Bahabraniya 2:18 - BIBLIYA NTAGATIFU OMU MASHI

¹⁸ Na kulya kubà yêne abwîne amababale n’amalibuko, anahash’irhabâla abâli omu malibuko.

Bahabraniya 2:18 ပူးပေါင်းရင်းမြစ်များ

Luka 22:28

«Ninyu mwe mwabêzire haguma nâni omu malibuko gâni,

Luka 22:53

Nobwo ngasi lusiku nali haguma ninyu omu ka-Nyamuzinda, murhanampumagakwo. Ci gakola mango ginyu gano n’obwâmi bw’omwizimya».

Yowane 10:29

Larha wabimpaga ali mukulu kulusha boshi, na ntâye wankakûla akantu omu nfune za Larha.

1 Bakorinti 10:13

Ntà mango musâg’igwârhwa n’amashumi galushire emisî y’omuntu. Akanwa ka Nyamuzinda karhagaluka; arhankaziga mwashumikwa okulushire emisî yinyu. Ci haguma n’amashumi, ammuhà oku mwagafuma n’emisî mwagagalamwo.

Bafilipi 3:21

ayish’ihindula omubiri gwîrhu gw’obuzamba, agushushanye n’omubiri gwâge gw’irenge, bu­lya agwêrhe obuhashe oku bintu byoshi.

2 Timoteyo 1:12

Yo erhumire ndi muli aga malibuko; ci ntakubêra nshonyi, bulyâla mmanyire ndi nahiziremwo obulangâlire bwâni, nnanyishi bwinjinjà oku agwêrhe obuhashe bw’okulanga omuhako gwâni kuhika lulya Lusiku.

Bahabraniya 5:2

Anahash’ifîra abahwinja n’abahabusire olukogo, bulya naye yêne agosirwe n’obuzamba.

2 Petro 2:9

kuli kuderha oku Nyakasane agwêrhe obuhashe bw’okulîkûza abantu binjà omu malibuko, n’okuleka ababî mpu bayish’ihanwa olusiku lw’olubanja

Yûda 1:24

Ayâgirwe Olya ogwêrhe obuhashe bw’okummulanga murhahirime n’okumuyîmanza embere z’irenge lyâge buzira izâbyo omu bushagaluke!

Mafulûlo 3:10

Kulya kubà walanzire akanwa nammusigiraga nti murharhamaga, nâni nkolaga nâkulanga oku mango g’amarhangulo gacihonda oku igulu lyoshi mpu garhangule abantu b’omu igulu.