Bahabraniya 11:26 - BIBLIYA NTAGATIFU OMU MASHI

²⁶ abona oku okujâcira Kristu orhumire buli buhirhi bulushire amagale g’Abanya-Mîsiri goshi, bulya àli alangâlîre oluhembo.

Bahabraniya 11:26 ပူးပေါင်းရင်းမြစ်များ

Ennanga 37:16

Ebinyi omushinganyanya afumbasire, byo bikulu oku binji binji by’encuku;

Ennanga 69:20

Orhahabiri ebijâci banjâcira, orhahabiri n’omutula n’enshonyi zingwêrhe, bulyâla abadwîrhe banjâcira boshi omu masù gâwe bali.

Ennanga 69:7

Mâshi Nyakasane, murhambo w’engabo, abakulangâlira orhazigaga enshonyi zababumba erhi nie ntuma. Abakulonza, Nyamuzinda w’Israheli, orhazigaga nababonêsa nshonyi.

Migani 11:18

Enkola-maligo enabone oluhembo lwayirheba, omuntu omîra obushinganyanya yêhe, oluhembo lwâge ho luli.

Migani 23:18

Bulyâla irhondo ho liri, n’obulangâlire bwâwe burhâfanânde.

Izaya 51:7

Munyumve bwinjà, mwe muyishi obushinganyanya, wâni lubaga lubîkirira irhegeko lyâni emurhima. Murhayôbohaga ebijâci by’abantu, murharhemukaga ebwa kubà bamammulogorhera.

Mateyo 10:41

Owayigulire omulêbi, erhi izîno lyâge ly’omulêbi lirhuma, ayish’ihâbwa oluhembo lw’omulêbi; n’owayigulire omushinganyanya, erhi bushinganyanya bwâge burhuma, ayish’ihâbwa oluhembo lw’omushinganyanya.

Mateyo 5:12

Musîme munacîshinge, bulya oluhembo lwinyu lwâyish’ibà lunene omu mpingu. Nabo abalêbi bali bammushokolîre, ntyo kwo balibusire.

Mateyo 6:1

Mumanye murhakâg’iyêrekana ebijiro binyu binjà embere z’abantu mpu mubonwe, bulya mukajira ntyo, murhakabona luhembo emwa Sho w’empingu.

Luka 14:14

Obwo wanayish’ibona iragi, kulya kubà barhagwêrhi eci­ bakugalulira! Bulya wayish’igalulirwa aha bufûke bw’abimâna».

Luka 14:33

“Ntyo ninyu kwo na kuguma”: “ngasi yêshi orhalesiri ebi ajira, byoshi, arhankabà muganda wâni”».

Ebijiro 5:41

Bôhe barhenga aha kagombe bajà bacîshinga, bulya bâli bagwêrhe iragi ly’okukozwa enshonyi izîno lya Yezu lirhumire.

2 Bakorinti 12:10

Okwôla kwo kurhuma nyumva nsîmire omu buzamba bwâni, omu bijâci, omu malibuko, omu kurhi­ ndibuzibwa n’omu burhè, erhi Kristu orhuma. Bulya amango ndi muzamba, lyo mbà muzibu!

2 Bakorinti 6:10

mpu rhuli burhè, n’obwo rhurhayôrha rhurhashagalusa; mpu rhuli ba buligo, n’obwo banji rhugaza; mpu rhurhagwêrhi kantu, n’obwo ntâco rhurhajira. Abakorinti nabo bayigule emirhima.

Befezi 1:18

Mâshi a­mmumolekere amasù g’omurhima, mubone bulangâlire buci mwahamagalîrwe na buhirhi buci bw’irenge akashambala kâge kammubîkîre omu karhî k’abatagatîfu,

Befezi 3:8

Nie munyi omu bakristu boshi, nie nashobwîre enshôkano y’okumanyîsa abapagani obuhirhi bwa Kristu burhajira Lugero

Bafilipi 3:7

Ci obwo bunguke bwoshi nal’ingwêrhe, nabulola nka muhona erhi Kristu orhuma.

Bahabraniya 10:33

aha mwabonêsibwa enshonyi n’okulibuzibwa omu lubaga; aha mwalungana n’abajiriragwa ntyo.

Bahabraniya 10:35

Mumanyage mwankarhêra obwo bulangâlire bwinyu; bulya bubikîrwe ntanda nnene,

Bahabraniya 11:6

Bulya owalonz’iyegêra Nnâmahanga, arhegesirwe ayêmêre oku ho àbà n’oku ahemba abamulonza.

Bahabraniya 13:13

Kuziga nîrhu rhuhuluke, rhujè embuga ly’olugo, rhubarhule ebijâci byâge, rhumushimbe.

Bahabraniya 2:2

Bulya akabà obujà-bugo bwa bamalahika bwayunjwîre na ngasi wadesire mpu abugomera erhi mpu arhabuyumva, ahâbirwe obuhane bumukwânîne,

1 Petro 1:11

bacîhangâna okumanya mango gahi na bimanyîso­ bici Omûka gwa Kristu gwabalimwo gwakâg’ibalangûla, erhi gukâbabwîriza, embere bibè, amalumwa ga Kristu n’irenge lyânagakulikire.

1 Petro 4:14

Erhi mwankajâcirwa erhi izîno lya Kristu lirhuma, iragi linyu, kulya kubà Omûka gw’irenge, gwo Mûka gwa Nyamuzinda, gummulimwo.

Mafulûlo 2:9

Mmanyire amalibuko gâwe n’obukenyi bwâwe - ci oli muhirhi! - n’ebijâci ojâcirwa na balya bacîhamba mpu Buyahudi, n’obwo barhali bo, ci ndêko ya Shetani.

Mafulûlo 3:18

Yumva nkuhanûle! Oyîshe ongulire amasholo gacêrîre eciko, ly’oshuba muhirhi, n’emyambalo myêru, oyambale, enshonyi z’obushugunu bwâwe zilek’ikubumba; ogule n’omushogolera, okamûlire omu masù, ly’obona.

RUTI 2:12

“Nyakasane akuhêmbe oku minjà goshi wajizire, n’oluhembo lwâwe lubè lwîmâna embere za Nyakasane, Nyamuzinda w’Israheli, oyu oyishir’icîfulik’omu byûbi byâge”».