Bafilipi 2:3 - BIBLIYA NTAGATIFU OMU MASHI

³ Ntâco mujirage n’omurhima gw’okucîberûlamwo mirhwe ibiri erhi gw’okucîyêrekana oku murhali; ci ngasi muguma akagerêreza n’obwîrhôhye oku abâbo bamulushire.

Bafilipi 2:3 ပူးပေါင်းရင်းမြစ်များ

Migani 13:10

Akagayo, nnôngwe katula; aha bakengana ho oburhimanya bushundwa.

Luka 18:14

“Mmubwîzire oku oyu ashubîre emwâge ali mwêru-kwêru, owâbo nanga. Bulya ngasi ocîkuza arhôhibwa, n’ocirhôhya akuzibwa”».

Barom 12:10

Muzigirane nk’abalondana; ngasi muguma akakenga abâbo nk’abamukulîre.

Barom 13:13

Rhucîkenge omu lugendo lwîrhu nk’oku kukwânîne okujira izûba lyabasha. Rhuleke obudambî n’e­ndalwè; ntà kuhusha na ntà kujira eby’obumaguza; ntà nnongwè na ntà bumvu;

Barom 2:8

nabo abagoma, balya barhakenga okuli, balya banywâna n’obubî, bâbone obukali n’obukunizi.

1 Bakorinti 15:9

Nêci, nie munyi omu ntumwa zoshi, ciru ntakwânîni izîno ly’entumwa, bulya nalibuzize Ekleziya ya Nyamuzinda.

1 Bakorinti 3:3

kulya kubà mucicîkubagira eby’omubiri. Oku haciri obwâgalwa n’akadali ekarhî kinyu, k’erhi murhaciri bantu bacîkubagira eby’omubiri obwo, k’erhi n’olugendo lwinyu lurhali nka lwa bantu kwône obwo?

2 Bakorinti 12:20

Bulya nyôbohire nti nkaba hano nyisha, arhali oku nnonzize mubè kwo nashanga muyôsire; nti ninyu mwakanashanga nyôsire oku murhalonzizi mbè; nti nakanashanga mulimwo ennongwè, obwâgalwa, omungo, orhudali, okuderherana kubî, okuhûranana, obucîbone n’akavuli­ndi.

Bagalasiya 5:15

Ci akabà munakashoshôbana n’okulyâna mwêne na nnene, mumanye mwahezanya!

Bagalasiya 5:26

Rhurhakâg’icîlongeza obukuze burhali bwo; rhuleke okukahalalirana n’okuyâgalwa n’abirhu.

Befezi 4:2

Mubè bîrhôhye na batûdu, munalemberane; muyumvanye omu buzigire,

Befezi 5:21

Mukaz’ikengana mwêne na nnene erhi kurhînya Kristu kurhuma.

Bafilipi 2:14

Muli byoshi mukole buzira kucîduduma na buzira kurhindira,

Bakolosi 3:12

Nka kulya binakwânîne abîshogwa ba Nnâmahanga, n’abatagatîfu n’abarhonyi bâge, mucihundikire omurhima gw’olukogo, n’obwonjo, n’obwîrhôhye, n’obutûdu, n’okulembera amalibuko.

Bakolosi 3:8

Ci kwônene lêro bunôla ebyo byoshi mubijugucirage ninyu: obukunizi, ennongwè, obulyâlya, ebijâci n’enshambâlo mbî, birhahîra bikaciyumvikana omu kanwa kinyu.

1 Timoteyo 6:4

oyo muntu erhi guli muhûrha gw’obucîbone, erhi cingolo­ngolo, erhi mulwâla wajà walonza ebya bushabusha n’orhudali rhw’ebinwa. N’ebyôla byo bilêrha obwâgalwa, akavulindi, ebijâci, okucîkebwa abandi busha,

1 Petro 3:8

Buzinda mweshi mweshi mulungane, mukaz’ifà abinyu olukogo, muzigirane nka bâna ba nda nguma, mubè ba bwonjo na bîrhôhye.

1 Petro 5:5

Ninyu mwe misole, mukâyumva abagula. Mweshi muhwinje omwambalo gw’obwîrhôhye omu kuyôrha n’abinyu; bulya abacîbonyi Nyamuzinda kucîka abacîka ci abîrhôhye bo ashobôza engalo yâge.