Bahabraniya 6:12 - BIBLIYA NTAGATIFU OMU MASHI

¹² Na ntyo, ahâli h’okubà bôlo, muyige balya bayîma omu ndagâno za Nyamuzinda, balya baziyêmîre banazisêramwo.

Bahabraniya 6:12 ပူးပေါင်းရင်းမြစ်များ

Migani 12:24

Kuboko kulenga ye warhegeka, kuboko kuhozire ashige owâbo.

Migani 13:4

Omwôlo bw’alingira aha ali, ci birhacîlêrha byône, ba bushiru babiyigurha.

Migani 15:19

Enjira y’omwolo ebà eyunjwîre mishûgi, enjira y’obushinganyanya gubâ mulimbwa mugali?

Migani 18:9

Ngasi oyôlohera omukolo, ye muguma bône kashâba.

Migani 2:20

Ntyo kwo walambagira omu njira y’abantu nkana, kwo walanga enjira y’abashinganyanya.

Migani 26:14

Omwôlo kwo ahinduluka aha ncîngo, kula olumvi luhinduluka omu mulirango.

Migani 28:10

Omuntu ohabulira obushinganyanya omu njira mbî, arhakabula bugwa omu mwîna ahûmbaga yêne.

Lwimbo 1:8

Akabà orhamanyiri wâni namwinja w’abakazi boshi, okulikire enshando z’obusò onayabulire abâna-hene bâwe entambi z’ebwa bigala by’abangere.

Yeremiya 6:16

Kwo Nyakasane adesire ntya: Mujè omu njira za mîra, mudôse bwinjà enjira za mîra, ngahi yali enjira y’obwinjà? Muyiyankage, mwabona oku mwaluhûka. Ci bôhe bàdesire mpu «rhurhâyishimbe».

Mateyo 22:32

Nie Nyamuzinda w’Abrahamu, Nyamuzinda w’Izaki na Nyamuzinda wa Yakôbo? Arhali Nyamuzinda wa mifù, ci wa bagumagumà!»

Mateyo 25:26

Obwo nnâhamwâbo amushuza, amubwîra, erhi: «Murhumisi mubî na mwôlo! Wali oyishi oku nansârûla aha ntarhweraga, n’oku nampake aha ntamîraga?

Luka 16:22

Lêro olya mukenyi anacifà, ahêkwa na bamalahika omu cifuba c’Abrahamu. Olya mugale naye afà, abishwa.

Luka 8:15

“Nazo ezarhogeraga, omu budaka bwinjà, bo balya bayumvîrhe Oluderho n’omurhima nkana na mwinjà, balushîbirira, banayerakwo amalehe omu bushibirizi bwâbo”».

Barom 12:11

Mubè ba bushiru buzira bwôlo, mubè n’emirhima mikombêdu, murhumikire Nyakasane.

Barom 2:7

abantu bacîshwêkera oku kujira aminjà, abalonza irenge n’obukuze n’okurhafà, abashobôze obuzîne bw’ensiku n’amango;

Barom 4:12

ahinduka n’îshe w’abakembûle, arhali balya banegenera kwône okukembûlwa kwâbo, ci balya bakulikira omukâba gw’obuyêmêre larha Abrahamu àli agwêrhe embere akembûlwe.

1 Batesalonika 1:3

Ngasi kasanzi, embere za Larha Nnâmahanga, erhi kugerêreza rhugerêreza ebijiro by’obuyêmêre bwinyu, n’emikolo y’obuzigire bwinyu, n’obulangâlire bwinyu bukomîre, muli Nnawîrhu Yezu Kristu.

2 Tesalonika 1:4

ciru nîrhu rhwêne rhukola rhucîkunga omu Ekleziya za Nnâmahanga erhi mwe murhuma, kulya kubà mwazibuhire mwanalanga obuyêmêre omu mababale n’omu malibuko mubona.

Bahabraniya 1:14

Ka boshi barhali myûka erhegesirwe okujira oburhumisi, erhumirwe bujà-bugo mpu erhabâle abayish’iyîma omu bucire?

Bahabraniya 10:36

Nêci, kukwânîne muzibuhe, lyo muyôrha mujira obulonza bwa Nyamuzinda, munayish’ihâbwa ebi àlaganyagya.

Bahabraniya 11:33

Abôla buyêmêre bwarhumaga bahima amâmi, bàjira ebishingânîne, bàbona omuhigulo gw’ebyàlaganyibagwa, bàshwêka orhunwa rhw’entale,

Bahabraniya 12:1

Co cirhumire nîrhu, obu rhuzungulusirwe n’ecitù cityo c’abahamîrizi, kukwânîne rhurhibe ngasi cihanzo, rhunaleke ebyâha birhuzonzire, rhugende bulibirha, rhuj’ilwa n’oburhwâli eyo ntambala rhurheganyizîbwe.

Bahabraniya 13:7

Mukengêre abakulu binyu babayigîriza akanwa ka Nyamuzinda; mulole obuzinda bw’obuzîne bwâbo munashimbe olwiganyo lw’obuyêmêre bwâbo.

Bahabraniya 5:11

Kuli okwo rhugwêrhe binji by’okummubwîra, ci okubihugûla kuli kuzibu, bulya muli bahwinja b’okuyumva.

Bahabraniya 6:15

Na ntyo Abrahamu àcîhangâna, abona eyo ndagâno.

Yakôbo 1:3

bulya murhahabiri oku amarhangulo g’obuyêmêre bwinyu kulêrha galêrha obuzibu bw’okulembera amalibuko.

2 Petro 1:10

Kuziga mucîhangânage, bene wîrhu, okuzibuha omu kuhamagalwa n’omu kucîshogwa kwinyu; erhi mwankakajira ntyo ntà mango mwânahirime.

1 Yowane 2:25

N’eci co ciragâne arhulaganyagya yêne: akalamo k’ensiku n’amango.

Mafulûlo 13:10

Oli wa kuhêkwa bujà, ajè bujà; oli wa kunigwa n’engôrho, anigwe n’e ngôrho. Bwo buzibu n’obuyêmêre bw’abashinganyanya obwo.