Bafilipi 3:9 - BIBLIYA NTAGATIFU OMU MASHI

⁹ nnamubêmwo, arhali n’o­bwâni bushinganyanya, bulya burhenga omu kushimba amarhegeko, ci n’obushinganyanya burhenga omu kuyêmêra Kristu, bulya buhânwa na Nyamuzinda bunasimikira oku buyêmêre;

Bafilipi 3:9 ပူးပေါင်းရင်းမြစ်များ

Murhondêro 7:23

Ntyo kwo ebyàli en’igulu byoshi byàholokaga: haguma n’abantu, ebishwêkwa, ebinyafûka n’ebinyunyi by’emalunga; byoshi byahirigirha en’igulu ci hasigala Nûhu yêne na ngasi kali omu bwârho bonaye.

1 Bâm 8:46

Erhi bankakujirira kubî bulya ntà muntu orhali munya-byâha hanôla igulu, n’erhi omu bukunizi bwâwe wankabahâna omu maboko g’abashombanyi n’abamabahima erhi bankabagwârha babahêka bujà emwâbo, cibè cihugo ca hôfi erhi c’ihanga,

2 Nganîro 32:25

Ci kwônene Yezekiyahu arhavugaga omunkwa kuli agôla minjà ajiriragwa, ci omurhima gwâge gwabà kucîbona gucîbona, na ntyo oburhè bwa Nyamubâho bwayâka kuli ye na kuli Yûda n’e Yeruzalemu.

2 Nganîro 32:31

Na Nyamuzinda arhaderhaga mpu amulikirira emw’abantu bakazâgirhumwa n’abanya buhashe b’e Babiloni mpu bayishimudôsa emyanzi ya cirya cisômerîne càbâga omu cihugo n’okumurhangula, lyo bamanya ebimubà omu murhima byoshi.

Ennanga 14:3

Boshi boshi bahabusire, oku banali boshi bàsherîre, ntà muntu okola aminjà ocibabâmwo, ntâye ciru n’ow’obufumu.

Ennanga 143:2

Omanye wankajisa mwambali wâwe lubanja, bulya ntà wabusirwe oli mushinganyanya embere zâwe.

Ennanga 19:12

Naye mwambali wâwe go gamuyigîriza, kali kamalo kanene okugashimba.

Muhanûzi 7:20

Hanôla igulu harhali omuntu mushinganyanya olya wankakola aminjà buzira kulogorha ciru n’eriguma.

Izaya 46:13

Nâshegeza obushinganyanya bwâni hôfi, burhali kulî, n’obucire bwâni burhalegame. Nâhira obucire bwâni omu Siyoni n’irenge lyâni omu Israheli.

Izaya 53:11

Hano âbà àmârhangulwa, âbona obulangashane ânabêrwe. Omu bumanye bwâge, Omurhumisi wâni mwêru kwêru ayôkola ba­nji, âcîbarhuza amabî gâbo.

Izaya 53:6

Rhweshi rhwàli rhushandabîne nka bibuzi bihezire, na Nyakasane amubarhuzize amabî gîrhu rhweshi.

Izaya 6:5

Nanaciderha obwo, nti: «Namâjâkwo obuhanya! Lêro namâhera! Bulya ndi muntu wa kanwa kazinzire, olubaga mbâmwo luli lwa kanwa kazinzire. n’amasù gâni ganabul’isinza­ kwo Mwâmi Nyamuzinda w’Emirhwe!»

Yeremiya 23:6

Omu mango gâge Yûda âcira, na Israheli âdêkerera n’omurhûla. Lâba izîno bâkazimuderha: «Nyakasane, Bushinganyanya bwîrhu.»

Yeremiya 33:16

Muli ago mango nâyôkola Yûda na Yeruzalemu arhûlûle. Eci­shagala cinyu baciyîrika elya «Nyamuzinda-okuli-kwîrhu».

Daniyeli 9:24

Migobe makumi galinda yarhegesirwe oku biyêrekîre olubaga lwâwe n’oku biyêrekîre olugo lwâwe Lutagatîfu, omu kuhwa kw’obugoma omu kubabalirwa ebyâha, omu kukûlwa kwo obubî, n’omu kulêrha obushinganyanya, omu kusêza okwôla kubonekerwa n’obwôla bulêbi n’omu kushîga amavurha Omutagatîfu w’abatagatîfu.

Mateyo 9:13

Mugend’icidôsa eci cinwa: Lukogo nonza, ci arhali mpongano. Ntâl’ihamagala abêru-kwêru, ci abanyabyâha».

Barom 1:17

Bulyâla obushinganyanya bwa Nyamuzinda buciyêrekana muli ye, bwo bushinganyanya burhenga omu buyêmêre bunakomeza obuyêmêre, nka kulya biyandisirwe, mpu: Obuzîne bw’omushinganyanya bubà buyêmêre.

Barom 10:10

Nêci, obuyêmêre bw’omu murhima bwo buhisa omuntu oku obushinganyanya, n’obuhamîrize bw’akanwa bwo buhisa omuntu oku bucunguzi.

Barom 16:7

Mulamuse Androniko na Yuniya; bali ba bûko bwîrhu, rhwanali omu mpamikwa rhweshi nabo; ziri ntumwa za kukengwa zanshokoleraga okubà baganda ba Kristu.

Barom 5:21

mpu lyo, nk’oku ecâha càli cigandâzize omu lufù, engalo ya Nyamuzinda egandâza n’obushinganyanya omu buzîne bw’ensiku n’amango, Nnawîrhu Yezu Kristu orhumire.

Barom 8:1

Ntà kuciyagiriza abâli muli Yezu Kristu.

Barom 8:3

Bulya ebi amarhegeko garhahashaga erhi buzamba bwa mubiri burhuma, Nyamuzinda yêne abijizire erhi arhuma Omugala omu mubiri gushushire ogwîrhu gw’ebyâha, mpu lyo ahima ecâha, n’omu mubiri gwâge, ayagîriza ecâha,

1 Bakorinti 1:30

Bulya ye wa­mmuhisagya muli Yezu Kristu, owahindusire bushinganyanya bwîrhu w’emwa Nyamuzinda na bwimâna bwîrhu, na butagatîfu na bucunguzi bwîrhu;

2 Bakorinti 5:17

N’omuntu erhi akabà ali muli Kristu, erhi anakola ali ciremwa cihyâhya; okwàli burhanzi kwahwîre, byoshi bikola bihyâhya.

2 Bakorinti 5:21

Orhali oyishi ecâha, amujira câha rhwe rhurhumire, mpu lyo muli ye rhushuba bushinganyanya bwa Nyamuzinda.

Bagalasiya 2:16

Ci bulya rhumanyire oku muntu arhajirwa mwêru-kwêru n’ebijiro by’Irhegeko; ci omu kuyêmêra Yezu Kristu, nîrhu rhwayêmîre Yezu Kristu, nti lyo rhuhinduka bêru-kwêru omu kuyêmêra Kristu, ci arhali omu kushimba Irhegeko; bulya ntà muntu wankahinduka mwêru-kwêru n’ebijiro by’Irhegeko.

Lushika 27:26

Aherêrekere mâshi, orhalanziri arhanakulikiri ebinwa by’olu Lushika byoshi. N’olubaga lwoshi lwanaderha, mpu: «Amen».

Bafilipi 3:6

rhukalola obushiru, nalibuzize Ekleziya; oku bushinganyanya bw’okushimba Amarhegeko, nali muntu munwererwa.

2 Timoteyo 1:9

ye warhucungulaga, arhuhamagala anacirhwîshoga mpu rhubè batagatîfu, arhali oku lugero lw’ebijiro bîrhu, ci oku lugero lw’obulonza bwâge yêne n’engalo yâge. Eyo nshôkano rhwashobôlaga kurhenga emyâka n’emyâka muli Kristu Yezu,

Tito 3:5

arhalolaga ebijiro by’obushinganyanya rhwajizire, ci bwonjo bwâge bwône bwarhumire arhuciza omu Lugero rhuburhwamwo obwa kabiri, erhi rhuhinduka bantu bahyâhya muli Mûka Mutagatîfu.

Bahabraniya 6:18

mpu lyo ebyo bijiro bibiri birhankahinduka -na ntâkwo Nyamuzinda ankahash’inywerha muli byo- birhukomeza omurhima rhwe rhwabwîne olwâkiro omu kusêra oku bulangâlire rhwahâbirwe.

Yakôbo 3:2

Bulya rhweshi rhweshi rhunahabuke kanji. Akabà hali orhafumwa omu binwa, oyo muntu erhi acîbêrire mulume mwimâna, owankahash’irhegeka omubiri gwâge gwoshi.

2 Petro 1:1

Simoni Petro, mwambali na ntumwa ya Yezu Kristu, kuli boshi basho­bwîre obuyêmêre buguma bw’ecitwîro cidârhi akîrhu erhi obushinganyanya bwa Nyamuzinda wîrhu n’omucunguzi Yezu Kristu burhuma.

1 Yowane 3:4

Ngasi muntu ojira ecâha erhi kugoma agomîre irhegeko, bulya okujira ecâha kubà kugomera irhegeko.