Bahabraniya 2:1 - BIBLIYA NTAGATIFU OMU MASHI

¹ Okwo kwo kurhumire rhukwânîne rhucishwêkere oku nyigîrizo rhwayumvîrhe, lyo rhurhalalaha.

Bahabraniya 2:1 ပူးပေါင်းရင်းမြစ်များ

1 Nganîro 22:13

Okâkenga n’okushimba bwinjinjà amarhegeko àhâga Mûsa kuli Israheli, wâbona oku wâhimana muli byoshi.

Ennanga 119:9

Kurhi omusole gusêra omu njira gulimwo? Omu kubîkirira ebinwa byâwe.

Migani 3:21

Mwâna wâni, ebi byombi obisêzekwo amasù: obîke ihano, olange n’obwîrhonzi;

Habakuki 1:6

Nêci! Mumanye oku nashûbûza Abakaldeyi, lula lubaga luminya lw’ebishwankegerhe? Olujà lwacinagira omu bishagala byoshi by’ecihugo mpu luje lwanyaga amashwa ga bene.

Habakuki 2:16

Mwenene mucîbonesa ezo nshonyi ci lirhabà irenge: Ninyu munywâge munacîyêrekane bashugunu! Nyakasane ammusêza mushongôze aka­bene k’obukunizi bwâge. Irenge linyu lyahinduka nshonyi zinyu.

Mateyo 16:9

Ka murhasâg’iyumva? Ka murhacikengiri erya migati irhanu yayigusagya bantu bihumbi birhanu na birya birhiri byasigîre?

Marko 8:18

Mu­gwêrhe amasù, murhanabona; mugwêrhe amarhwîri, murhanayumva!

Luka 8:15

“Nazo ezarhogeraga, omu budaka bwinjà, bo balya bayumvîrhe Oluderho n’omurhima nkana na mwinjà, balushîbirira, banayerakwo amalehe omu bushibirizi bwâbo”».

Luka 9:44

«Lolagi mwêhe ebinwa mwabîka emurhima gwinyu: Mwene-omuntu akwânîne ahânwe omu maboko g’abantu».

Yowane 8:59

Banaciyanka ama­buye mpu bamubandego, ci Yezu acîyongolokera, arhenga omu ka-Nyamuzinda.

Lushika 4:23

Mucîlange mwakanayibagira endagâno Nyamubâho, Nyamuzinda winyu àfundikaga ninyu, murhahîraga mukajira enshusho mbinje ya kantu kalebe n’obwo Nyamubâho Nyamuzinda wâwe akuhanzizekwo;

Lushika 4:9

Ci kwône omanyage wakayibagira ebi binjà amasù gâwe gabwîne omanyage harhajiraga ciru n’olusiku luguma lw’akalamo kâwe waleka ebyo binjà byakurhenga oku murhima, ci kwône obiyigirize bagala bâwe n’abinjikulu bâwe erhikwo.

Bahabraniya 12:5

Ka mwayibagîre amahano àmmuhanûlaga nka bâna bâge, erhi: Mugala wâni, irhondo omanye wankagaya obuhane Nyakasane abâna, na nka akukalihîre, omanye wankarhà omurhima.

2 Petro 1:15

Ci kwônene nakolêsa emisî yâni yoshi, lyo hano mbà nagenzire muyish’ikakengêra ebi binwa.

2 Petro 3:1

Bîra bâni, aga maruba gakola maruba ga kabiri mmurhumira. Muli gombi oku ganali mmukengêzize nti muzûse omurhima nkana gummulimwo.