Bafilipi 4:8 - BIBLIYA NTAGATIFU OMU MASHI

⁸ Ceci, bene wîrhu, ngasi biri by’okuli, ngasi biri nkana, ngasi bishingânîne, ngasi bicîre, ngasi bikwânîne okuzigirwa n’okukengwa, ngasi nkômedu nyinjà na ngasi kantu kakwânîne okukuzibwa, ebyôla byo mushîbirirage.

Bafilipi 4:8 ပူးပေါင်းရင်းမြစ်များ

Murhondêro 18:19

Bulya nacîmwishozire nti arhegeke abâna bâge n’enyumpa yâge enyuma zâge mpu balange enjira ya Nyamubâho omu kujira ebishingânîne n’ebilongîre»; na ntyo, Nyamubâho anajirira Abrahamu ebi amulaganyagya.

2 Samweli 1:23

Saulu na Yônatani bazigirwa na bakengwa, mwe bantasigana omu kalamo n’omu lufù, mwâli babidu nka makozi na ntwâli kulusha entale.

2 Samweli 23:3

Nyamuzinda w’Israheli adesire, ibuye ly’Israheli ambwîzire erhi: Orhegeka abantu n’obushinganyanya, arhegeka erhi anarhînya Nyamuzinda,

Ennanga 82:2

Mpu: «Mangaci mwâleka okutwîra olubanya obulyâlya n’okuhà abayâzire olubanja?»

Migani 11:1

Kuli Nyakasane, omunzâni gusherîre binali bikabulirwa, ci kwône omunzâni guyumanîne gwo gurhona emunda ali.

Migani 12:4

Omukazi nkana irenge ly’îba, omukazi mûmaguza cibà cibolwe omu rhuvuha.

Migani 16:11

Omunzâni n’ensahani z’obushinganyanya: bya Nyakasane, ciru n’obuzirho bwa sunzu: nabo mukolo gwâge.

Migani 20:7

Omushinganyanya, ilabarha lyâge, lya mudahemuka; abâna asiga, abasiga bany’iragi.

Migani 31:10

Omukazi nkana ndi wankamubona? Agwêrhe ecitwîro cilushire ec’amagerha.

Migani 31:29

Abakazi bàkozire ebinja bali banji, ci kwône w’oyo ocibalushire boshi.

Migani 31:31

Mumuhè oku binjà by’omu mukolo gwâge n’aha ngombe, emirimo yâge ederhe irenge lyâge.

Lwimbo 5:16

Emyanzi yâge minunu-minunu, naye yêne mushagalusa; kwo ali ntyo Omuzigirwa wâni, kwo ali ntyo omulume wâni, wâni mwe banyere b’e Yeruzalemi.

Izaya 26:7

Enjira y’omushinganyanya bubà bwîrhonzi, we otwîra omushinganyanya enjira nnongêdu.

Mateyo 22:16

Banacirhuma abaganda bâbo n’Abaherodi mpu bamubwîre, mpu: «Muyigîriza, rhuyishi oku oderha okuli n’oku enjira ya Nyamuzinda onayiyigîrize nka oku enali, orhanajira kabôlo kuli ndi, bulya orhalola ola ye ndi omu bantu.

Marko 6:20

bulya Herodi akâg’irhînya Yowane, oku kubà àli muntu mushinganyanya na Mutagatîfu, anakag’imulanga. Erhi amuyumvagya, omurhima gunamulye, ci okwo kurharhumaga arhakâsima okumuyumvîrhiza.

Luka 16:15

Anacibabwîra, erhi: «Mwe muciderha bimâna embere z’abantu, ci Nyamuzinda amanyire emirhima yinyu. Bulya eci abantu bakûnga, co cishologorha Nyamuzinda».

Luka 2:25

Obwo erhi e Yeruzalemu eli omuntu, ye wali Simeoni. Oyo muntu ali mushinganyanya anarhînyaga Nyamuzinda. Akâg’ilinga cînamula w’Israheli, na Mûka Mutagatîfu erhi abà muli ye.

Luka 23:50

Hanaciyisha muntu muguma, ye Yozefu. Ali w’omu ihano, muntu nkana na mushinganyanya.

Yowane 7:18

Oderha ebyage yêne, irenge lyâge alonza; ci olonza irenge ly’owamurhumaga, oyo ye derha eby’okuli, arhanabamwo bunywesi.

Ebijiro 10:22

Bashuza, mpu: «Omurhegesi w’abasirika, Korneliyo, muntu mwinjà orhînya Nyakasane, mukengwa omu ishanja ly’Abayahudi lyoshi, abwîzirwe na malahika mpu akuhamagale aha mwâge, anayumve ebinwa byâwe».

Ebijiro 22:12

“Lêro mulume muguma, izîno lyâge Ananiya, muntu oshimba bwinjà marhegeko na mukengwa omu Buyahudi b’e Damasi boshi”,

Ebijiro 6:3

Mulonze muli mwe, bene wîrhu, bantu nda bakengwa, abayunjwîre Mûka Mutagatîfu n’obushinganyanya, bo rhwâhâ ogwo mukolo.

Barom 13:13

Rhucîkenge omu lugendo lwîrhu nk’oku kukwânîne okujira izûba lyabasha. Rhuleke obudambî n’e­ndalwè; ntà kuhusha na ntà kujira eby’obumaguza; ntà nnongwè na ntà bumvu;

Barom 13:3

Abarhegesi barhali ba kuyôbohwa n’abajira aminjà, ci abajira amabî bo bakwânîne okubayôboha. K’olonzize okurhayôboha abarhegesi? Okâjira aminjà, bakusîma,

Barom 14:18

Okolera Kristu ntyôla, asîmîsa Nnâmahanga, n’abantu banamusîme.

Barom 2:29

Omuyahudi menemene omu murhima obuyahudi bwâge bubà; n’obukembûle bw’okuli omu murhima bubà, bubà bwa murhima; ci burhabà bwa myandiko. Obukembûle bwa bene obwo burhenza obukuze, arhali emwa abantu, ci emwa Nnâmahanga.

1 Bakorinti 4:5

Kuziga murhatwaga olubanja lwa bene dubaduba. Muleke Nyakasane ayishe, ye wash’imoleka ebifulike omu mwizimya, anabishûle emihigo eri omu murhima. Okubundi ngasi muguma ayish’ihâbwa na Nyamuzinda obukuze bumukwânîne.

2 Bakorinti 13:7

Rhudwîrhe rhwashenga Nnâmahanga ammurhabâle murhajiraga okubî; arhali kuderha nti lyo babona oku rhuyâzize, ci kuderha nti lyo mw’oyo mujira okwinjà, rhubè rhwe rhuyâga.

2 Bakorinti 6:8

omu kukengwa n’omu kulolwa nka byâsi, omu kuderhwa kubî n’omu kuderhwa kwinjà; omu kujirwa ndyâlya, n’obwo rhurhaderha ebirhali by’okuli;

2 Bakorinti 8:18

Rhumurhumîre bo na mwene wîrhu muguma, olya irenge lyâge omu kulumîza Emyanzi y’Akalembe liderhwa omu Ekleziya zoshi.

2 Bakorinti 8:21

Bulyâla rhulonza okujira aminjà, arhali omu masù ga Nyamuzinda mwône, ci n’embere z’abantu.

Bagalasiya 5:22

Ebijiro bya Mûka Mutagatîfu byôhe buli buzigire, bushagaluke, murhûla, kulemberana, lukogo, bwinjà, kurhatwa omu kanwa kîrhu,

Befezi 4:25

Lêro ntà kucikaz’inywerha, ci ngasi muguma akabwîra abâbo eby’okuli, bulya rhweshi rhubà ngasi muguma birumbu by’abâbo.

Befezi 5:9

Na ngasi hiri hinjà, ngasi hishingânîne, na ngasi hiri hy’okuli, yo mburho y’obulangashane.

Befezi 6:14

Muyimangire kuli gombi! Okuli bubè gwo mukaba gwinyu, obushinganyanya ebè yo mpenzi yinyu,

Lushika 16:20

Bushinganyanya wakazikulikira, na ntyo walama onayanke cirya cihugo Nyamubâho, Nyamuzinda wâwe ayishikushobôza.

Bafilipi 3:1

Nêci, bene wîrhu, mucîshinge muli Nyakasane. Okushub’immuyandikira ebinarhanzir’immubwîra kurhantamya, na kuli mwe kugwêrhe akamalo.

Bakolosi 4:5

Mubè bashinganya­nya omu lugendo lwinyu haguma n’ab’embuga; mukolêse bwinjà amango muhîrwe.

1 Batesalonika 4:12

Ntyo olugendo lwinyu luyôrhe lushingânîne omu masù g’abâli embuga, na ntâye mwalagîrirakwo.

1 Timoteyo 2:2

abâmi n’abarhegesi boshi, lyo rhubona akalamo k’omurhûla buzira kavulindi, omu bukombêdu n’omu bugula.

1 Timoteyo 3:11

Abakazi nabo kwo na kuguma, babè bakengwa, barhabâga ba kalimi, barhabaga badambye, bakwânane okucîkubagirwa muli byoshi.

1 Timoteyo 3:4

Amany’irhegeka bwinjà enyumpa yâge, analere abâna bâge omu bukenge n’omu bwôrhere nkana.

1 Timoteyo 4:12

Ntâye ogayaguzagye obusole bwâwe; ci obè lwîganyo oku bemêzi omu nderho, omu lugendo, omu buzigire, omu buyêmêre, n’omu bucêse bw’omurhima.

1 Timoteyo 5:10

Kukwânîne abè amanyikîne oku bijiro byâge binjà, abè alezire kwinjà abâna bâge, abè ahandisize ebigolo n’okushuka abatagatîfu amagulu, abè arhabîre abâli omu malibuko, anabè ajizire aminjà ga ngasi lubero.

1 Timoteyo 5:2

abagikulu nka bazîre bâwe, n’abahya nka bâli binyu, omu bucêse bwoshi.

Tito 1:8

ci abè muntu oyîsh’ihandisa ebigolo, mwîra w’abantu nkana, murhondêza, mushinganyanya, mwimâna na muntu wa lugero muli byoshi;

Tito 2:14

wacîhânaga yêne rhwe rhurhumire, mpu arhucize omu ngasi bubî, na hano abà amârhucêsa, a­rhujire mulala gwâge gukombêra okujira aminjà.

Tito 2:2

Abashosi barhabâga badambye, ci bakacîkenga, babè bîrhonzi, bazibuhe omu buyêmêre, omu buzigire n’omu kulembera amalibuko.

Tito 2:7

nâwe wêne obè lwîganyo omu bijiro binjà: e­nyigîrizo zâwe zirhahushikanaga, banakâzikenga;

Tito 3:14

Abirhu nabo bacîhangâne okurhwâliha omu kujira aminjà, lyo babona ebikwânîne omu malagîrire, barhag’ibà ba­nyakubura.

Bahabraniya 11:2

Bwo bwarhumire abakula-mbêre bîrhu bàbona obuhamîrize bwinjà.

Bahabraniya 13:18

Murhusengerere emwa Nnâmahanga. Rhumanyire oku rhugwêrhe omurhima mwinjà, n’olugendo lwîrhu rhulonza lubè lwimâna muli byoshi.

Yakôbo 1:27

Idini licîre lirhanalikwo ibala omu masù ga Larha Nyamuzinda, muliyumvagye: okukarhandûla enfûzi n’abakana omu malibuko gâbo, n’okucîlanga buzira izâbyo en’igulu.

Yakôbo 3:17

Obushinyanya bw’enyanya bwôhe, burhanzi bubà bucêse kandi bubà bwa murhûla, bubà bwa lukogo, butûla, buyunjwîre bwonjo n’emburho nyinjà, burhajira kabôlo, burhanalyâliha.

1 Petro 1:22

Erhi muyêmêra okushimba okuli, mwacêsize emirhima yinyu, mpu lyo muzigirana nk’abalondana buzira bulyâlya. Nêci muzigirane n’omurhima gucîre na burharhama,

1 Petro 2:12

Olugendo lwinyu lubè nkana ekarhî k’abapagani. Ciru bankammunywerhera mpu muli banyankola-maligo, babone ebijiro binyu binjà banakuze Nnâmahanga olusiku ayish’ibarhandûla.

1 Petro 4:8

Ci bwenêne muzigirane mwêne na nnene, bulya obuzigire buzâza omwandu gw’ebyâha.

2 Petro 3:1

Bîra bâni, aga maruba gakola maruba ga kabiri mmurhumira. Muli gombi oku ganali mmukengêzize nti muzûse omurhima nkana gummulimwo.

1 Yowane 3:18

Rhwâna rhwâni, rhumanye rhwankazigirana omu nderho n’omu kalimi, ci rhuzigirane okunali omu bijiro.

1 Yowane 3:3

Ngasi yêshi ogwêrhe obwo bulangâlire muli ye acîcêsa nka kulya naye ali mucêse.

1 Yowane 4:1

Bîra bâni, murhakâg’iyêmêra ngasi mûka, ci mukarhangula eyo myûka, mulole erhi emwa Nyamuzinda yanarhenga, bulya abalêbi b’obwîhambe bàlumîre mwandu omu igulu.

RUTI 3:11

“Buno mwâli wâni, orhacibâga na bwôba buci, oku wankaderha nanakujirirakwo; ebwa kubà endêko y’abalungu bâni boshi bamanyire oku oli mukazi ogwêrhe engeso nyinjà”.