Bahabraniya 12:14 - BIBLIYA NTAGATIFU OMU MASHI

¹⁴ Mulonze okubà n’omurhûla n’abantu boshi, munalonze okubà bimâna, bulya buzira bwimâna ntâye wabone Nyakasane.

Bahabraniya 12:14 ပူးပေါင်းရင်းမြစ်များ

Murhondêro 32:30

Yakôbo amuyinginga, erhi: «Ombwîre nâni izîno lyâwe». Ci yêhe amushuza, erhi: «Cici ondokîze izîno lyâni?» Ho na halya amugisha.

Ayubu 19:26

Kandi buzinda nkola nyimanzire, mbà namâshubira omu luhù lwâni, mbà namâzongwa nalwo, n’omubiri gwâni nayîsh’ibona Nyamuzinda.

Ayubu 33:26

Anahûna Nyamuzinda anayumvûbwe, anakaz’ilolêreza obusù bwâge n’enshagali, anayâlize oku n’omuntu agwêrhe obushinganya,

Ennanga 120:6

Mwo nyûbasire omu karhî kâbo, balya barhakwirirwa murhûla.

Ennanga 133:1

Lwimbo lwa kusôka. Lwa Daudi. Alà nka kwayinjiha, alà nka kwanuna, okubêra haguma cinyabuguma kw’abalondana.

Ennanga 34:14

Ocîke olulimi lwâwe oku bubî, ocinge akanwa kâwe oku nderho z’obulyâlya.

Ennanga 38:20

Ci balya banshombera obusha bali badârhi, n’abarhambonakwo guli mwandu.

Ennanga 94:15

Okutwa emmanja kwoki kwashubira omu njira y’obushinganyanya, n’emirhima eshingânîne yoshi mwo ekola yashubira.

Migani 15:1

Okushuza kwinjà kunarhûze oburhè, ci okushuza kubî kunazûse embaka.

Migani 16:7

Nyakasane akarhonya obwôrhere bw’omuntu, anamuliranye ciru n’abashombanyi bâge.

Migani 17:14

Okuzûsa olubanja kubà kufukulira amîshi, onacîzibuke lwo lurhacikula.

Izaya 51:1

Muyumvîrhize, mwe mushimba obushinganyanya, mwe mulongereza Nyakasane. Lolêrezi ibuye mwarhengagamwo n’enyenga mwakulagwâmwo.

Marko 9:50

Omunyu ciri cintu cinjà; ci kwônene omunyu gukarhengamwo obununu, cici mwankacigulungamwo? Mubêmwo omunyu, munabè n’omurhûla mwêne na mwêne».

Luka 1:75

rhwamukolera buzira bwôba omu butagatîfu n’omu bushinganyanya, embere zâge ensiku zoshi z’obuzîne bwîrhu.

Barom 12:18

Erhi kwankahashikana, mucîsêze okubà n’omurhûla n’abantu boshi.

Barom 14:19

Kuziga kukwânîne rhushimbûlire ebilêrha omurhûla n’ebyankarhabâla abirhu.

Barom 6:22

Ci buno mwalikûzîbwe oku câha, mukola bambali ba Nnâmahanga, obutagatîfu lwo luhembo lwinyu, n’obuzinda bwinyu buli buzîne bw’ensiku n’amango.

1 Bakorinti 1:10

Mwe mukasinga mâshi, bene wîrhu, oku izîno lya Nnawîrhu Yezu Kristu, muyumvanye; mumanye mwankac’iberamwo; mubè baguma omu murhima, n’omu nkengêro.

1 Bakorinti 13:12

Buno rhucidwîrhe rhwabonera omu cilolero olubwibwi lurhuli omu masù, ci ago mango rhwayish’ibona bwinjinjaa amasù omu masù. Buno obumanye bwâni buli bwa bihimbi, ci ago mango nâmanya nk’oku mmanyirwe.

2 Bakorinti 6:17

Rhengagi ekarhî kâbo, munaciyegûle, kwo Nyakasane adesire. Mumanye mwankahuma oku kantu karhacîri, nâni nammuyankirira.

2 Bakorinti 7:1

Obûla rhugwêrhe endagâno ya bene eyo, bîra bâni, rhucîkûlekwo ngasi izinga ly’omubiri erhi ly’omurhima, rhuyûkirize omukolo gw’okucîjira bimâna omu kurhînya Nnâmahanga.

Bagalasiya 3:21

Ka kuligi kuderha oku Irhegeko lyankalwîsa eciragâne ca Nyamuzinda? Ntà mango! Hacibaga irhegeko lyankahash’ihâna obuzîne, lyoki obushinganyanya bwankarhenzire omu Marhegeko.

Befezi 5:5

Mumanye kwinjà oku ntà mugonyi, ntà mûmaguza, na ntâye ohubira eby’en’igulu, -kwo kuli kufukamîra ebiremwa-, ntâye muli abo boshi wanalabarhe omu Bwâmi bwa Kristu na Nnâmahanga.

Bafilipi 3:12

Ntadesiri nti nkola mpisire nîsi nti nkola mbà mwimâna; ci ncikulikire enjira yâni, ndole erhi nankamushikira bu­lya nâni niene nagwârhagwa na Yezu Kristu.

1 Batesalonika 3:13

Na ntyo akomeze emirhima yinyu; ayijire myêru-kwêru omu butagatîfu embere za Larha Nyamuzinda, amango nnawîrhu Yezu ayisha bo n’abatagatîfu bâge boshi.

1 Batesalonika 4:7

Birhali bya nshonyi Nyamuzinda arhuhamagaliraga, ci butagatîfu.

1 Batesalonika 5:15

Mumanye hankajira owagalulira omuntu obubî oku bubî; ci ngasi mango mucihangâne okujirirana aminjà mwêne na nnene, mugajirire n’abantu boshi.

1 Timoteyo 6:11

Ci wêhe, we muntu wa Nnâmahanga, oyâke ebyo byoshi. Olongereze obushinganyanya, obukombêdu, obuyêmêre, obuzigire, obulembedu, n’obutûdu.

2 Timoteyo 2:22

Okâyâka iralà ly’obusole; okalongereza obushinganyanya, obuyêmêre, obuzigire, n’omurhûla haguma n’abagashâniza Nyakasane n’omurhima gucîre.

Bahabraniya 12:10

Balarha b’omubiri bàrhuhanyire nsiku nsungunu, nk’oku bône bàbonaga kukwânîne; ci yêhe arhuhana oku bunguke bwîrhu, mpu lyo rhushangîra obwimâna bwâge.

Bahabraniya 9:28

ntyo Kristu naye àcîhânyire nterekêro liguma lyône, mpu azâze ebyâha bya bantu banji; âyaciboneke lindi liguma buzira câha, mpu alêrhere abamulinda obucire.

1 Petro 3:11

aleke obubî, ajire aminjà, alonze omurhûla, anagukulikire.

1 Petro 3:13

Ndi wankammujirira kubî mukabà mucîhanganyire okujira aminjà?

2 Petro 3:11

Akabà ebi byoshi kujonga byanajonge, ka murhakwânîni okubà batagatîfu omu lugendo lwinyu lwoshi n’okukâyôrha mwagashâniza Nnâmahanga,

2 Petro 3:18

Muyûshûke erhikwo omu nshôkano n’omu bumanye bwa Nnawîrhu n’Omucunguzi Yezu Kristu. Kuli ye irenge, buno na kuhika olusiku lw’emyâka n’emyâka! Amen!

3 Yowane 1:11

Mwîra wâni, orhashimbaga olwiganyo lubî, ci oshimbe o­lwîganyo lwinjà. Ojira aminjà ali wa Nyamuzinda; naye ojira amabî erhi a­rhabonaga Nyamuzinda.

Bacîranuzi 11:14

Yefutè ashubirhuma ezindi ntumwa emw’oyo mwâmi wa bene Amoni,