Bahabraniya 12:29 - BIBLIYA NTAGATIFU OMU MASHI

²⁹ Bulya Nyamuzinda wîrhu abà ngulumira ya muliro.

Bahabraniya 12:29 ပူးပေါင်းရင်းမြစ်များ

2 Samweli 22:9

Ecigî catumbûka omu mazûlu gâge, engulumira yavubuka omu kanwa kâge yayisha yasingônola yanayisha yamokola amasèsè gadukumbusire.

Ennanga 50:3

Nyamuzinda wîrhu oyôla oyishire: arhâbule buderha akanwa. Ntakanjirwa w’omuliro amushokolîre, ayisha ayôkera, n’empûsi emugosire yayisha yakola akal’ibala.

Ennanga 97:3

Ntakanjirwa omushokolîre; n’ababisha bamugosire ntakanjirwa arhabagezekwo lîno.

Lubungo 15:7

Omu bukulu bw’irenge lyâwe wahenangula abashombanyi bâwe; wayûsa oburhè bwâwe, bwabagulumiza nka bijangala.

Lubungo 24:17

Irenge lya Nyakasane lyàkâg’ibonekera bene Israheli nka ngulumira ya muliro ah’irhwèrhwè ly’entondo.

Izaya 33:14

Omu Siyoni, abanya-byâha bamârhungwa n’obwôba; banyankola-maligo bamâgeramwo omusisi, mpu: «Ndi mulirhwe wankahash’ibêra mw’eco cibeye cayâka ensiku n’amango?»

Izaya 66:15

Nêci, Nyakasane oyo oyishire omu ngulumira y’omuliro, n’engâlè zâge ziri nka mpûsi ya cihûsi, mpu lyo ayish’iyumvîsa obukali bw’obukunizi bwâge, n’emihigo yâge omu ndimi z’omuliro.

Yeremiya 25:37

“Amalambo garhagwêrhi kadali, bagahulisize, erhi budârhi bw’omungo gwa Nyakasane burhuma”.

Ezekiyeli 38:19

“Na muli obwôla burhè bunene, ndesire nti: Okunali olwôla lusiku hâgera omusisi munene omu cihugo c’Israheli”.

Daniyeli 7:9

Nanakulikiza okulola, banaciyisha badwîrhe entebe bazihira ahôla, Omushosi anaciyisha atamala. Omwambalo gwâge gwàli mwêru nka lubula n’emviri z’oku irhwe lyâge zàli zishushire amwôya g’ecibuzi gashushire bwinjinjà. Entebe yâge yakazirhengamwo engulumira z’omuliro, yanali nyinyi egwêrhe emizizi edukumbusire n’omuliro.

Mibalè 11:1

Olubaga lwarhondêra okucîdudumira kubî omu kurhwiri kwa Nyamubâho. Nyamubâho ayumva okwôla, n’oburhè bwâge bwayâka bwenêne, omuliro gwa Nyamubâho gwayâka kuli bo, gwarhondêra okuyôca eburhambi bw’ecihando.

Mibalè 16:35

Omuliro gwanacimanuka emwa Nyamubâho gwamirangusa balya bantu magana abirhi na makumi arhanu bajagitumula enshangi.

2 Bakorinti 5:11

Na ntyo, bulya rhuyishi oku kwânîne okuyôboha Nyakasane, rhudwîrhage rhwayêmêza abantu. Nyamuzinda yêhe rhulangashîne omu masù gâge. Ninyu nnangâlîre nti rhulangashîne omu mirhima yinyu.

Lushika 4:24

bulya Nyamubâho, Nyamuzinda wâwe abà muliro ntakanjirwa, anabà Nyamuzinda wa luhali.

Lushika 9:3

Omanyage ene oku Nyamubâho, Nyamuzinda wâwe ye wakushokolera nka muliro-ntakanjirwa, yêne ye wabamalîra, yêne ye wakuhimirabo; wabanyaga onabaherêrekeze oku irindo nka kulya Nyamubâho àkubwiraga.

2 Tesalonika 1:7

n’okummuhà, mwe mudwîrhe mwalibuzibwa, okuluhûka haguma nîrhu, amango Nyakasane Yezu aciyêrekanira emalunga haguma na bamalahika b’obuhashe bwâge,

2 Tesalonika 1:8

omu ngulumira y’omuliro, mpu ahâne balya barhishi Nyamuzinda barhanayumva Emyanzi y’Akalembe ya Nnawîrhu Yezu.

Bahabraniya 10:27

na ntà kundi kucisigîre okurhali kutwîrwa olubanja lukali n’okukwêbwa omu ngulumira y’omuliro, yàyish’isingônola abagoma.

Bahabraniya 10:31

Yajebe! Ciri cintu ca kuyôboha okugwa omu nfune za Nyamuzinda ozîne. Ecirhuma rhukwânîne rhusêre omu buyêmêre

2 Petro 3:7

Nago amalunga n’igulu biriho buno, olwo luderho lwo lunabilanga muhako, lubibîkîre omuliro oku lusiku lw’olubanja n’olw’okuherêrekera kw’abantu babî.