Bacîranuzi 8:34 - BIBLIYA NTAGATIFU OMU MASHI

³⁴ Bene Israheli banaciyibagira Nyakasane, Nyamuzinda wâbo, owabalikûzagya oku bashombanyi bâbo boshi bâli babazongolosire.

Bacîranuzi 8:34 ပူးပေါင်းရင်းမြစ်များ

Ennanga 106:18

Omuliro gwanacipamuka muli eyo ngabo, gwasingônola abagoma boshi.

Ennanga 106:21

Bayibagira Nnâmahanga wabacizagya, Nnâmahanga owabajiriraga ebisômerîne e Mîsiri!

Ennanga 78:11

Bayibagira ebinja àli àbajirire, n’ebijiro by’okurhangâza àli àbayeresire.

Ennanga 78:42

Barhanaderhaga mpu bakengêre kulya kuboko kwâge, nîsi erhi lulya lusiku abashugulaga omu nfune z’omubisha.

Muhanûzi 12:1

Onakazikengêra omulemi wâwe ensiku ociri murhò, oku ensiku mbî zirhaciyisha, n’oku erhaciyisha erya myâka wayishiderha erhi «ntayirikwo eyo».

Yeremiya 2:32

K’ensûli enayibagire amagerha? Nîsi erhi omunyere washebwa ayibagire omukaba gwâge? Olubaga lwâni lwôhe lwanyibagîre, ensiku zirhakaciganjwa.

Yeremiya 23:27

Nkabaga izîno lyâni balonzize okuyîbagiza oluba­ga lwâni n’ebilôrho byâbo, ngasi muguma ajà abwîra owâbo, nka kulyâla b’îshe bayîbagiraga izîno lyâni erhi Baali orhuma.

Hozeya 2:15

Nâmuhana oku nsiku za Baali, ezi akagimurherekêramwo, àkola ayambîrhe engolo n’amagerha. Niehe anyibagira! Kanwa ka Nyamuzinda.

Lushika 4:9

Ci kwône omanyage wakayibagira ebi binjà amasù gâwe gabwîne omanyage harhajiraga ciru n’olusiku luguma lw’akalamo kâwe waleka ebyo binjà byakurhenga oku murhima, ci kwône obiyigirize bagala bâwe n’abinjikulu bâwe erhikwo.

Bacîranuzi 3:7

Bene Israheli banacikulikiza okukazijira ebiri bigalugalu omu masù ga Nyakasane, bayibagira Nyakasane, Nyamuzinda wâbo, bakazikolera abazimu, ba Bali na ba Ashera.