Bahabraniya 3:5 - BIBLIYA NTAGATIFU OMU MASHI

⁵ Mûsa àli mwemêzi omu mulala gwâge gwoshi nka mushizi, mpu abè muhamîrizi wa ngasi ebyâderhwe.

Bahabraniya 3:5 ပူးပေါင်းရင်းမြစ်များ

Nehemiya 9:14

Wabamanyîsa olusiku lukulu lwâwe lwa Sabato, wanacibahà Amarhegeko omu kanwa k’omurhumisi wâwe Mûsa, njira, n’oburhegesi bw’ekanwa kâwe.

Ennanga 105:26

Oku bundi arhuma omwambali Mûsa, arhuma n’omwîshogwa wâge Aroni.

Lubungo 14:31

Israheli abona kuboko kudârhi kunganaci Nyakasane ajiragamwo Mîsiri ntyo. Olubaga lwarhînya Nyakasane, lwayêmêra Nyakasane bo n’omwambali Mûsa.

Lubungo 40:16

Mûsa anacicîbanda omu mikolo, anacijira kulya Nyakasane amurhegekaga kwoshi.

Mibalè 12:7

“Ci mwambali wâni Mûsa arhali ntyôla; amanyîkîne bwinjà oku ali muntu nkana munôla nyumpa yâni yoshi”.

Mateyo 24:45

Mushi ohi oli mwîkubagirwa na mwîrhonzi, oyu nnâhamwâbo ahâga obukulu oku bantu b’enyumpa yâge mpu abagabulire ebiryo omu mango ga kwânîne?

Mateyo 25:21

Nnâha­mwâbo anacimubwîra, erhi: «Ntyo, murhumisi mwinjà na mwîkubagirwa, obu omu binyi wabîre mwîkubagirwa, nâkujira murhambo omu binji; cîjîre omu masîma g’enyumpa ya nnâhamwinyu».

Luka 12:42

Nyakasane ashuza, erhi: «Ndi baderha mpu ali mwimangizi mwîkubagirwa na mwîrhonzi, oyu nnawâbo anasigîre aha mbuga, ayish’ihà abâbo Bashi ogwâbo mulengo gw’e­ngano omu mango gakwânîne?

Luka 24:27

Arhondêrera kuli Mûsa n’Abalêbi boshi, abahugûla ngasi byoshi byàli bimuyêrekîre omu Mândiko.

Luka 24:44

Okubundi anacibabwîra, erhi: «Byo nakâg’immubwîra ebi erhi nciri haguma ninyu: oku kuhika ebinayandikiragwa omu citabu ca Mûsa n’omu Balêbi n’omu Nnanga biyunjule».

Yowane 5:39

“Muhumba Amandiko, bulya mucîkebirwe mpu mwo mubà akalamo karhahwa; ci nago kumpamîriza gampamîriza!”

Ebijiro 28:23

Banacilagânana olusiku, n’erhi luhika, bayisha banji kulusha omu cirâlo câge. Omu binwa akâg’ibabwîra, akahamîriza Obwâmi bwa Nyamuzinda anakalonza okubayêmêza Yezu nk’oku biyandisirwe omu citabu c’Amarhegeko ga Mûsa n’omu Balêbi. Arhangiraga sêzi ahika bijingo.

Ebijiro 7:37

Oyo Mûsa ye wa­bwîraga bene-Israheli, erhi: «Nnâmahanga anammuhe omulêbi oli akâni warhenga muli bene winyu».

Barom 3:21

Buno lêro, buzira irhegeko, Nyamuzinda ayêrekîne obwimâna bwâge buhamîrizibwa n’Irhegeko n’Abalêbi.

1 Bakorinti 4:2

Nêci, bahûna abarhumisi, kuli kubà nkubagirwa.

Lushika 3:24

«Nti Yâgirwa Nyamubâho, warhondîre okuyêreka mwambali wâwe obukulu bwâwe n’obuhashe bw’okuboko kwâwe; woyo, ntà w’emalunga erhi w’enigulu wakakuhikakwo oku ikola n’oku bijiro bilushîne,

Lushika 34:5

Mûsa, omurhumisi wa Nyamubâho anacifîra ahôla omu cihugo ca Mowabu nk’oku Nyamubâho anarhegekaga.

1 Timoteyo 1:12

Mvuzire Nnawîrhu Kristu omunkwa, owampaga emisî, kulya kubà aci­nyikubagîre, ampamagala mpu mbè mujà-bugo wâge,

Bahabraniya 1:1

Kanji kanji n’omu njira za ngasi lubero, mîra, Nyamuzinda akolêsize abalêbi mpu amanyîse bashakulûza akanwa kâge.

Bahabraniya 3:2

Ye ntahemuka omu kuyumva owamuyîmikaga, nka kulya Mûsa naye anali mumvi omu mulala gwa Nnâmahanga gwoshi.

Bahabraniya 3:4

Bulya ngasi nyumpa ejira owayûbakaga, owayûbakaga byoshi ye Nyamuzinda.

Bahabraniya 8:5

Ci ebi bajiramwo obugashânize bibà lwîganyo na cizunguzungu c’e­by’omu mpingu, nka kulya Mûsa abwîragwa na Nnâmahanga, erhi: Sinza, ojire byoshi oku lwîganyo wayêresirwe oku ntondo.

Bahabraniya 9:24

Nêci, arhali omu ka-Nyamuzinda kàyûbakagwa n’amaboko g’abantu, nshusho y’aka-Nyamuzinda k’okunali, arhalimwo Kristu àjîre, ci àshesherera omu mpingu mwonênè, mpu lyo akâbonekana omu busù bwa Nyamuzinda rhwe rhurhumire.

Yozwe 1:15

Kuhika Nyakasane ahè abo bene winyu nabo okuluhûka nk’oku anabahà kwo, na kuhika nabo bayûbake bwinjà cirya cihugo abahà Nyamubâho, Nyamuzinda winyu. Enyuma z’aho mwanabaga lyo mugaluka mushubire muli cirya cihugo cinyu munaciyûbake, cirya cihugo. Mûsa, omurhumisi wa Nyakasane amuhâga olunda lw’erindi ishiriza lya Yordani, e buzûka-zûba».

Yozwe 1:2

«Mûsa murhumisi wâni anafirage; oyimukage buno! oyikire Yordani, we n’olu lubaga, mugendija muli cirya cihugo nahà bene Israheli.

Yozwe 1:7

“Kuguma kône, ozibuhe onarhwâlihe, okazikola omu kushimba oburhegesi boshi nka kulya Mwambali wâni Mûsa anakurhegekaga. Omanye wankadungukira oli eburhambi bw’ekulyo oli ebwa kumosho, lyo ohashibêrwa na ngasi aha wankajà hoshi”.

Yozwe 8:31

Bashimba irhegeko Mûsa omurhumisi wa Nyakasane ahîre bene Israheli nk’oku binayandisirwe omu citabu c’oburhegesi bwa Mûsa. Bayûbaka oluhêrero lw’amabuye gônene, aga barhaderhaga mpu bagahirekwo ecûma. Barherekêrerakwo Nyakasane enterekêro z’ensirîra, n’enterekêro z’omurhûla.

Yozwe 8:33

Israheli yêshi abagula bâge, bali bayimanzire olunda n’olundi lwa omucîmba gw’amalaganyo ga Nyakasane, ebigolo, n’abandi b’embuga, n’abandi bantu b’olubaga, bayimanga cihimbi ciguma olunda lw’entondo Garizîmi, ecindi cihimbi olunda lw’entondo ya Ebali, nka kulya Mûsa omurhumisi wa Nyakasane anarhegekaga mîra galya mango agishaga bene Israheli.

Mafulûlo 15:3

Erhi badwîrhe bayi­mbà olwimbo lwa Mûsa mwabambali wa Nyamuzinda n’olwimbo lw’Omwâna-buzi, mpu: «Ebi wajizire biri bya kusômeza birhanali busha, Nyakasane, Nyamuzi­nda Nn’amahanga goshi! Enjira zâwe zishingânîne zinayumânîne, Yâgirwa Mwâmi w’amashanja!