Bahabraniya 12:22 - BIBLIYA NTAGATIFU OMU MASHI

²² Ci mwêhe mwayegîre entondo ya Siyoni n’ecishagala ca Nyamuzinda ozîne; mwayegîre Yeruzalemi w’empingu, n’emirhwe ya bamalahika barhankaganjwa, yo ndêko y’olusiku lukulu;

Bahabraniya 12:22 ပူးပေါင်းရင်းမြစ်များ

2 Bâm 19:4

Akabà Nyamubâho wâwe anayumva ebîra binwa byoshi, omuntu orhumirwe na mwâmi w’e Asîriya mpu ayishijaciramwo Nyamuzinda ozîne, ci naye yêne ayêrekane oku agayire ebyo binwa oyo Nyamuzinda wâwe. Co carhuma osôkezagye omusengero gwâwe emunda ali kuli ogûla musigala gw’olubaga.»

Ennanga 2:6

Erhi: «Niene nayimikaga Omwâmi wâni oku Siyoni», «Oku ntondo yâni ntagatîfu».

Ennanga 42:2

Kulyâla akashafu kacîfinja ecikunguzo c’olwîshi, kwo omurhima gwâni gudwîrhe gwakwifinja, Nnâmahanga.

Ennanga 48:2

Nyakasane mushâna ali mukulu, akwânîne bamukuze bwenêne omu lugo lwa Nyamuzinda wîrhu.

Ennanga 68:17

Mwe birhondo by’entuli, cici cirhumire mwayâgalwa n’entondo Nyamuzinda àcîshozire mpu ayûbakekwo? Eyi àcîshozire mpu abêrekwo ensiku zoshi?

Ennanga 84:2

Alà nk’enyumpa yâwe yayinjiha Yâgirwa Nyakasane k’Emirhwe.

Ennanga 87:3

Wàjir’irenge, lugo lwa Nyamuzinda!

Izaya 12:6

Mucîshinge, mubande orhubûli, mwe mubà omu Siyoni, bulya Omwimâna w’Israheli ajir’irenge ekarhî kinyu.

Izaya 14:32

Kurhigi bashuza entumwa z’olwo lubaga? Oku Nyakasane ye wayûbakaga Siyoni, mwo abakenyi b’omu lubaga lwâge bakâyâkira.

Izaya 24:23

Omwêzi gwanâtulûle n’izûba enshonyi zilibumbe, bulya Nyakasane Nyamuzinda w’Emirhwe ye wanâyîme oku ntondo ya Siyoni n’aha Yeruzalemu; irenge lyâge lyanalangashanire embere z’abagula bâge.

Izaya 27:13

Olwo lusiku, omu mushekera munene, na balya bâli baherîre omu cihugo c'Asîriya n’abàli bashandabîne omu cihugo c’e Mîsiri bâyîsha, bâkaz’iharâmya Nyakasane oku ntondo yâge ntagatîfu y’e Yeruzalemu.

Izaya 28:16

Co cirhumire, ntyâla kwo adesire Nyakasane Nyamuzinda: «Alà oku mpizire omu Siyoni enshangabuye, ibuye-kaboko-ka-nyumpa, lya citwîro cidârhi, ibuye-ciriba; ngasi ocîlikubagire arhankahuligana.

Izaya 51:11

Abalîkûzibagwa na Nyakasane bâyish’igaluka, bâyish’ijà omu Siyoni erhi banayisha babanda orhuhababo rhw’obushagaluke, n’obusîme bw’ensiku n’amango bwamoleka amalanga gâbo; obushagaluke n’omwîshingo byâbayunjula, amalibuko n’endûlù byâhirigirha.

Izaya 51:16

Mpizire ebinwa byâni omu kanwa kâwe, nnankubwîkire n’ecîhôho c’okuboko kwâni, omu kugwîka amalunga, omu kusinga igulu n’omu kubwîra Siyoni, nti: «We lubaga lwâni!»

Izaya 59:20

Omuciza wa Siyoni amâyisha, al’iciza balya bene Yakôbo baleka obugoma bwâbo, Nyakasane okudesire.

Izaya 60:14

Abâna ba balya bakazâg’ikulibuza, bâkâyisha emunda oli bafukamire, bakacîrhimba aha magulu gâwe ngasi boshi bakazâg’ikugayaguza, bâkaz’ikuderha mpu we «lugo lwa Nyakasane», mpu we «Siyoni w’Omwimâna w’Israheli».

Yeremiya 10:10

Nyakasane yêhe ye Nyamuzinda w’okuli, ye Nyamuzinda ozîne ye na Mwâmi w’ensiku n’amango. Akabà burhè, igulu linageremwo omusisi, amashanja garhankalinda omutula gwâge.

Yeremiya 17:25

“ago mango, abâmi n’abaluzi bayîmire omu bya Daudi, emihango y’olu lugo yo bagezâmwo abâli omu ngâlè n’abâli oku nfarasi, mwo bagera bône n’abaluzi bâbo, abantu b’emwa Yûda n’abayûbaka omu Yeruzalemu. Olu lugo lwayôrha lulimwo abantu ensiku zoshi”.

Daniyeli 6:26

Okubundi mwâmi Dariusi ayandikira embaga, amashanja n’abà ngasi lulimi banabà bano igulu, erhi: «Omurhûla gumuyunjule mweshi!

Daniyeli 7:10

Olwîshi lunene lw’omuliro lwakazihulula embere zâge. Ebihumbi by’ebihumbi by’abantu byakazimukolera, n’abandi mwandu bali bayimanzire embere zâge. Okutwa olubanja kwarhangira n’ebitahu byabùngûlwa.

Mateyo 16:16

Simoni-Petro erhi ashuza, aderha, erhi: «We Kristu Mwene-Nyamuzinda Ozîne».

Mateyo 5:35

arhanali oku igulu, bulya kw’aheba amagulu gâge; arhanali kuli Yeruzalemu, bulya ciri Cishagala ca Mwâmi Mukulu.

Barom 11:26

Na ntyôla Israheli yêshi âcunguka, nk’oku biyandisirwe, mpu: Omuciza arhenga e Siyoni; ye warhenza obubî muli Yakôbo.

Barom 9:26

n’aha babwîriragwa, mpu: Murhali lubaga lwâni, abo bônene baderhwe bene Nyamuzinda ozîne.

Bagalasiya 4:26

Yeruzalemu w’enyanya yêhe arhali mujà, ye nyâmà.

Befezi 2:19

Na ntyo murhaciri b’embuga nîsi erhi bigolo, ci mukola ba mulala muguma n’abatagatîfu na bâna b’omu nyumpa ya Nyamuzinda.

Lushika 33:2

Aderha, erhi: Nyamubâho arhengaga e Sînayi, abamolekera kurhenga e Seyiri, alangaza anali oku ntondo ya Parani. Ho ali ayishire kurhenga oku mbugânano kurhenga e mukondwè gwa Kadeshi kuhika oku Mirhezi.

Lushika 5:26

“Ka hali ojira omubiri okola oyumvîrhe akîrhu izù lya Nyamuzinda ozîne lyaderhera omu karhî k’omuliro akanabulilama?”»

Bafilipi 3:20

Rhwêhe empingu yo mwîrhu, yo rhulinga oku Omuciza wîrhu Nyakasane Yezu Kristu ayish’irhuluka,

1 Batesalonika 1:9

Ntâho barhadwîrhi baganîra oku mwarhuyankiriraga, n’oku mwalekaga abazimu binyu, mpu mushimbe Nnâmahanga munashige Nyamuzinda w’obuzîne n’ow’okunali,

2 Timoteyo 4:18

Nyakasane anyôkola omu ngasi kubî, ananciza, ampêke omu Bwâmi bwâge emalunga. Kuli ye irenge emyâka n’e­myâka! Amen.

Bahabraniya 10:31

Yajebe! Ciri cintu ca kuyôboha okugwa omu nfune za Nyamuzinda ozîne. Ecirhuma rhukwânîne rhusêre omu buyêmêre

Bahabraniya 11:10

Ajira ntyo, bulya àkâg’ilinda olugo luhumbîrwe eciriba na Nnâmahanga, mpu yêne alugwîke analuyûbake.

Bahabraniya 11:16

Ci lêro bakolaga bacîfinjire ecihugo cinjà kulusha, yo mpingu. Okwo kwo kurhuma Nyamuzinda arhabà nshonyi z’okucîyîrika Nyamuzinda wâbo; bulya àbarheganyîze olugo.

Bahabraniya 13:14

Bulya rhurhagwêrhi en’igulu ecishagala câyôrhaho, ci rhwalonza ecâyisha.

Bahabraniya 3:12

Mumanye, bene wîrhu, murhabâgamwo ow’omurhima mubî n’omubula-buyêmêre, mpu acîyêgule na Nyamuzinda nn’obuzîne.

Bahabraniya 9:14

kanga kulusha, omukò gwa Kristu wacîhânaga yêne nterekêro erhalikwo izâbyo emwa Nyamuzinda oku buzibu bwa Mûka gw’ensiku n’amango gurhàcêsa omurhima gwîrhu, guzâzemwo ebijiro by’olufù, lyo rhubona oku rhwakolera Nyamuzinda ozîne?

Yozwe 3:10

«Lolagi eci mwamanyirakwo oku Nyamuzinda ozîne ali ekarhî kinyu n’oku akungusha loshi embere zinyu, Abanyakanani, Abahititi, Abahiviti, Abapereziti, Abagirgashiti, Abanyamoreni, n’Abayebuseni.

Yûda 1:14

Ka­ndi bo Henoki, shakulûza wa kali-nda kurhenga Adamu, alêbaga erhi aderha, erhi: «Loli oku Nyakasane ayishire n’ebihumbi n’ebihumbi by’abatagatîfu bâge,

Mafulûlo 14:1

Nanacibona Omwâna-buzi ayîmanzire oku ntondo ya Siyoni, erhi ali boshi na barhôle bihumbi igana na makumi anni na bini, bayandisirwe aha malanga izîno lyâge n’ery’îshe.

Mafulûlo 21:10

Anacingurumana, andengereza oku ntondo ndîrî nnênênè, anyêreka Ecishagala citagatîfu, Yeruzalemu, erhi camanuka emalunga, emwa Nyamuzinda,

Mafulûlo 21:2

Nabona Ecishagala citagatîfu, Yeruzalemu muhyâhya, camanuka emalunga, emwa Nyamuzinda, erhi ciyambîrhe nka muhya odwîrhe alinga îba.

Mafulûlo 22:19

N’owatwa oku binwa biri muli eci citabu c’obulêbi, Nyamuzinda anamutwa ogwâge mwanya gw’oku murhi gw’obuzîne n’ogw’omu Cishagala citagatîfu biyandisirwe muli eci Citabu.

Mafulûlo 3:12

Owânahime, nâmujira ashube mutungo omu luhêro lwa Nyamuzinda wâni, arhakanacihoza okugulu embuga bundi. Nâmuyandikakwo izîno lya Nyamuzinda wâni n’izîno ly’Olugo lwa Nyamuzinda wâni - Yeruzalemu muhyâhya wamanukaga emalunga emwa Nyamuzinda wâni - n’izîno lyâni lihyâhya».

Mafulûlo 7:2

Okuhandi nanacibona owundi malahika wayinamukaga arhenga ebushoshôkero bw’izûba, erhi afumbasire ecimanyîso ca Nyamuzinda ozîne. Ayâkûza n’izù linene balya bamalahika bani bâli bahâbirwe obuhashe bw’okuherêrekeza igulu n’enyanja, erhi: