Bacîranuzi 3:20 - BIBLIYA NTAGATIFU OMU MASHI

²⁰ Ehudi anaciyegera hôfi naye, halya bâli babwârhîre omu nyumpa yâge y’enyanya mwo bakazâginywera empolwe, yo yanali nyumpa yâge yênene. Ehudi anaciderha erhi: «Yâgirwa ngwêrhe akanwa ka Nyamuzinda kuli we». Mwâmi anaciyimuka oku ntebe yâge.

Bacîranuzi 3:20 ပူးပေါင်းရင်းမြစ်များ

2 Samweli 24:12

«Okanye ogend’ibwîra Daudi oku kwo Nyakasane adesire ntya: Nahira embere zâwe bintu bisharhu, wênene ocîshoge ciguma muli byo nankujirireco.»

Nehemiya 8:5

Ezra anacibungûla ecitabu e mbêre z’olubaga lwoshi, bulya ali enyanya ly’olubaga lwoshi, n’erhi abà amabungûla ecitabu, olubaga lwoshi lwayimanga.

Ennanga 29:1

Lulanga. Lwa Daudi. Mukazirhûla Nyakasane, bene Lungwè we, Mukazirhûla Nyakasane irenge n’obukulu.

Yeremiya 10:7

Ndi orhankakurhînya, mwâmi w’amashanja? Nêci, oli wa kurhînywa! Bulyâla omu bagula b’amashanja boshi, n’omu mâmi gâbo goshi, ntâye bakakugererakwo.

Yeremiya 36:22

Mwâmi erhi ali omu nyumpa yâge y’amango g’emboho, gwàli mwêzi gwa cambasè, n’omuliro gw’amakala erhi gukolîre embere zâge.

Amosi 3:15

“Nâshâba enyumpa z’empondo n’ez’ecanda; enyumpa z’amahembe g’e­njavu zahôngoka, na nyumpa nyinji ziherêrekere, kwo Nyakasane adesire”».

Mikeyo 6:9

Izù lya Nyakasane lidwîrhe lyayâkûza omu cishagala: Yumvagi mwe bûko bwa Yûda, ninyu mwe ndêko y’abagula b’ecishagala!

Mibalè 23:18

Kandi Balâmu anaciderha ebi binwa, erhi: «Yimuka Balaka, onayumve, ntega okurhwiri, mwene Sipori».

Bacîranuzi 3:19

Naye yêne ashubira ebwa nshanga zàli aha Gilgala, anacibwîra mwâmi erhi: «Yâgirwa mwâmi ngwêrhe omwanzi gw’ihwe nakubwîra». Mwâmi anaciderha erhi: «Nkumîre!» Abâli boshi naye bahuluka.

Bacîranuzi 3:21

Okubundi obwo, Ehudi anacizonza okuboko kwâge kumosho, ayômola erya ngôrho yali okw’ihiji lyâge liryo, anacimufunda yo omu nda.