Bahabraniya 13:13 - BIBLIYA NTAGATIFU OMU MASHI

¹³ Kuziga nîrhu rhuhuluke, rhujè embuga ly’olugo, rhubarhule ebijâci byâge, rhumushimbe.

Bahabraniya 13:13 ပူးပေါင်းရင်းမြစ်များ

Mateyo 16:24

Lêro Yezu anacibwîra abambali, erhi: «Owalonz’inshimba, acîlahire yênene, abarhule omusalaba gwâge, anshimbe.

Mateyo 27:32

Erhi bahika omu njira, barhimâna omuntu w’e Kirena, ye Simoni; bamugwârha mpu arhwâze Yezu okubarhula omusalaba,

Mateyo 5:11

Mugwêrhe iragi bakammujacira, bakanamulibuza, bakanammuderhera ngasi mabî, bakammubeshera erhi nie ntuma.

Luka 6:22

Iragi linyu abantu bakammushomba, bakammukaga, bakammujacira n’okushologorbwa n’izîno linyu mpu libî Mwene-omuntu orhumire.

Luka 9:23

Akababwîra boshi, erhi: «Owalonz’inshimba, acîlahire yênene, abarhule omusalaba gwâge ngasi lusiku, ankulikire.

Ebijiro 5:41

Bôhe barhenga aha kagombe bajà bacîshinga, bulya bâli bagwêrhe iragi ly’okukozwa enshonyi izîno lya Yezu lirhumire.

2 Bakorinti 12:10

Okwôla kwo kurhuma nyumva nsîmire omu buzamba bwâni, omu bijâci, omu malibuko, omu kurhi­ ndibuzibwa n’omu burhè, erhi Kristu orhuma. Bulya amango ndi muzamba, lyo mbà muzibu!

Bahabraniya 11:26

abona oku okujâcira Kristu orhumire buli buhirhi bulushire amagale g’Abanya-Mîsiri goshi, bulya àli alangâlîre oluhembo.

Bahabraniya 12:2

Rhusêze Yezu kwo amasù, ye cisisi ye na bwimâna bw’obuyêmêre bwîrhu; ye wacîhangâniraga omusalaba ahâli h’amasîma ankabwîne, àgayaguza enshonyi zâgwo, na buno akola atamîre ebwa kulyo kw’entebe ya Nyamuzinda.

Bahabraniya 12:3

Nêci, mukengêre ninyu oyo walemberaga ago mababale àbabazibagwa n’abanya-byâha goshi, lyo mulek’irhà omurhima erhi kubula emisî kurhuma.

Bahabraniya 12:4

Kuhika buno murhasâg’idwa mukò erhi kulwîsa ecâha kurhuma.

1 Petro 4:4

Lêro bakola barhangâla kulya kubà murhacigenda mwe nabo mw’eyo njira mbî y’eby’enshonyi, bajekwo bammujâcira.