ebè nterekêro y’okushukûlwa ebyâha.

Luka 13:32

Anacibashuza, erhi: «Mugende, muj’ibwîra oyo nyambwe ntyâla: “K’orhabwîni, ndwîrhe nalibirhakwo bashetani, ndwîrhe nafumya abantu ene n’irhondo, n’olusiku lwa kasharhu nyûkirize!”

Yowane 19:30

Erhi Yezu ayûs’inywakwo eyo nkalishi, aderha, erhi: «Hoshi aho». Anaciyûnamya irhwe, arhengamwo omûka.

Bahabraniya 1:2

Lêro mwo zino nsiku nzinda, arhuma Omugala yêne, mpu arhumanyise akanwa kâge, anamuyîmika, amuhà oburhegesi bw’ebintu byoshi; ye anakolêsagya erhi alema igulu.

Bahabraniya 2:10

Erhi Nnâmahanga alonza mpu ahise bagala banji omu irenge, kwàli kushingânîne Nyamuzinda, Nn’ebintu byoshi na Lulema wa byoshi, arhang’iyumanyanya n’amalibuko ecirongôzi cabahêka omu bucire.

Bahabraniya 2:17

Okwo kwarhuma acîshushanya n’abalumuna muli byoshi, mpu lyo abà mudâhwa mukulu w’olukogo n’ow’okucîkubagirwa omu biyêrekiîre Nyamuzinda, lyo alyûla ebyâha by’olubaga.

Bahabraniya 3:1

Ntyo, bene wîrhu batagatîfu, mwe mushangîre enshôkano y’empingu, mulolekwo Yezu, ye mujà-bugo ye na mudâhwa mukulu w’obuyêmêre bwîrhu.

Bahabraniya 3:6

Ci Kristu yêhe kwo ali mwemêzi nka mwene-nna-nyumpa, mpu arhegeke abâmwo boshi. N’eyo nyumpa, yo rhwe, caziga rhusêre burhashuba-nyuma oku bulangâlire n’oku mwishingo gw’oku rhwâhike omu mpingu.

Bahabraniya 4:14

Kuziga obu rhugwêrhe omudâhwa mukulu bwenêne, Yezu, Mugala wa Nyamuzinda wayikîre amalunga, rhugwârhage buzibu obuyêmêre bwîrhu.

Bahabraniya 5:5

Kwo na kwo, arhali Kristu yêne wacîjiraga mudâhwa mukulu, ci olya wamubwîraga, erhi: We Mugala wâni, nie nakuburhaga ene.

Bahabraniya 7:21

ci yêhe Owamuhâga obudâhwa àcîgasha, erhi: Nyakasane àcîgashire, arhakanagalula akanwa kâge: Oli mudâhwa w’e­nsiku n’amango.

Bahabraniya 7:24

ci yêhe, bulyâla abâho ensiku n’amango, obudâhwa bwâge burhakayûrha.

Bahabraniya 7:3

Arhajira îshe, arhajira na nnina, n’omulala gwâge ntâye oguyishi; ensiku zâge zirhajira murhondêro, n’obuzîne bwâge burhajira buzinda. Oyo Melkisedeki washushanyîbwe na Mwene Nyamuzinda, ayôrha abà mudâhwa ensiku n’amango.