Bafilipi 3:12 - BIBLIYA NTAGATIFU OMU MASHI

¹² Ntadesiri nti nkola mpisire nîsi nti nkola mbà mwimâna; ci ncikulikire enjira yâni, ndole erhi nankamushikira bu­lya nâni niene nagwârhagwa na Yezu Kristu.

Bafilipi 3:12 ပူးပေါင်းရင်းမြစ်များ

Ayubu 17:9

Ci kwône kurhârhume omushinganyanya aleka enjira yâge, oli wa amaboko mêru kwêru anayûshûla oburhwâli.

Ennanga 119:5

Mâshi nâni enjira zâni zikomere, omu kulanga akanwa kâwe mâshi.

Ennanga 138:8

Nêci, obuzigire bwâwe buli bw’ensiku n’amango, omanye wankacilîkirira emikolo y’okuboko kwâwe.

Ennanga 42:1

Gwârhi omukulu w’abimbiza. Lwimbo lwa Nyigîrizo. Lwa bene Korè.

Ennanga 63:8

Bulya nêci washubire mufungizi wâni, n’omu byûbi byâwe nuno ndwîrhe nacîshingira.

Ennanga 84:2

Alà nk’enyumpa yâwe yayinjiha Yâgirwa Nyakasane k’Emirhwe.

Ennanga 94:15

Okutwa emmanja kwoki kwashubira omu njira y’obushinganyanya, n’emirhima eshingânîne yoshi mwo ekola yashubira.

Migani 4:18

Enjira y’abashinganyanya kw’eri nka bucè bwa lubûngu-bûngu, bwo buyisha bwakula kalinde kabà kasirahinga.

Izaya 51:1

Muyumvîrhize, mwe mushimba obushinganyanya, mwe mulongereza Nyakasane. Lolêrezi ibuye mwarhengagamwo n’enyenga mwakulagwâmwo.

Hozeya 6:3

Rhumanyîrire Nyamuzinda, rhumulongereze, okuli rhwâmubona, âyisha emwîrhu nka lumè, nka kula enkuba mpangûka ebombêza idaho.

Mateyo 5:48

Kuziga mwêhe mubè bimâna nk’oku Sho w’empingu ali mwimâna.

Ebijiro 9:15

Ci Nyakasane amubwîra, erhi: «Genda, bulya oyo muntu nacîmwishozire nti mmukolêse oku kumanyîsa izîno lyâni omu mashanja g’abapagani, n’omu bâmi, n’omu bene-Israheli.

Barom 8:39

oli emalunga, oli omu idaho ntà ciremwa ciru n’eciguma cankahasha okurhunanûla oku buzigire bwa Nyamuzinda buli muli Nnâhamwîrhu Yezu Kristu.

1 Bakorinti 13:10

Amango ebimâna byâyisha, eby’ebihimbi byanayêgûka.

1 Bakorinti 13:12

Buno rhucidwîrhe rhwabonera omu cilolero olubwibwi lurhuli omu masù, ci ago mango rhwayish’ibona bwinjinjaa amasù omu masù. Buno obumanye bwâni buli bwa bihimbi, ci ago mango nâmanya nk’oku mmanyirwe.

1 Bakorinti 9:24

Ka muhabire oku abajà mashigwè g’okulibirha, boshi balibirha, ci muguma yêne ohâbwa oluhembo? Kuziga mulibirhe ninyu, lyo muhâbwa oluhembo.

2 Bakorinti 13:9

Nêci, rhusîma rhw’ono rhubè ngonyi, ninyu mubè bazibu. Kwo rhunashenga omu nsengero zîrhu okwo: nti mushube bimâna.

2 Bakorinti 7:1

Obûla rhugwêrhe endagâno ya bene eyo, bîra bâni, rhucîkûlekwo ngasi izinga ly’omubiri erhi ly’omurhima, rhuyûkirize omukolo gw’okucîjira bimâna omu kurhînya Nnâmahanga.

Bagalasiya 5:17

Bulyâla omubiri gurhumvanya n’omûka, n’omûka gurhumvanya n’omubiri; byombi birhabonanakwo, co cinarhuma murhajira ebimulonzize.

Befezi 1:4

Ntyo kwo acîrhwishozire muli ye embere igulu liremwe mpu rhubè batagatîfu na bêru-kwêru embere zâge omu buzigire,

Befezi 4:12

akeresa ntyo abemêzi omu mukolo gw’oburhumisi, mpu lyo ayûbaka omubiri gwa Kristu,

Bafilipi 1:1

Paolo na Timoteyo, bambali ba Kristu Yezu, oku batagatîfu boshi muli Kristu Yezu bali e Filipi, haguma na balungere n’abashamasi.

Bafilipi 3:16

Ci kwônene, ngasi aha rhwankabà rhuhisire, rhushimbe njira nguma.

Bafilipi 3:3

Kali rhwe bakembûle b’okunali, rhwe rhushenga Nnâmahanga muli Mûka gwâge Mutagatîfu, n’obukuze bwîrhu muli Yezu Kristu rhubulongeza, ci rhurhacîkubagira mubiri.

Bafilipi 3:8

Nêci, mbwîne oku ebintu byoshi biri muhona nkalola obunguke burhajira Lugero bw’okumanya Kristu Yezu, Nnâhamwîrhu. Ye warhumire nyêmêra okuheza byoshi, nankola nkabilola nka bikabulirwa, nti lyo nyunguka Kristu

1 Batesalonika 5:15

Mumanye hankajira owagalulira omuntu obubî oku bubî; ci ngasi mango mucihangâne okujirirana aminjà mwêne na nnene, mugajirire n’abantu boshi.

2 Tesalonika 2:13

Rhwêhe rhukwânîne okukâvuga Nnâmahanga omunkwa ngasi mango erhi mwe murhuma, bene wîrhu bazigirwa ba Nyakasane, bulyâla Nyamuzinda acîmmwishozire kurhenga aha murhondêro, mpu ammucize, ammujire batagatîfu n’obuhashe bwa Mûka Mutagatîfu, munayôrhe muyêmîre okuli.

1 Timoteyo 5:10

Kukwânîne abè amanyikîne oku bijiro byâge binjà, abè alezire kwinjà abâna bâge, abè ahandisize ebigolo n’okushuka abatagatîfu amagulu, abè arhabîre abâli omu malibuko, anabè ajizire aminjà ga ngasi lubero.

1 Timoteyo 6:19

Na ntyo bacîbikire omuhako mwinjà oku mango gayisha, lyo bayish’ibona akalamo k’okunali.

Bahabraniya 12:14

Mulonze okubà n’omurhûla n’abantu boshi, munalonze okubà bimâna, bulya buzira bwimâna ntâye wabone Nyakasane.

Bahabraniya 12:23

mwayegîre ecinyabuguma c’enfula ziyandisirwe omu mpingu; mwayegîre Nyamuzinda, mutwî w’emmanja z’abantu boshi, n’emyûka y’abashinganyanya bàhisire oku bwimâna;

Bahabraniya 13:21

yêne ammujire bantu nkana, lyo mukâjira obulonza bwâge omu minjà ga ngasi lubero; yêne ajire muli mwe ebimusimîsize, Yezu Kristu orhumire. Irenge libè lyâge emyâka n’emyâka! Amen!

Yakôbo 3:2

Bulya rhweshi rhweshi rhunahabuke kanji. Akabà hali orhafumwa omu binwa, oyo muntu erhi acîbêrire mulume mwimâna, owankahash’irhegeka omubiri gwâge gwoshi.

1 Petro 5:10

Na hano mubà mwamâlibuzibwa kasanzi katyunguli, Nyamuzinda w’enshôkano zoshi wammuhamagalaga okushangîra irenge lyâge ly’ensiku n’amango muli Kristu Yezu, yêne âmmuyumanyanya âmmukomeze, âmmuzibuhya anammujire ntadundagana.

2 Petro 3:18

Muyûshûke erhikwo omu nshôkano n’omu bumanye bwa Nnawîrhu n’Omucunguzi Yezu Kristu. Kuli ye irenge, buno na kuhika olusiku lw’emyâka n’emyâka! Amen!