Bafilipi 3:13 - BIBLIYA NTAGATIFU OMU MASHI

¹³ Nanga, bene wîrhu, ntadesiri nti nkola ngwêrhe. Ciguma cône ndesire: nyibagire enjira namâgenda, nyêrekîre nieshi nieshi embere zâni,

Bafilipi 3:13 ပူးပေါင်းရင်းမြစ်များ

Ennanga 27:4

Kantu kaguma konene nsengîre Nnawîrhu, kanali k’aka: nti mbêre nâni omu bwâmi bwa Nyakasane ensiku zoshi z’obuzîne bwâni, lyo ncîshingira oburhonyi bwa Nyakasane, ndole n’oku ndâro yâge.

Ennanga 45:10

Abaluzi-nyere bashûbûzinye mpu bayish’ikuyankirira, makambà aha kulyo kwâwe ayîmanzire, arhwinjire n’amasholo g’e Hofiri.

Luka 10:42

Mariya ye wacîshozire omwanya mwinjà kulusha; arhakagunyagwa».

Luka 9:62

Yezu anacimushuza erhi: «Ngasi yêshi wamâfumbarha enfuka, akashub’ikabagana enyuma, erhi arhakwânîni Obwâmi bwa Nyamuzinda».

2 Bakorinti 5:16

Rhwêhe murhakacibona rhwamanyira omuntu ebwa mubiri, akaba rhwalimanyîre Kristu bunya-mubiri ci lero buno arhaciri kwo rhumumanyire.

Bafilipi 2:12

Ntyo, bîra bâni, kulyâla muyôrha munyumva, kwo munyumvagye, arhali amango ndi ekarhî kinyu lyône, ci bwenêne buno ntahali; mushibirire obucire bwinyu erhi munayôbohire munadwîrhe mwageramwo omusisi.

Bafilipi 3:12

Ntadesiri nti nkola mpisire nîsi nti nkola mbà mwimâna; ci ncikulikire enjira yâni, ndole erhi nankamushikira bu­lya nâni niene nagwârhagwa na Yezu Kristu.

Bafilipi 3:8

Nêci, mbwîne oku ebintu byoshi biri muhona nkalola obunguke burhajira Lugero bw’okumanya Kristu Yezu, Nnâhamwîrhu. Ye warhumire nyêmêra okuheza byoshi, nankola nkabilola nka bikabulirwa, nti lyo nyunguka Kristu

Bahabraniya 6:1

Co cirhumire, enyigîrizo kuli Kristu zikwânîne abàcirhondêra, rhwarhang’izileka, nti rhurhereme kuhika enyigîrizo z’abimâna; rhurhanacishibaga rhwagalukagaluka omu bigabi by’enyigîrizo z’omurhondêro: enyigîrizo z’okucîyunjuza oku bijiro by’olufù, n’ez’okuyêmêra Nyamuzinda,

2 Petro 3:8

Ci kwônene, bîra bâni, alagi ebinwa murhakwânîni muhabe: omu masù ga Nyakasane lusiku luguma kwo kuli nka myâka cihumbi, na myâka cihumbi kw’eri nka lusiku luguma.