Bahabraniya 6:18 - BIBLIYA NTAGATIFU OMU MASHI

¹⁸ mpu lyo ebyo bijiro bibiri birhankahinduka -na ntâkwo Nyamuzinda ankahash’inywerha muli byo- birhukomeza omurhima rhwe rhwabwîne olwâkiro omu kusêra oku bulangâlire rhwahâbirwe.

Bahabraniya 6:18 ပူးပေါင်းရင်းမြစ်များ

Murhondêro 19:22

Kanyagya oyâkiremwo bulya ntâco najira orhanacihikamwo». Co carhumire bayîrika olwo lugo izîno lya Sowari.

1 Bâm 2:28

Omwanzi gwanacihikakwo Yowabu, bulya Yowabu ali olunda lwa Ado niyasi, n’obo arhali ajire olunda lwa Absalomu. Yowabu anayakira omu ka-Nyamuzinda, anacigwârhiriza oku bikwi by’oluhêrero.

Ennanga 110:4

Nyakasane acîgashire arhanatwe omu kanwa kâge: «Oli mudâhwa w’ensiku n’amango kulya kwa Melkisedeki.»

Ennanga 46:1

Gwârhi omukulu w’abimbiza. Lwa bene Korè. Oku izù ly’abanyere­ bashugi. Lwimbo.

Ennanga 62:8

Aha burhambi bwa Nyamuzinda ho nacirira ho nânajire irenge, Ye Kabuye-Buzibu bwâni, yêne ye lwâkiro lwâni.

Migani 3:18

Bubà murhi gwa kalamo oku muntu obufumbasire; n’obugwêrhe anashube muntu obêrîrwe.

Migani 4:13

Ogwârhe enyigîrizo orhazirhibaga, ozilange, ko kalamo kâwe.

Izaya 27:5

Ci abayâkira obulanzi bwâni, bajira omurhûla nâni, bajira omurhûla nâni!

Izaya 51:12

Niene, niene nie ndwîrhe nammurhûliriza! Oligi ndi wayôboha omuntu wânafè, omuntu oburhwa n’owundi, oli nka hyâsi?

Izaya 56:4

Bulyâla ntyâla kwo Nyakasane adesire, erhi: «Enkonè zilanga ensiku zâni za Sabato, ezishimba obulonza bwâni zinacishwêkera oku ndagâno yâni,

Izaya 64:7

Cikwône, Yâgirwa Nyakasane, we onali larha; rhw’ono rhuli ibumba, nâwe we mubumbi wîrhu; rhweshi rhuli bushanja bw’enfune zâwe.

Zakariya 9:12

Mwâli wa Siyoni, abashwêke badwîrhe balingûza, bâyish’igaluka emunda oli, nâkugalulìre lyo nkujuha ensiku zoshi z’obujà bwâwe.

Mibalè 23:19

Nyamuzinda arhabà muntu okazinywerha arhali mwene Adamu okazicîyunjuza. Ka ye oderha kône arhanajire cici? Ka ye oderha akanwa karhanabè kulya anaderhaga?

Mateyo 24:35

Irunga n’igulu byâgere, ci enderho zâni zirhakagera.

Mateyo 3:7

Erhi abona Abafarizeyi n’Abasaduceyi banji nabo bayisha oku bubatizo, abà­bwîra, erhi: «Mwe iburha lya cibugusha, ndi lêro wammuyêresire enjira y’okuyâka obukunizi bwâyisha?

Luka 2:25

Obwo erhi e Yeruzalemu eli omuntu, ye wali Simeoni. Oyo muntu ali mushinganyanya anarhînyaga Nyamuzinda. Akâg’ilinga cînamula w’Israheli, na Mûka Mutagatîfu erhi abà muli ye.

Barom 15:5

Mâshi Nyamuzinda, cisiki c’okulembera amalibuko n’ec’oburhûlirize, ammuhè okuyumvanya mwêne na nnene oku lwîganyo lwa Yezu Kristu,

Barom 3:25

ye Nyamuzinda acîshozire mpu abè nterekêro y’okulyûla ebyâha n’omukò gwâge erhi buyêmêre burhuma. Na ntyo ayêrekana obwimâna bwâge omu kurhahana ebyâha bya mîra,

Barom 3:4

Rhuyishi oku Nyamuzinda arhanywerha, ci ngasi muntu kujalira ajalira, nk’oku biyandisirwe, mpu: Ly’oyêra omu binwa byâwe, onayâze abakuheka lubanja.

Barom 5:5

n’obo bulangâlire burhabonêsa nshonyi, bulya obuzigire bwa Nyamuzinda bwabulagîrwe omu mirhima yîrhu na Mûka Mutagatîfu rhwahâbagwa.

Bafilipi 2:1

Akabà hali akantu kankalêrha oburhûlirize muli Kristu, akabà obuzigire bwakahash’ihira omuntu omurhima omu nda, akabà ecinyabuguma muli Mûka Mutagatîfu ho cibà, akabà habà olukogo n’obwonjo,

Bakolosi 1:23

caziga musêre buzibu omu buyêmêre, mumere emizî, mukomere munabè ntadungagana omu bulangâlire bw’Emyanzi y’Akalembe mwayumvagya; eyo Myanzi y’Akalembe yayigîrizîbwe ngasi ciremwa cibà en’igulu, hano idako ly’amalunga, nâni, nie Paolo, nahindusire mujà-bugo wayo.

Bakolosi 1:27

Nyamuzinda alonzize okubayêreka obuhirhi bw’irenge bw’eryôla ihwe emwa abapagani: Kristu ali ekarhî kinyu, ye bulangâlire bw’irenge!

Bakolosi 1:5

kulya kubà mucîkubagire obulangâlire mubîkîrwe omu mpingu. Obwôla bulangâlire mwabuyumvîrhe omu Luderho lw’okuli, yo Myanzi y’Akalembe;

1 Batesalonika 1:10

munalinge oku Omugala agaluka kurhenga empingu, olya Mugala afûlaga omu bafù, ye Yezu, orhuciza obukunizi bwayisha.

1 Timoteyo 1:1

Paolo, ntumwa ya Yezu Kristu oku irhegeko lya Nyamuzinda, Muciza wîrhu, n’erya Kristu Yezu, bulangâlire bwîrhu,

1 Timoteyo 6:12

Olwe bwinjà entambala y’obuyêmêre; ogwârhe obuzîne bw’ensiku n’amango wahamagaliragwa, n’obuwajiriraga obuhamîrizi bwâwe bwinjà bw’obuyêmêre embere za ba-càli-ho banji.

2 Timoteyo 2:13

Erhi rhwankabula bwayêmêra, yêhe ntà mango ankatwa omu kanwa kâge; bulya arhankacîhakana yêne.

Tito 1:2

erhi kulangâlira obuzîne bw’ensiku n’amango kurhuma, nk’oku Nnâmahanga orhankarhebana a­rhulaganyagya kurhenga ensiku n’amango,

Bahabraniya 11:7

Buyêmêre bwarhumaga Nûhu; erhi àbà amamanyîsibwa ebirhaj’ibonekana, àyumva obwôba bw’obukenge kuli Nnâmahanga, ànabinja enkuge mpu lyo afumya omulala gwâge. N’obuyêmêre bwâge àyigîriza igulu, ànahinduka mwîmo gw’obushinganya bulêrhwa n’obuyêmêre.

Bahabraniya 3:11

Omu bukunizi bwâni nanacicîgasha, nti: Barhakalabarha omu muluhûko gwâni.

Bahabraniya 3:6

Ci Kristu yêhe kwo ali mwemêzi nka mwene-nna-nyumpa, mpu arhegeke abâmwo boshi. N’eyo nyumpa, yo rhwe, caziga rhusêre burhashuba-nyuma oku bulangâlire n’oku mwishingo gw’oku rhwâhike omu mpingu.

Bahabraniya 6:17

N’eco co càrhumaga Nyamuzinda, erhi àlonza okumanyîsa bwinjinjà emîmo y’endagâno oku eciragâne câge cirhakahinduka, àcîgasha,

Bahabraniya 7:19

Ntà kantu irhegeko lyàjizire kimâna; ci lyàli nshokole­zi y’obulangâlire bulushire, oburhuhà okuyêmêra Nnâmahanga.

Bahabraniya 7:21

ci yêhe Owamuhâga obudâhwa àcîgasha, erhi: Nyakasane àcîgashire, arhakanagalula akanwa kâge: Oli mudâhwa w’e­nsiku n’amango.

Yozwe 20:3

“Anahashiyakiramwo ngasi yêshi wankayîrha omuntu omu kuhabuka, arhamuyirhe n’oluhinzo, ezo ngo zanamukwanana mukaziyâkiramwo omwihôzi w’omukò”».

1 Yowane 1:10

Erhi rhwankaderha nti ntà câha rhwajizire, erhi rhwamamujira munywesi, n’oluderho lwâge erhi lurhali muli rhwe.

1 Yowane 5:10

Oyêmîre Mugala wa Nyamuzinda, obwôla buhamîrizi bubà muli ye. Ci obûla bwayêmêra Nyamuzinda, amujira munywesi, bulya arhayêmîri obuhamîrizi Nyamuzinda ahamîrizagya Omugala.

1 Samweli 15:29

Ci omanye oku irenge lya Israheli lirhankacirheba lirhankanacîyûnjuza, bulya arhali muntu, olya yeki ogwâsirwe okucîyûnjuza.