Bafilipi 3:1 - BIBLIYA NTAGATIFU OMU MASHI

¹ Nêci, bene wîrhu, mucîshinge muli Nyakasane. Okushub’immuyandikira ebinarhanzir’immubwîra kurhantamya, na kuli mwe kugwêrhe akamalo.

Bafilipi 3:1 ပူးပေါင်းရင်းမြစ်များ

1 Nganîro 15:28

Bene-Israheli boshi balêrha omucîmba gw’Amalaganyo e Yeruzalemu omu cihôgêro c’amasîma, banabûha empembe n’emishekera, n’enzihwa n’emijegereza, ennanga n’enzenze.

1 Nganîro 16:10

Izîno lyâge ly’irenge, lyo imerero ly’obukuze bwinyu, bwo burhûlirize bw’emirhima y’abantu balongereza Nyakasane.

1 Nganîro 29:22

Olwo lusiku balya bananywêra e mbêre za Nyakasane omu bushagaluke bunene. Okubundi, Salomoni mugala wa Daudi erhi. bayûsimujira mwâmi wa kabirhi, bamushîga amavurha oku Izîno lya Nyakasane, na Sadoki mpu naye abè mudâhwa.

Nehemiya 8:10

Ezra anacibabwîra, mpu: «Mugendage muj’irya enyama zishushagîre, munywe n’amamvu garhali makali, munahêkerekwo n’olya orhagwêrhi ecihimbi, bulya olu lusiku luli lutagatîfu emwa Nyamuzinda Nnawîrhu, murhabâga burhè bulya obushagaluke bwa Nyamuzinda bwo bugale bwinyu».

Ayubu 22:26

Ali ebwa kubà obusîme bwâwe wamabulongereza emwa Ogala-byoshi, wanayînamula obusù bwâwe emunda Nyamuzinda ali.

Ennanga 149:2

Israheli ashagalukire Nnâmahanga Mulemi wâge, abâna b’e Siyoni bacîtakîrire omwâmi wâbo.

Ennanga 32:11

Mwe bashinganyanya musîme munacîzigirize muli Nyakasane; muzuruke mwe b’omurhima gushongwîre.

Ennanga 33:1

Mushaguluke muli Nyakasane, mwe bashinganyanya: ab’omurhima gushingânîne bakwânîne bamukuze.

Ennanga 37:4

Obè wacîzigiriza muli Nyakasane, wabona oku akushobôza engalo omurhima gwâwe gusengîre.

Ennanga 42:4

Emirenge lwo lukola lwîko lw’omûshi n’obudufu. Erhi bacimbwîra bwacà bwayira, mpu: «Ngahi Nyamuzinda wâwe aligi?»

Ennanga 5:11

Obamalîre, Yâgirwa Nyamuzinda ojire batulikanyè n’emihigo yâbo mibî; obakage, batumbaguze, abo banyankola-maligo, bulya bàkugomîre!

Ennanga 97:1

Nyakasane ayîmire: igulu lishagaluke birhwa binji bicîshinge.

Izaya 41:16

Wâyerûlarho, empûsi erhuyehûkane, ecihûsi carhushandabanya. Ci wêhe wacîshingira Nyakasane, wakuzibwa n’Omutagatîfu w’Israheli.

Izaya 61:10

Ndwîrhe nacîshinga muli Nyakasane, omurhima gwâni gwamârhwangûka muli Nyamuzinda wâni, bulya anyambisize emyenda y’obucire, ampundikira ecishûli c’obushinganyanya, nka kula omuhya-mulume ayambala ishungwè, na nka kula omuhya ajagalira emyambalo yâge.

Izaya 65:14

Alà oku abarhumisi bâni bâkaz’ibanda empundu z’omwîshingo n’obusîme omu murhima oku mw’oyo mwâbanda endûlù z’entanya omu murhima, na ntyo mulake munatwîke omurhima!

Yoweli 2:23

Ninyu, mwe bantu b’e Siyoni, shamambiri n’omwîshingo, musîme muli Nyakasane, bulya obushinganyanya bwâge burhumire, ammuhîre e­nkuba, aniesize enkuba mpangûka omu mango gâyo, nk’oku byànalî burhanzi.

Sofoniya 3:14

Ohebe ehibûli hy’obusîme, mwâli Siyoni! Israheli, heha ecihôgêro c’obushagaluke! Oshagaluke, obande empûndu n’omurhima gwoshi, we mwâna-nyere w’e Yeruzalemu!

Sofoniya 3:17

Nyakasane Nyamuzinda wâwe ali haguma nâwe: ali murhabâzi muhimanyi! Ashagalusire n’omwîshingo we rhumire, obuzigire bwâge bukuhîre akalamo kahyâhya, adwîrhe abanda empûndu we rhumire.

Zakariya 10:7

Abantu b’omu Efrayimu bâcîyêrekana bazibu nka barhabâzi, ba nsha­gali nk’abanywîre oku mamvu. Abâna bâbo bayish’ikâlola n’amasù g’obusîme, n’omurhima gwâbo guyunjule mwishingo erhi Nyakasane orhumire.

Mateyo 5:12

Musîme munacîshinge, bulya oluhembo lwinyu lwâyish’ibà lunene omu mpingu. Nabo abalêbi bali bammushokolîre, ntyo kwo balibusire.

Luka 1:47

n’omûka gwâni gucishinzire bwenêne muli Nnâmahanga, Muyôkozi wâni,

Barom 5:11

Arhanali kwône okwo; ci rhudwîrhe rhwacîsima muli Nnâmahanga erhi Nnawîrhu Yezu orhuma, ye warhushobôzagya okuyinjibana na Nyamuzinda.

2 Bakorinti 13:11

Ntyo, bene wîrhu, mushagaluke, mucîsêze okubà bimâna, muhânane omurhima, muyumvanye, mubè n’omurhûla, na Nyamuzinda w’omurhûla abà ninyu.

Befezi 6:10

Cabuzinda-zinda, musimike muli Nyakasane n’omu buhashe bw’emisî yâge.

Lushika 12:18

Ci kwône wanabirîra omu masù ga Nyamubâho, Nyamuzinda wâwe, halya hantu Nyamubâho, Nyamuzinda wâwe acîshogaga honênè, woyo, mugala wâwe na mwâli wâwe, mwambali wâwe na mwambalikazi wâwe n’omuleviti oli aha mwâwe, wanalya osîme, omu masù ga Nyamubâho, Nyamuzinda wâwe, ocîshingire ebinja byarhenga omu maboko gâwe.

Lushika 16:11

Ocîsîmîse omu masù ga Nyamubâho, Nyamuzinda wâwe halya hantu Nyamubâho, Nyamuzinda wâwe àcîshozire mpu yo ndâro y’izîno lyâge, ho wâcîsimikiza mwe na mugala wâwe na mwâli wâwe, mwambali wâwe na mwambalikazi wâwe, omuleviti ôli omu lugo lwâwe, kuguma n’ecigolo, enfunzi n’omukana, oku banali ekarhî kâwe.

Bafilipi 3:3

Kali rhwe bakembûle b’okunali, rhwe rhushenga Nnâmahanga muli Mûka gwâge Mutagatîfu, n’obukuze bwîrhu muli Yezu Kristu rhubulongeza, ci rhurhacîkubagira mubiri.

Bafilipi 4:4

Mucîshinge muli Nyakasane ngasi mango. Nshubir’immubwîrakwo: mucîshinge.

Bafilipi 4:8

Ceci, bene wîrhu, ngasi biri by’okuli, ngasi biri nkana, ngasi bishingânîne, ngasi bicîre, ngasi bikwânîne okuzigirwa n’okukengwa, ngasi nkômedu nyinjà na ngasi kantu kakwânîne okukuzibwa, ebyôla byo mushîbirirage.

1 Batesalonika 4:1

Nêci bene wîrhu, rhummuhûnyire rhunammuyinginzire muli Nyakasane Yezu nti mushimbe erya njira rhwammuyigîrizaya, erya njira emmuyêreka kurhi mukwânîne okuyôrha lyo musimîsa Nnâmahanga. Câbà kwo munakola muyôsire ntyo. Muhirage njira, mujè embere.

1 Batesalonika 5:16

Mukâyôrha mushagalusire ensiku zoshi.

Yakôbo 1:2

Omu marhangulo ga ngasi lubero gammuyishira, mukacîshinga, bene wîrhu,

1 Petro 3:8

Buzinda mweshi mweshi mulungane, mukaz’ifà abinyu olukogo, muzigirane nka bâna ba nda nguma, mubè ba bwonjo na bîrhôhye.

1 Petro 4:13

Ci erhi mwankashangîra amababale ga Kristu, mucîshinge, lyo muyish’iyumva amasîma n’omwîshingo olusiku acîyêrekana omu irenge lyâge.

2 Petro 3:1

Bîra bâni, aga maruba gakola maruba ga kabiri mmurhumira. Muli gombi oku ganali mmukengêzize nti muzûse omurhima nkana gummulimwo.

1 Samweli 2:1

Go mango Ana aderhaga ogu musengero: «Omurhima gwâni gukuzize Nyakasane namanakubûla obuhashe bwâni erhi Nyakasane orhuma. Lêro nâni namabumbûla akanwa embere z’abashombanyi bâni, bulya nsîmire okubà wamanyôkola