Bacîranuzi 20:48 - BIBLIYA NTAGATIFU OMU MASHI

⁴⁸ Bene Israheli bashubira emwa bene Benyamini; ecihugo coshi bacigeza oku bwôji bw’engôrho, kurhenga oku ngo ngumagumà, kuhika oku bishwêkwa byàli masô manji, na kuhika oku ngasi ehi banabwîne hyoshi. Bayôca ngasi lugo banashimanyire.

Bacîranuzi 20:48 ပူးပေါင်းရင်းမြစ်များ

2 Nganîro 25:13

Ci kwônene balya bantu b’omurhwe Amaziyahu agalulaga mpu barhajà oku matabâro boshi naye, bacîyôha omu ngo za Yûda, kurhenga e Samâriya kujà e Betoroni, bayîrha yo bantu bihumbi bisharhu, banakûlayo munyago munji.

Migani 18:19

Omuntu orhabirwe na mwene wâbo, kw’ali nka lugo luyûbake buzibu, n’abîra kwo bali nka kahamikizo kazibu-zibu.

Bacîranuzi 20:47

Bantu magana gali ndarhu gônene bahindwîre omugongo, bayâkira omw’irungu, ebw’ibuye lya Rimoni; banacibêra eyo munda ebw’ibuye lya Rimoni, myêzi ini.

Bacîranuzi 21:1

Bene Israheli bâli erhi bahigîre aha Mispa, mpu: «Ntâye ciru n’omuguma wahâna mwâli wâge emwa bene Benyamini».

Bacîranuzi 21:23

Bene Benyamini banacijiraga ntya: bakazibakula ngasi muguma owâge munyere muli balya banyere balisâma. Bababakula, banabagendana omu cihugo câbo, bashubiyûbaka engo, banazibêramwo.