Bahabraniya 13:20 - BIBLIYA NTAGATIFU OMU MASHI

²⁰ Nyamuzinda w’omurhûla, wafûlaga omu bafù Nnawîrhu Yezu, ye Lungere mukulu w’ebibuzi, erhi nterekêro y’omukò gwâge gw’endagâno y’ensiku n’amango erhuma,

Bahabraniya 13:20 ပူးပေါင်းရင်းမြစ်များ

2 Samweli 23:5

Nêci, enyumpa yâni edêkerîre omu masù ga Nyamuzinda. Bulya ampîre endagâno yâge y’ensiku n’amango, eri nungêdu enalanzirwe bwinjà; k’arhali ye mêza obucire bwâni n’oburhabâle bwâge?

1 Nganîro 16:17

Kalya agwîkaga kashuba irhegeko kuli Yakôbo, kanabà ndagâno y’ensiku n’amango kuli Israheli.

2 Nganîro 30:12

Ci kwônene abantu b’omu Yûda, Nyamuzinda abahà murhima muguma gw’okuyumva n’okushimba irhegeko lya mwâmi. N’ery'abarhambo, nk’oku kanadesire akanwa ka Nyamubâho.

Ennanga 23:1

Lulanga. Lwa Daudi. Nyakasane ye lungere onyâbula, ntâco ndagîrîrekwo.

Ennanga 80:1

Gwârhi omukulu w’abimbiza. Luyimbwa aka «Amarhegeko ga Nyakasane». Lwa Azafi. Lulanga.

Lubungo 24:8

Mûsa arhôla omukò agushahuliza olubaga, erhi: «Ogu mukò gwo mukò gw’Endagâno Nyakasane afundisire haguma n’ebyo binwa byoshi.»

Izaya 40:11

Aka lungere, kuyâbula ayâbula obusò bwâge, aj’ashûbûza abâna-buzi n’okuboko kwâge, ababagalire oku cifuba câge, anayîshe ahuga bunyi bunyi ebibuzi byayonsa.

Izaya 55:3

Murhege okurhwiri munayishe emunda ndi; muyumvîrhize lyo mubona akalamo! Nafundika endagâno y’ensiku n’amango haguma ninyu, yo mihigo erhakahingûlwa nalaganyagya Daudi.

Izaya 61:8

Nêci, nie ono Nyakasane, bushinganyanya ntonya, ci ntakwîrirwa obushambo n’obulyâlya. Nkola nâbahà empyûlo y’okunali, nnanjire rhweshi nabo endagâno y’ensiku n’amango.

Izaya 63:11

Obwo bàkengêra ensiku za mîra, amango g’omurhumisi wâge Mûsa. Ngahi àjirage olya wabayôkolaga omu nyanja, olya lungere w’obusò bwâge? Ngahi aligi olya wabahiragamwo Omûka gwâge mwimâna?

Yeremiya 32:40

“Nashubisêza rhweshi nabo amalaganyo garhakahwa, nâbashimbulira, njè nabahugûla, bakazirhînya enjira mbî, bakulikîre ezâni nâbayêreka”.

Ezekiyeli 34:23

“Nabilongeza lungere muguma, ye wakaz’ibiyâbula, omurhumisi wâni Daudi; oyo ye wakaz’ibiyâbula, ye wâbà lungere wabyo.”

Ezekiyeli 37:24

Omurhumisi wâni Daudi âbà mwâmi wâbo, âbà yêne ye na lungere muguma wâbo boshi, bashimba engeso zâni, bâlanga amarhegeko gâni banagashimbe.

Ezekiyeli 37:26

Nâjira endagâno y’omurhûla rhweshi nabo, yâbà ndagâno y’ensiku n’amango nâbadêkereza nambaluze, nampire endâro yâni ekarhî kâbo ensiku zoshi.

Zakariya 9:11

Nâwe, nâlike abashwêke bâwe, mbakûle omu mpamikwa eshushire ecîna cirhabâmwo mîshi erhi gulya mukò rhwanywânaga gurhuma.

Mateyo 26:28

bulya eci guli mukò gwâni gw’endagâno mpyâhya, o­gwabulagwa banji barhumire, mpu bakûlirwe ebyâha.

Marko 14:24

Ababwîra, erhi: «Eci guli mukò gwâni gw’amalaganyo mahyâhya, gubulazîrwe banji barhumire.

Luka 22:20

Nako akabehe kwo n’okwo, erhi bayûs’irya, erhi: «Aka kabehe co ciragâne cihyâhya omu mukò gwâni gwabulagwa mwe murhumire».

Yowane 10:11

Ndi lungere mwinjà. Lungere mwinjà anahâne obuzîne bwâge erhi bibuzi byâge birhuma.

Yowane 10:14

Ndi lungere mwinjà; nyîshi ebibuzi byâni, nabyo ebibuzi byâni binyishi,

Ebijiro 13:30

Ci Nyamuzinda àmufûla omu bafù,

Ebijiro 17:31

“bulya atwîre olusiku ayishitwîramwo igulu lyoshi olubanja n’obushinganyanya; ayish’ilutwa n’omuntu acîshozire, amuhà abantu mpu abè ye balangâlira boshi, erhi amufûla omu bafù”».

Ebijiro 2:24

Ci Nnâmahanga amuzûsa, amurhenza omu nkoba z’olufù, bulya kurhankahashikîne lumuhime.

Ebijiro 2:32

“Oyo Yezu, Nnâmahanga amufûsize; na rhweshi rhuli bahamîrizi b’okwo”.

Ebijiro 3:15

n’Omuluzi w’akalamo mwamuyîrha. Ci Nyamuzinda amufûla omu bafù, nîrhu rhwe bahamîrizi bâge.

Ebijiro 4:10

mweshi mweshi, n’olubaga lwoshi lw’Israheli, mumanye oku oyu muntu oyîmanzire embere zinyu afumizwe n’izîno lya Yezu Kristu w’e Nazareti, olya mwabambaga oku musalaba, ci Nnâmahanga amufûla omu bafù.

Ebijiro 5:30

Nyamuzinda wa balarha afûsize Yezu mwayîrhaga erhi mumumanika oku murhi.

Barom 1:4

erhi afûka omu bafîre ayêrekana oku anali Mugala wa Nyamuzinda ogwêrhe obuhashe bunene bwa kuli Mûka Mutagatîfu, ye Nnawîrhu Yezu Kristu,

Barom 10:7

nîsi, erhi: Ndi wankayandagalira omu kuzimu? Kwo kuderha mpu aj’iyinamula Kristu omu bafù.

Barom 15:33

Nyamuzinda w’omurhûla abè ninyu mweshi! Nêci, Ntyo!

Barom 16:20

Nyamuzinda w’omurhûla arhayimang’ivungunyula Shetani aha magulu ginyu. Enshôkano ya Nnawîrhu Yezu Kristu ebè ninyu!

Barom 8:11

N’akabà Omûka gw’Olya wafûsagya Yezu omu bafù gubà muli mwe, olya wafûsagya Yezu Kristu omu bafù ayahe emibiri yinyu y’okufà akalamo oku buhashe bwa Mûka ommubâmwo.

1 Bakorinti 14:33

bulya Nyamuzinda arhali Nyamuzinda wa kavulindi, ci wa buholo. Nk’omu zindi Ekleziya zoshi z’abimâna,

1 Bakorinti 15:15

Ciru nîrhu erhi rhwamâbà bahamîrizi babêshera Nyamuzinda, bulya rhwamunywerhîre nti afûsize Kristu n’obwo arhamufûlaga, akabà kwo binali abafù barhafûka.

1 Bakorinti 6:14

Na Nyamuzinda wafûlaga Nyakasane, ânarhufûle nîrhu n’obuhashe bwâge.

2 Bakorinti 13:11

Ntyo, bene wîrhu, mushagaluke, mucîsêze okubà bimâna, muhânane omurhima, muyumvanye, mubè n’omurhûla, na Nyamuzinda w’omurhûla abà ninyu.

2 Bakorinti 4:14

bulya rhumanyire oku owafûlaga Nyakasane Yezu, ayish’irhufûla nîrhu haguma na Yezu, anayish’irhuhira aha burhambi bwâge haguma ninyu.

Bagalasiya 1:1

Paolo, ntumwa, arhali oku bulonza bw’abantu nîsi erhi oku bulagizi bw’omuntu, ci oku nshôkano ya Yezu Kristu na Nyamuzinda Îshe wamufûlaga omu bafù,

Befezi 1:20

abuyêrekîne muli Kristu erhi amufûla omu bafù anamubwârhaza ebwa kulyo kwâge omu mpingu,

Bafilipi 4:9

Ebi mwayigîrizibwe, ebi mwayankirîre, ebi mwayumvîrhe nammubwîra n’ebi mwabwîne najira, ebyôla byo mukâg’ikajira. Na ntyo Nyamuzinda w’obuholo anabà ninyu.

Bakolosi 2:12

Mwabishirwe haguma naye omu nshinda erhi mubatizibwa, kandi mwafûsire haguma naye omu nshinda erhi muyêmêra obuhashe bwa Nyamuzinda wamufûlaga omu bafù.

1 Batesalonika 1:10

munalinge oku Omugala agaluka kurhenga empingu, olya Mugala afûlaga omu bafù, ye Yezu, orhuciza obukunizi bwayisha.

1 Batesalonika 5:23

Nyamuzinda w’omurhûla yêne ammujire batagatîfu lwoshi Lwoshi, alange emyûka n’emirhima n’emibiri yinyu buzira izâbyo kuhika olusiku Nnawîrhu Yezu Kristu ayisha.

2 Tesalonika 3:16

Nyamuzinda w’omurhûla yêne ammuhè omurhûla ngasi mango na muli byoshi! Nyakasane abè ninyu mweshi!

Bahabraniya 10:22

rhuyegerage n’omurhima gurhalimwo bulyâla omu buyêmêre bwimâna; emirhima yîrhu ecêsibwe ngasi bubî buyirimwo, n’emibiri yîrhu eshukwe n’amîshi gashongwîre.

Bahabraniya 10:29

Kengêragi ninyu, buhane bunganaci na bukali kulusha akwânîne okuhâbwa omuntu wâbè alabasire Mugala wa Nyamuzinda, owâbè agayaguzize omukò gw’endagâno gwamucêsagya, nka kulya kankabîre kantu k’izinga, n’owâbè ajâcîre Mûka gw’enshôkano.

Bahabraniya 9:20

Ogu gwo mukò gw’endagâno Nyamuzinda alagânaga ninyu.

1 Petro 1:21

Ye igwârhiro ly’obuyêmêre bwinyu muli Nnâmahanga wamufûlaga omu bafîre anamujîsa irenge, mpu lyo Nyamuzinda abà ye buyêmêre na bulangâlire bwinyu.

1 Petro 2:25

Bulya mwâli muyôsire nka bibuzi birhêresire, ci buno mwashubîrîre lungere n’omulanzi w’emyûka yinyu.

1 Petro 5:4

N’amango Lungere w’abangere acîyêrekana, mwahâbwa ishungwè ly’irenge lirhakasherêra.