Bacîranuzi 21:21 - BIBLIYA NTAGATIFU OMU MASHI

²¹ “Mukazihengûza, na bano abanyere b’e Silo bayisha balisâma omungondo, mwanapamuka mulya mizâbîbu, mwanabakula ngasi muguma owâge mukazi muli abo banyere b’e Silo, mwanacîshubirira omu cihugo ca bene Benyamini”.

Bacîranuzi 21:21 ပူးပေါင်းရင်းမြစ်များ

2 Samweli 6:14

Daudi ayisha asâma n’emisî yâge yoshi, anali ayambîrhe omwirhêro gw’enondwè.

2 Samweli 6:21

Daudi anacishuza Mikala, erhi: «Nasâmiraga embere za Nyamubâho, okuli oku izîno lya Nyamubâho ozîne, owantonyagya kulusha sho, na kulusha enyumpa ya sho, kuhika anyîmika mwâmi w’Israheli lwo lubaga lwa Nyamubâho, nakayôrha nasâmira embere za Nyamubâho.

Ennanga 149:3

Bakuze banasâmire izîno lyâge, bamuzihire ennanga banamurhimbire engoma.

Ennanga 150:4

Kuzagi ye n’amasâmo n’engoma, Kuzagi ye n’olunyege n’orhurhêra.

Lubungo 15:20

Omulêbi-kazi Miriyamu, mwâli wâbo Aroni, anacirhôla engoma; abakazi boshi banacirhôla ezindi ngoma, bàmuyisha omu nyuma, bàjà bayimba banasâma.

Muhanûzi 3:4

Habà amango g’okulaka, n’amango g’okusheka; n’amango g’endûlù n’aga okusâma.

Yeremiya 31:13

“Obwôla, abâna-nyere banajà oku cigamba, na boshi haguma, emisole n’abashosi; na ntyo, nâyishihôrhola emirenge yâbo, mpebeho e­nshagali. Nâyishibarhûliriza, enyuma ly’amalibuko gabè masheka”.

Mateyo 10:17

Mumanye abantu: bâmmuhâne omu lubanja, bânammushûrhire omu sinagogi zâbo.

Luka 17:25

“Kwônene burhanzi kukânîne ababale kunene n’okulahirwa n’eri iburha”.

Bacîranuzi 11:34

Enyuma z’aho, Yefutè ayishaga akola ashubûka ajà emwâge aha Mispa, alà oku omwâli ye murhangiriza apamuka omu nyumpa ayisha alimuyankirira, anarhimba n’engoma anasâma. Oyo mwânanyere ali mwâna wâge wa cûsha, kuleka ye arhahiragaho wundi mwâna oli wa murhabana oli wa munyere.

Bacîranuzi 21:20

Okubundi banacihà bene Benyamini eri irhegeko, mpu: «Mukanye mugendicifulika omu mizâbîbu.

1 Samweli 18:6

Erhi engabo zija omu lugo, galya mango Daudi arhengaga oku matabâro, erya munda ayîrhaga Omufilistini, abakazi bashagamuka omu bishagala byoshi bya Israheli, bayisha bayimba banasâma, bahika emunda Mwâmi Saulu ali erhi banashagalusire, bayisha barhimba engoma bazihà n’ennanga.