Bacîranuzi 7:19 - BIBLIYA NTAGATIFU OMU MASHI

¹⁹ Gedeoni n’abantu igana bâli naye banacihika oku cihango, gala mango basinsimuka aha karhî k’obudufu, nka gala mango banagombôla abalâlîzi; babûha emishekera, banacibêra na rhulya rhubindi bali bafumbasire.

Bacîranuzi 7:19 ပူးပေါင်းရင်းမြစ်များ

Ennanga 2:9

«Wabamalîra n’engôrho yâwe», «onabavungunyule nka mubumbi wabera enyungu.»

Ennanga 90:4

Omu masù gâwe myâka cihumbi kw’eri ak’omulegerege gw’injo gwo gwagezire, kwo enali nka cihimbi ca budufu.

Lubungo 14:24

Lêro sêzisêzi lukula arhanda, Nyakasane alolera engabo y’ab’e Mîsiri mulya cilundo c’omuliro n’ec’omugî àlimwo, àhira akavulindi omu murhwe gw’Abanya-Mîsiri.

Mateyo 25:6

Aha karhî k’obudufu bayumva olubî embuga, mpu: «Omuhya-mulume oyo oyiruka! huluki mushigânane!»

1 Batesalonika 5:2

Ninyu mwêne mukumanyire bwinjà: Olusiku lwa Nyakasane kwo luyisha nka cishambo c’omu budufu.

Mafulûlo 16:15

Alà oku kwo nyisha nka cishamb! Iragi lyâge oyôrha ali masù n’olanga emyambalo yâge, alek’ijà ashunga, acîbonese nshonyi!

Bacîranuzi 7:16

Balya bantu b’amagana asharhu abagabamwo bikembe bisharhu, anabahà boshi emishekera n’orhubindi rhw’omukungula, n’ebimole babîhira omu rhubindi.

Bacîranuzi 7:18

Hano mbuha omushekera n’abarhuli nabo, ninyu mwanabûha emishekera eburhambi bw’ecihando coshi, kandi mwanayama mpu: Lwa Nyakasane na Gedeoni!»

Bacîranuzi 7:20

Oku bundi birya bikembe oku binali bisharhu banacibûha emishekera, byabera n’orhubindi; ngasi muguma afumbarha eci­ mole câge omu kuboko kumosho, n’omushekera omu kuboko kulyo; oku badwîrhe babûha emishekera, banadwîrhe bayàma mpu: «Engôrho ya Nyakasane na Gedeoni?».