Bacîranuzi 3:15 - BIBLIYA NTAGATIFU OMU MASHI

¹⁵ Bene Israheli banacilakira emunda Nyakasane ali, naye Nyakasane anacizûsa muli bo omuyôkozi, ye Ehudi, mugala wa Gera, wa muli bene Benyamini, àli wa kuboko kulyo kuhozire. Bene Israheli banacimurhuma mpu ahêke oluhembo emwa Egloni, mwâmi w’e Mowabu.

Bacîranuzi 3:15 ပူးပေါင်းရင်းမြစ်များ

2 Samweli 20:10

Amasa arhacîkebagwa cici kuli erya ngôrho yali omu kuboko kwa Yowabu. Yowabu amubwabwârhula nayo enda, obulà bwasheshukira oku idaho, arhacicîrhamagya mpu ankamufunda yo bwa kabirhi: Amasa afà obwo. Yowabu bône omulumuna Abishayi banacihuma enjira yâbo bashimbire Sheba mwene Bikiri.

2 Samweli 20:9

Yowabu anacibwîra Amasa erhi: «K’odendêzize mwene wîrhu?» Okuboko kulyo kwa Yowabu kwanacirhuluba obwânwa bwa Amasa, nka kumuhôbera.

1 Nganîro 12:2

bâli bacîbambizize emiherho n’amatumu, bâli bamanyire okubanda amabuye erhi kulasha ebisonga n’amaboko gombi, okulembe n’oku lyo. Alaga abàrhengaga omu bûko bwa Benyamini, bwo bwanali bûko bwa Saulu yêne:

1 Nganîro 8:3

Bela aburha abagala naye, bo: Adari, Gera, îshe wa Ehudi,

1 Nganîro 8:5

Gera, Shefufanu na Huramu.

2 Nganîro 9:24

na ngasi muguma akazâg’iyisha adwîrhe ebirugu byâge by’oluhembo, ebirugu by’amarhale, eby’amasholo, emyambalo, emirasano, amakù, enfarasi n’endogomi, ntyo ngasi mwâka.

Ennanga 50:15

N’olusiku wânabe ogwêrhwe n’omutula onanyâkûze, wâbona oku nakulîkûza onankenge.»

Ennanga 78:34

Oku adwîrhe abanigûza bamulongereza, banakaz’igaluka bal’ilonza Nyamuzinda,

Ennanga 90:15

Orhuhè enshagadu y’ensiku rhwalibwîre, n’ey’emyâka rhwarhindibwîre.

Migani 18:16

Nyalulêrha ntà lûmvi arhigula, anahike ciru n’omu masù g’abakulu.

Migani 19:6

Omuntu ohâna, banji bamusengera, ohâna boshi bamurhonya.

Migani 21:14

Ebihânwa bushâla-shâla binarhûze oburhè, n’ebihânwa bufunda-funda binarhûze obukali.

Izaya 36:16

“Murhayumvagya Hizkiyahu, bulya kwo adesire ntyâla omwâmi w’e Asîriya: Mukome obwîra nâni, munacîlerhe mwene emunda ndi, lyo ngasi muguma muli mwe ahash’ilya oku muzâbîbu gwâge na lyo ngasi muguma muli mwe ahash’ilya oku mulehe gwâge, lyo ngasi muntu ahash’inywa oku mîshi g’omu iriba lyâge”

Yeremiya 33:3

Onshenge, nakushobôza: nakumanyîsa amahwe manene orhashubigiyumva.

Bacîranuzi 2:16

Ci kwônene muli ago mango, Nyakasane akazizûsa ekarhî kâbo abacîranuzi bakazâgibalanga kuli balya bakazâgiyishibahagula.

Bacîranuzi 20:16

Muli olwo lubaga mwâli bantu magana gali nda, zàli ntwâli zirhayishigihuma n’okuboko kulyo; bankabanzire n’engondôzo yâbo, barhege omuntu oluviri lumuli okw’irhwe buzira kuluhusha.

Bacîranuzi 3:14

Bene Israheli barhumikira Egloni myâka ikumi na munâni, ye wali mwâmi w’e Mowabu.

Bacîranuzi 3:16

Ehudi anacitulîsa engôrho ya moji abirhi, ya buli bw’ikoro liguma, anaciyiyambalira idako ly’e myambalo yâge, oku ihiji ly’ekulyo.

Bacîranuzi 3:9

Bene Israheli banacilakira Nyakasane, naye Nyakasane anacizûsa muli abo bene Israheli omuyôkozi wabayôkola: ye Otnieli, mugala wa Kenazi, mulumu­na wa Kalebu.

Bacîranuzi 4:3

Bene Israheli banacilakira Nyakasane, ebwa kubà oyo Yabini àli agwêrhe ngâlè magana gali mwenda ga cûma; ali amageza myâka makumi abirhi adwîrhe alibuza bwenêne bene Israheli. Debora

1 Samweli 10:27

Ci kwônene abâli babî, bene Beliali (Shetani mumînya) bakacîduduma, mpu: «Kurhi oyûla ayishirhuyôkola?» Bamugayaguza bwenêne, ciru barhaderhaga mpu bankamurhûla kantu kalebe. Ci yêhe acîhulikirira.