Bahabraniya 7:26 - BIBLIYA NTAGATIFU OMU MASHI

²⁶ Nêci, ntyo kwo byàli bikwânîne rhubè n’omudâhwa mukulu, mwimâna, mwêru-kwêru, orhalikwo ishembo, orhalukira haguma n’abanya-byâha, oli omu lyanya kurhaluka amalunga.

Bahabraniya 7:26 ပူးပေါင်းရင်းမြစ်များ

Ennanga 68:18

Engâlè za Nyamuzinda bihumbi n’ebihumbi, Nyakasane amâbunguluka oku Siyoni, amâj’omw’idubiro lyâge.

Lubungo 28:36

Ojire ehy’olubambà hy’amasholo gône gône, onabinjekwo nka kula babinja akahamikizo, mpu: «Mutagatîfu wa Nyakasane».

Izaya 53:9

Bahumba ecûsho câge ekarhî ka banyankola-maligo, n’enshinda yâge ekarhî k’abagale, n’obwo ntà bubî ajizire, na ntà bunywesi bwarhenzire omu kanwa kâge.

Ezekiyeli 44:27

n’olusiku ajà omu cirhînyiro, omu bululi bw’omu ndalâlà mpu alikola omu cirhînyiro, anarhangihana enterekêro oku câha, kwo adesire Nyakasane Nyamubâho.

Mibalè 29:26

Oku lusiku lwa karhanu, mwanarherekêra mpanzi ntôrhò mwenda, ngandabuzi ibirhi na bâna-buzi ikumi na bâni ba mwâka muguma barhanagwêrhi ishembo;

Mateyo 27:18

Erhi anamanyire obwo oku bwâgalwa bamuhâniraga.

Marko 16:19

Erhi Mwâmi Yezu ayûs’ibabwîra ntyo, anacihêkwa emalunga, abwârhala ekulyo kwa Nyamuzinda.

Luka 1:35

Malahika amushuza, erhi: «Mûka Mutagatîfu akuyandagalira, n’obuzibu bw’Ow’enyanya bwakubwîka ecîhôho. Co carhuma omwâna wâburha âbà Mutagatîfu anaderhwe Mugala wa Nyamuzinda.

Luka 23:22

Ashub’ibabwîra o­bwa kasharhu, erhi: «Ewe, kubî kuci ajizire? Ntâco cikwânîne okufà namu­bwînekwo. Kuziga nkola namuhana ngal’imulîka».

Luka 23:41

Rhwêhe rhugakwânîne, bijiro bîrhu rhwalyûla; ci yêhe ntà cibî ciguma àjizire».

Luka 23:47

Omukulu w’abasirika erhi abona okwo, akuza Nyamuzinda, erhi: «Nêci, kwo binali, oyu muntu ali mwimâna!»

Luka 24:26

Ewe! ka kurhàli kukwânîne Kristu ababale ntyo lyo ajà omu irenge lyâge?»

Luka 24:46

Ababwîra, erhi: «Kristu àli ayandikîrwe okubabala n’okufûka omu bafù olusiku lwa kasharhu;

Yowane 14:30

«Ntacimmubwîra binji, bulya Omurhwâli w’er’igulu ayiruka. “Ci ntà buhashe agwêrhe kuli nie”.

Yowane 8:29

n’owantumaga rhwe naye rhubà; arhandekaga niene, bulya ensiku zoshi njira ebimusîmîsa».

Ebijiro 3:14

Ci mw’oyo mwalenganyize O­mwimêna n’Omwêru-kwêru; mwahûna mpu balîke ecishumûsi,

Ebijiro 4:27

Nêci, kwo binali, Herodi bo na Ponsiyo Bilato, n’amashanja g’abapagani n’olubaga lw’Israheli, bashûbûzinye muli eci cishagala, bacîgusha haguma mpu balwîse omurhumisi wâwe Yezu washîgaga (amavurha g’obwâmi).

2 Bakorinti 5:21

Orhali oyishi ecâha, amujira câha rhwe rhurhumire, mpu lyo muli ye rhushuba bushinganyanya bwa Nyamuzinda.

Bahabraniya 1:3

Oyo Mugala, ye bulangashane bw’irenge lyâge, ye na nshusho y’obwôrhere bwâge; ye tugika igulu n’oluderho lwâge lugala-byoshi. Erhi abà amârhufumya ebyâha bîrhu, aj’ibwârhala ekulyo kwa Nyamuzinda omu mpingu.

Bahabraniya 12:2

Rhusêze Yezu kwo amasù, ye cisisi ye na bwimâna bw’obuyêmêre bwîrhu; ye wacîhangâniraga omusalaba ahâli h’amasîma ankabwîne, àgayaguza enshonyi zâgwo, na buno akola atamîre ebwa kulyo kw’entebe ya Nyamuzinda.

Bahabraniya 2:10

Erhi Nnâmahanga alonza mpu ahise bagala banji omu irenge, kwàli kushingânîne Nyamuzinda, Nn’ebintu byoshi na Lulema wa byoshi, arhang’iyumanyanya n’amalibuko ecirongôzi cabahêka omu bucire.

Bahabraniya 2:17

Okwo kwarhuma acîshushanya n’abalumuna muli byoshi, mpu lyo abà mudâhwa mukulu w’olukogo n’ow’okucîkubagirwa omu biyêrekiîre Nyamuzinda, lyo alyûla ebyâha by’olubaga.

Bahabraniya 3:1

Ntyo, bene wîrhu batagatîfu, mwe mushangîre enshôkano y’empingu, mulolekwo Yezu, ye mujà-bugo ye na mudâhwa mukulu w’obuyêmêre bwîrhu.

Bahabraniya 7:11

Akabà obudâhwa bwa bene-Levi bwàli bwimâna, -bulya kuli bo Nyamuzinda ahâga olubaga Amarhegeko-, càcirhumaga owundi mudâhwa oli aka Melkisedeki aciyisha, cànarhumaga barhaderha oku ali aka Aroni?

Bahabraniya 8:1

Mw’ebyo rhudesire, ecinwa cikulu cirigi c’eci: Rhugwêrhe omudâhwa mukulu otamîre ebwa kulyo kw’entebe y’Obukulu bwa Nyamuzinda omu mpingu,

Bahabraniya 9:14

kanga kulusha, omukò gwa Kristu wacîhânaga yêne nterekêro erhalikwo izâbyo emwa Nyamuzinda oku buzibu bwa Mûka gw’ensiku n’amango gurhàcêsa omurhima gwîrhu, guzâzemwo ebijiro by’olufù, lyo rhubona oku rhwakolera Nyamuzinda ozîne?

1 Petro 1:19

ci n’omukò gw’ecitwîro cidârhi gwa Kristu, ye Mwâna-buzi mwêru-kwêru orhalikwo izâbyo.

1 Petro 2:22

Yêhe àrhajiraga câha, n’obulyâlya burhabonekaga omu kanwa kâge.

1 Petro 3:22

ye bwârhîre ebwa kulyo kwa Nyamuzinda erhi abà amarheremera empingu, n’erhi abà amâhira bamalahika n’amâmi n’amahashe idako ly’oburhegesi bwâge.

1 Yowane 2:2

Ye mpyûlo y’ebyâha bîrhu, a­rhanali ya bîrhu byônene, ci n’eby’igulu lyoshi.

1 Yowane 3:5

Murhanahabiri oku kurhenza ebyâha kwamudwîrhe, n’oku ntà câha cimubâmwo.

Mafulûlo 3:7

Malahika w’Ekleziya y’e Filadelfiya omuyandikire, erhi: «Kwo adesire ntyâla Omwimâna, Nn’okuli, oly’ojira akahamikizo ka Daudi: ohamûla olurhankacihamikwa, onahamika olurhankacihamûlwa.