Bacîranuzi 3:4 - BIBLIYA NTAGATIFU OMU MASHI

⁴ Agôla mashanja, Nyakasane agaleka mpu akomezemwo bene Israheli, lyo amanya erhi Abacîranuzi bakazishimha galya marhegeko ahâga b’îshe wâbo omu mango ga Mûsa.

Bacîranuzi 3:4 ပူးပေါင်းရင်းမြစ်များ

Lubungo 15:25

Mûsa anacilakira Nyakasane, naye Nyakasane àmuyêreka murhi muguma. Akweba ecihimbi cagwo omu mîshi, n’amîshi gàshuba minjà. Aho ho àbahêraga amarhegeko n’engeso bakaz’isimba. Aho ho àbarhanguliraga.

1 Bakorinti 11:19

Nêci, kukwânîne habè empiriri muli mwe, lyo abantu b’enkômedu zikomîre bamanyikana.

Lushika 33:8

Kuli Levi, aderha, erhi: Ohè Levi e «Urimu» zâwe, n’e «Tumimu» zâwe, ozihe olya muntu wababaliraga, wamanamurhangula aha Masa, erhi wamarhangimujîsa kadali aha burhambi bw’amîshi ga Meriba.

Lushika 8:2

Okazikengera zirya njira zoshi Nyamubâho, Nyamuzinda wâwe akugezagyamwo omu irungu myâka makumi anni, mpu lyo akujira mwîrhohye, akurhangule anamanye eciri omu ndubi y’omurhima gwâwe: mpu alole erhi walanga erhi orhalange amarhegeko gâge.

Bacîranuzi 2:22

“Ntyo Israheli amagala gamulya erhi bo bàrhuma: Ka lêro akolaga alanga enjira za Nyamubâho n’okuzishimba nk’oku ababusi bâbo bazilangaga, nîsi erhi nanga?”»

Bacîranuzi 3:1

Alaga amashanja Nyakasane alekaga ekarhî ka bene Israheli mpu akomezemwo bene Israheli, baligi balya boshi barhayishigi kurhi balwa ebwa kubà barhajaga oku matabâro kuli banya-Kanâni.