Bahabraniya 10:36 - BIBLIYA NTAGATIFU OMU MASHI

³⁶ Nêci, kukwânîne muzibuhe, lyo muyôrha mujira obulonza bwa Nyamuzinda, munayish’ihâbwa ebi àlaganyagya.

Bahabraniya 10:36 ပူးပေါင်းရင်းမြစ်များ

Ennanga 37:7

Orhûlûle muli Nyakasane onacîkubagireye kwône orhahîraga okalubira omuntu oli omu njira yâge yâge buzira kubà kurhi, omuntu ovunyengerera ebirhali byo.

Ennanga 40:1

Gwârhi omukulu w’abimbiza. Lwa Daudi. Lulanga.

Mateyo 10:22

Mwâshombwe na boshi, erhi Izîno lyâni lirhuma; ci owacîkanyekanye kuhika buzinda ye wayish’icunguka.

Mateyo 12:50

Bulya ngasi yêshi ojira oku Larha oli omu mpingu alonza, ye mwene wîrhu, ye na mwâli wîrhu, ye na nyâmà».

Mateyo 21:31

«Ndi muli abo babiri wajizire obulonza bw’îshe?» Banacimushuza, mpu: «Omurhanzi». Yezu anacibabwîra, erhi: «Okuli, mmubwîzire oku abanyabyâha n’abakazi bagonyi bâmmurhange omu Bwâmi bwa Nyamuzinda.

Mateyo 24:13

“Ci owayôrhe ali mwinjà kuhika olusiku luzinda, oyo ye wâcunguke”.

Mateyo 7:21

Arhali ngasi ombwîra, mpu: «Yâgirwa, Yâgirwa, ye wâjè omu Bwâmi bw’empingu, ci olya ojira oku Larha oli omu mpingu alonza, y’oyo ye wâhike omu Bwâmi bw’empingu.

Marko 3:35

Ngasi yêshi ojira oku Nnâmahanga alonza, oyo ye mwene wîrhu, ye na mwâli wîrhu, ye na nyâmà».

Luka 21:19

“Bulêmbêzi bwinyu mwâcizemwo obuzîne bwinyu!”»

Luka 8:15

“Nazo ezarhogeraga, omu budaka bwinjà, bo balya bayumvîrhe Oluderho n’omurhima nkana na mwinjà, balushîbirira, banayerakwo amalehe omu bushibirizi bwâbo”».

Yowane 7:17

Owalonz’ijira obulonza bwâge, acîbonera erhi ezi nyigîrizo ziri za Nnâmahanga, nîsi erhi niene ncirhumire.

Ebijiro 13:22

“Okuhandi Nyamuzinda anacimurhenza, àyimanza Daudi mpu abè Mwâmi wâbo.” “Ye aderheraga obu buhamîrizi, erhi”: “Nabwînage oku Daudi mwene Yese, abà muntu w’omurhima gwâni, akâjira obulonza bwâni bwoshi”.

Ebijiro 13:36

Ci, Daudi, erhi abà amâkolera Nyamuzinda omu nsiku z’obuzîne bwâge, àfîre, àhirwa haguma na b’îshe ànabona okubola.

Barom 12:12

Mushagaluke omu bulangâlire, murhadundaganaga omu mango g’amalibuko, mushenge burhahusa.

Barom 12:2

Mumanye mwankacîgererakwo er’igulu, ci muhinduke bantu bahyâhya omu murhima gwinyu, lyo mumanyîrira obulonza bwa Nnâmahanga; mumanye aminjà, ebi akunda n’ebishingânîne lwoshi.

Barom 2:7

abantu bacîshwêkera oku kujira aminjà, abalonza irenge n’obukuze n’okurhafà, abashobôze obuzîne bw’ensiku n’amango;

Barom 8:25

Ci erhi rhwankalangâlira ebirhurhahona, rhwanabilinda buzira kurhama.

1 Bakorinti 13:7

Obuzigire bubabalira byoshi, buyêmêra byoshi, bulangâlira byoshi, bunalembera byoshi.

Bagalasiya 6:9

Rhurharhamaga okukâjira aminjà. Rhwacisârûla omu mango gakwânîne rhukabà rhurhashubiri nyuma.

Befezi 6:6

Murhakâg’ikakolera isù nk’abalonz’isimîsa abantu, ci nka barhumisi ba Kristu bajira obulonza bwa Nnâmahanga n’omurhima gwoshi.

Bakolosi 1:11

Obuhashe bw’irenge lyâge bwâmmuzibuhya, muhash’ilembera amalibuko goshi n’oburhwâli haguma n’obushagaluke,

Bakolosi 3:24

Mumanye oku Nyakasane ayish’immuhemba, ammujire mîmo yâge. Kaz’imurhumikire Nyakasane Kristu!

Bakolosi 4:12

Epafra, oburhwa emwinyu, mwambali wa Kristu Yezu, ammulamusize; arhahusa okummulwîrakwo omu nsengero zâge, mpu lyo muzibuha, muyôrhe muli bimâna, munasêre oku ngasi ebi Nnâmahanga alonzize byoshi.

1 Batesalonika 1:3

Ngasi kasanzi, embere za Larha Nnâmahanga, erhi kugerêreza rhugerêreza ebijiro by’obuyêmêre bwinyu, n’emikolo y’obuzigire bwinyu, n’obulangâlire bwinyu bukomîre, muli Nnawîrhu Yezu Kristu.

Bahabraniya 11:39

N’abo boshi, n’obwo bâli baderhîrwe obuhamîrizi obuyêmêre bwâbo burhumire, arhali bo bàcibwîne eci bàlaganyibagwa;

Bahabraniya 12:1

Co cirhumire nîrhu, obu rhuzungulusirwe n’ecitù cityo c’abahamîrizi, kukwânîne rhurhibe ngasi cihanzo, rhunaleke ebyâha birhuzonzire, rhugende bulibirha, rhuj’ilwa n’oburhwâli eyo ntambala rhurheganyizîbwe.

Bahabraniya 13:21

yêne ammujire bantu nkana, lyo mukâjira obulonza bwâge omu minjà ga ngasi lubero; yêne ajire muli mwe ebimusimîsize, Yezu Kristu orhumire. Irenge libè lyâge emyâka n’emyâka! Amen!

Bahabraniya 6:12

Na ntyo, ahâli h’okubà bôlo, muyige balya bayîma omu ndagâno za Nyamuzinda, balya baziyêmîre banazisêramwo.

Bahabraniya 6:15

Na ntyo Abrahamu àcîhangâna, abona eyo ndagâno.

Bahabraniya 6:17

N’eco co càrhumaga Nyamuzinda, erhi àlonza okumanyîsa bwinjinjà emîmo y’endagâno oku eciragâne câge cirhakahinduka, àcîgasha,

Bahabraniya 9:15

Eco co cirhumire àbà mulagizi w’endagâno mpyâhya, ànafîre mpu azâze ebyâha byàkolagwa amango g’endagâno ntanzi, lyo abarhôle bayîma omu bwâmi bw’ensiku n’amango bàlaganyibagwa.

1 Petro 1:9

bulya mumanyire oku buyêmêre bwinyu bwammuhisa oku bucire bwinyu.

1 Yowane 2:17

N’igulu kugera lyâgera haguma n’iralà lyâlyo; ci ojira obulonza bwa Nyamuzinda ayôrha abâho ensiku n’amango.

Mafulûlo 13:10

Oli wa kuhêkwa bujà, ajè bujà; oli wa kunigwa n’engôrho, anigwe n’e ngôrho. Bwo buzibu n’obuyêmêre bw’abashinganyanya obwo.

Mafulûlo 14:12

Ho bazibuhira ahôla abimâna, balya bashimba amarhegeko ga Nyamuzinda banayêmêra Yezu!