Bafilipi 3:2 - BIBLIYA NTAGATIFU OMU MASHI

² Mumanye orhubwa! Mumanye abakozi babî! Mumanye abakembûle b’obwîhambe!

Bafilipi 3:2 ပူးပေါင်းရင်းမြစ်များ

Ennanga 119:115

Ntengiho, ezi nkola-maligo, ntengiho, nshimbe amarhegeko ga Nnawîrhu Nnâmahanga.

Ennanga 22:16

Namâyumûka omumiro nk’isèsè, n’olulimi lwamânanîra ebiraka.

Ennanga 22:20

Mâshi, Yâgirwa, orhacilegerere, okanye, ontabâle

Migani 26:11

Kulîra akabwa kashubîrira ebishaliza, kwo n’omuhwinja naye ashubirira obuhwinja bwâge.

Mateyo 24:10

“Banji obwo bâhirime; banji bâhânane bône na nnene, bânashombane bône na nnene”.

Mateyo 7:15

Mumanye abalêbi b’obunywesi, abammujaho bayambirhe nka bâna-buzi, n’obwo omu murhima gwâbo bali biryanyi.

Mateyo 7:6

Murhakâg’ihà orhubwa ebiryo bitagatîfu, murhanakâg’ikwêba enjuma zinyu embere z’engulube, zirek’izilabarha, na hano zimmuhindukira, zimmujanule.

Barom 2:28

Bulya Omuyahudi arhali omu masù abonekera, n’obukembûle arhali omu mubiri bubà.

2 Bakorinti 11:13

Bulya abantu ba bene bo liri irumbi mpu ntumwa, bakozi endyâlya bakâg’irhebana mpu ntumwa za Kristu.

Bagalasiya 5:13

Mwêhe, bene wîrhu, mwahamagîrwe mpu mubè ntagengwa. Ci mumanye okwo kubà ntagengwa kurhabâga igwârhiro ly’okushimbulira amasîma g’omu­biri; ci ngasi muguma akarhumikira abâbo omu buzigire.

Bagalasiya 5:15

Ci akabà munakashoshôbana n’okulyâna mwêne na nnene, mumanye mwahezanya!

Bagalasiya 5:6

Kali, muli Kristu, arhali kukembûlwa kujira akamalo, ci obuyêmêre buciyêrekana omu buzigire.

Bafilipi 3:19

Abôla obuzinda bwâbo kuli kuhera, enda yâbo ye nyamuzinda wâbo, n’ebyankabalerhera enshonyi bwo bukuze bwâbo; barhanayishi ebirhali by’en’igulu.

Bafilipi 3:3

Kali rhwe bakembûle b’okunali, rhwe rhushenga Nnâmahanga muli Mûka gwâge Mutagatîfu, n’obukuze bwîrhu muli Yezu Kristu rhubulongeza, ci rhurhacîkubagira mubiri.

1 Timoteyo 1:19

onayôrhe ogwêrhe obuyêmêre n’omurhima nkana; bulya erhi babirîkirira, baguma bâlohama omu by’obuyêmêre.

Tito 1:16

Banakâderha mpu bayishi Nnâmahanga, ci erhi banadwîrhe bamuhakana omu bijiro byâbo; abantu ba bene abo bali mihera, bagomi, na ntà kwinjà kuci bankacihash’ijira.

2 Petro 2:22

Lêro kulyâla ogu nugani gw’okuli gudesire kwanacibayishira, mpu: «Akabwa kashubîrire ebishaliza byâko» n’ogu gundi, mpu: «Engulube yacirheng’icîshuka yashub’icîvumvuza omu bijondo».

Yûda 1:4

Bulya hali abantu bammushesherîremwo bufunda-funda; balya batwîrîrwe olubanja kurhenga mîra: eyo mihera ekahindula engalo ya Nyamuzinda wîrhu eyijire masîma ga mubiri, ekâhakana Nnâhamwîrhu muguma yêne na Nyakasane Yezu Kristu.

Mafulûlo 2:9

Mmanyire amalibuko gâwe n’obukenyi bwâwe - ci oli muhirhi! - n’ebijâci ojâcirwa na balya bacîhamba mpu Buyahudi, n’obwo barhali bo, ci ndêko ya Shetani.

Mafulûlo 21:8

Nabo abwôba, ababula­buyêmêre, abarhankakwirirwa, ebishumûsi n’abahushi, abalozi n’abagashâniza ebiremwa, na ngasi babêshi boshi, ogwâbo mwanya omu cîna c’engulumira y’omuliro n’ey’ecibiriti guli: olwo lwo lufù lwa kabiri».

Mafulûlo 22:15

“Embuga orhubwa, abalozi, abahushi, ebishumûsi, abagashâniza ebiremwa, na ngasi basîma okubêsha!”»

Mafulûlo 3:9

Nkolaga nakuhâkw’erya engabo ya Shetani, balyâla bacihamba mpu bali Buyahudi, n’obwo barhalibo: kubêsha babêsha. Nkolaga nabalêrha, bayish’ifukama aha magulu gâwe, banamanye oku nkurhonyize.