Bacîranuzi 6:2 - BIBLIYA NTAGATIFU OMU MASHI

² Okuboko kw’abà­ nya-Mediana kwafunyâza bwenêne bene Israheli. Okwo kulibuzibwa n’abà­ nya-Madiani kwarhuma bene Israheli bakazigendicîfulika omu ntondo, omu nyâla n’omu mahukulu.

Bacîranuzi 6:2 ပူးပေါင်းရင်းမြစ်များ

Ayubu 30:6

Bàkazâg’ihanda omu mânga z’embyà, omu nkunda erhi omu nyâla z’amabuye.

Yeremiya 41:9

Ecîna c’amîshi Ismaeli akwêbagamwo emirhumba y’abo bantu ayîrhaga boshi càli cîna cinênênè; Mwâmi Asa wacihumbîsagya erhi alwîsa Basha, mwâmi w’Israheli. Co Ismaeli, mugala wa Netanya, abumbire mirhumba.

Yeremiya 48:28

Rhengi omu bishagala, mujihanda omu nyâla, mwe bantu b’e Mowabu! Muyig’engûkù yo engendiyûbakira olwôgo lwâyo oku munwa gw’entuli.

Ben Levi 26:17

Nammuyâsa obusù bwâni, munakaz’ihimwa n’abashombanyi binyu n’abammushomba babà bo bakammurhegeka, mugal’ikaz’iyaka n’obwo ntâye omurhezire.

Bahabraniya 11:38

Igulu lirhàli libà­kwânîne. Bàkâg’ijà bazungulukazunguluka omu mpinga n’omu ntondo, omu nkunda n’omu nyâla z’idaho.

Mafulûlo 6:15

Nabo abâmi b’igulu n’abaluzi, abarhambo b’abasirika n’abagale n’abagwêrhe buhashe, boshi boshi oku banali, abajà na bantagengwa, bacîfulika omu nkunda n’omu mabuye g’entondo,

Bacîranuzi 10:8

Nabo balibuza, barhindibuza bene Israheli ogwo mwâka, yalinda ebà myâka ikumi na munâni erhi na kurhindibuka barhindibuka bene Israheli bayûbakaga omu cihugo c’abanya-Moreni omu Galadi.

Bacîranuzi 10:9

Abo bene Amoni banaciyikira Yordani, bâge­ndilwîsa bene Yûda, bene Benyamini na bene Efrayimu. Israheli abengera bwenêne.

Bacîranuzi 6:3

Erhi Israheli abâga amarhwêra emburho zâge, Abanya-Madiani banayisha n’Abanya-Maleki, n’engabo y’e buzûka-zûba, banayisha balimukozakwo entambala.

1 Samweli 13:6

Erhi abantu b’Israheli babona oku ntaho bacîfunyûkira bulya bali erhi bagosirwe enyunda zoshi, barhondêra okucîfulika baguma omu nyâla, abandi omu malumba, abandi omu mabuye, abandi omu nyenga n’abandi omu mîna y’okulega amîshi, abandi omu mahwa.

1 Samweli 14:11

Oku banali babirhi bacîyêreka lulya lugerêro lw’Abafilistini, nabo Abafilistini erhi bababona baderha mpu: «Langiri Abayahudi bahuluka omu mîna bali bacîfulisire».