Bagalasiya 5:1 - BIBLIYA NTAGATIFU OMU MASHI

¹ Kristu arhurhenzize omu bujà mpu lyo rhubà bantagengwa. Muzibuhage, mumanye mwankacicîshubiza omu muzigo gw’bujà.

Bagalasiya 5:1 ပူးပေါင်းရင်းမြစ်များ

Ennanga 51:12

Mâshi Nyamuzinda, omurhima gwâni oguleme buhyâhya ompiremwo iroho lihyâhya onalizibuhye.

Migani 23:23

Olonze okumanya okuli, ci orhabâga: «mpemba-nkubwîre» ocîhangâne omanye oburhimanya, ihano n’okumany’iyumva.

Izaya 61:1

Omûka gwa Nyakasane Nyamubâho guli kuli nie, bulya Nyakasane anshîzire amavurha; antuma mpu ngend’iyigîriza abakenyi emyanzi y’akalembe, nfumye abababîre omu murhima, nyâlîze omwanzi gw’obuyôkozi emwa abâli omu bujà, nnambwîre abâli omu mpamikwa oku balîkûzibwa;

Mateyo 23:4

“Banakashwêka emizigo mizirho, banayibarhuze abantu, ci okuyidundaganya n’omunwe barhankakulonza”.

Luka 5:38

“Ci amamvu mahyâhya gajà omu rhubindi rhuhyâhya”.

Ebijiro 15:10

Kurhigi buno kandi mudwîrhe mwalonza okurhangula Nyamuzinda omu kulonza okubarhuza abemêzi omuzigo gwayabiraga balarha na nîrhu rhwêne?

Barom 6:14

Bulya ntà buhashe ecâha cicigwêrhe kuli mwe, kulya kubà murhashwêsirwi na marhegeko, ci n’engalo ya Nnâmahanga.

Barom 6:18

n’erhi mubà mwamâlîkûzibwa oku câha, mwahinduka barhumisi b’obushinganyanya.

Barom 7:3

Kuziga amango ibà acizîne, erhi ankayankwa n’owundi mulume, anaderhwa mugonyi; ci erhi ibà ankafà, arhacishwêsirwi n’irhegeko, na ntyo arhaciri mugonyi erhi ankayankwa n’owundi mulume.

Barom 7:6

Ci buno rhwafîre oku byakâg’irhushwêka nka mpira, rhwarhenzîbwe omu lukoba lw’amarhegeko, rhukola rhwakolera oku ngoma mpyâhya y’omurhima, ci arhaciri oku ngoma y’ecikulakula ya «shimba-oku-bàdesire».

Barom 8:15

Murhahâbagwa murhima gwa bajà mpu mwayôboha; mwahîrwe omurhima gw’abâna balere, gwo gunarhuma rhwayâkûza, nti: «Abba, Larha!»

Barom 8:2

Bulya irhegeko ly’Omûka guhâna obuzîne muli Yezu Kristu lyakulîkûzize oku irhegeko ly’ecâha n’ery’olufù.

1 Bakorinti 15:58

Ntyo, bene wîrhu bazigirwa, musimike, murhadundaganaga, ensiku zoshi mukaz’ijà embere omu mukolo gwa Nyakasane, bulya mumanyire oku omukolo gwinyu muli Nyakasane gurhankafa busha.

1 Bakorinti 16:13

Mubè masù, musêre buzibu omu buyêmêre, mubè balume, munakomere!

1 Bakorinti 7:22

Bulya owali mujà erhi ahamagalwa muli Nyakasane, Nyakasane amukûzire omu bujà. Kwo na kwo, orhali mujà erhi ahamagalwa, akola mujà wa Kristu.

2 Bakorinti 11:20

Nêci, banammujire bajà, munacihumbire; bakammulya babishi, munacihulikire; banammunyage, ba­mmugayaguze, ammuhè ciru n’omulimba omu irhama, murhanahinye.

2 Bakorinti 3:17

Nyakasane abà Mûka, n’aha Omûka gwa Nyakasane guli, ho n’omuntu abà ntagengwa.

Bagalasiya 2:4

n’obwo hàli hayishire bene wîrhu b’obwîhambe bacîdwîrhe bône, barhujamwo bufu­nda mpu bayish’ihengûza kurhi rhubà ntagengwa muli Kristu banashub’irhugalula omu bujà.

Bagalasiya 3:25

Ci bunôla obuyêmêre bwayishire, ntà buhashe omulezi acirhugwêrhekwo.

Bagalasiya 4:26

Yeruzalemu w’enyanya yêhe arhali mujà, ye nyâmà.

Bagalasiya 4:31

Ntyo, bene wîrhu, rhurhali bâna ba mujà, ci rhuli bâna b’omukazi w’obuhya bw’okuli.

Bagalasiya 4:9

Lêro buno mukola muyishi Nyamuzinda, na buno naye akola ammuyishi, kurhi mwankacishimbaga ebiremwa bya busha birhajira nsimiko, n’okushub’icijira bajà bâbyo?

Bagalasiya 5:13

Mwêhe, bene wîrhu, mwahamagîrwe mpu mubè ntagengwa. Ci mumanye okwo kubà ntagengwa kurhabâga igwârhiro ly’okushimbulira amasîma g’omu­biri; ci ngasi muguma akarhumikira abâbo omu buzigire.

Befezi 6:14

Muyimangire kuli gombi! Okuli bubè gwo mukaba gwinyu, obushinganyanya ebè yo mpenzi yinyu,

Bafilipi 1:27

Kwônene mubè n’olugendo lushingânîne Emyanzi y’Akalembe ya Kristu. Mbè nyishir’ibonana ninyu, mbè mbêzire kulî ninyu, nalonza nyumve oku haguma mulukira, n’oku omurhima gwinyu guli muguma omu kulwîra obuyêmêre bw’Emyanzi y’Akalembe;

1 Batesalonika 3:8

Nêci, rhuyumvîrhe rhukola rhugwêrhe emisî bulya mukomîre muli Nyakasane.

2 Tesalonika 2:15

Ntyo, bene wîrhu, mukomere, munasêre kw’erya migenzo rhwammuyigîrizagya n’akanwa erhi omu maruba.

Bahabraniya 10:23

Rhulange buzibu obuhamîrize bw’obulangâlire bwîrhu, bulya owalaganyagya akwânîne okulangâlirwa.

Bahabraniya 3:14

Kali rhwe rhukola baguma na Kristu, caziga rhulange obuyêmêre bwîrhu buzibu kuhika okufà, nka kulya rhwanarhangiraga.

Bahabraniya 3:6

Ci Kristu yêhe kwo ali mwemêzi nka mwene-nna-nyumpa, mpu arhegeke abâmwo boshi. N’eyo nyumpa, yo rhwe, caziga rhusêre burhashuba-nyuma oku bulangâlire n’oku mwishingo gw’oku rhwâhike omu mpingu.

Bahabraniya 4:14

Kuziga obu rhugwêrhe omudâhwa mukulu bwenêne, Yezu, Mugala wa Nyamuzinda wayikîre amalunga, rhugwârhage buzibu obuyêmêre bwîrhu.

1 Petro 2:16

Olugendo lwinyu lubè lwa bantagengwa, ci arhali bantagengwa balonza obulyo bw’okufulika obubî bwâbo, ci nka barhumisi ba Nyamuzinda.

2 Petro 2:19

Banabalanganye mpu babà ntagengwa, n’obwo bône bali bajà b’obubî bwâbo; bulya omuntu abà mujà w’omuhimire:

Yûda 1:3

Bîra bâni, ene mbà ndwîrhe nalonza okummuyandikira nti mmubwîre ebinwa by’obucire bwîrhu rhweshi, lêro nanacibona nkola ngwâsirwe okummuyandikira nti mmuhanûle lyo mulwîra obuyêmêre abatagatîfu bashobôlaga kwa lwoshi oku caligumiza.

Mafulûlo 2:25

ci ehi mugwêrhe, muhigwârhe buzibu kuhika nyishe.

Mafulûlo 3:3

Okengêre kurhi wahîrwe oluderho lwa Nyamuzinda na kurhi waluyumvîrhe; olubîkirire onacîyunjuze. Bulya okabà orhali masù, nâyisha nka cishambo, orhânamanye mangaci nâkurhindakwo.