Bacîranuzi 20:15 - BIBLIYA NTAGATIFU OMU MASHI

¹⁵ Abo bene Benyamini barhengaga omu ngo, baganjwa, muli olwo lusiku, bahika omu bantu bihumbi ikumi na ndarhu, boshi bahuma engôrho, buzira kuganja abantu b’omu Gibeya abàli bahisire omu bantu magana gali nda ga ntwâli.

Bacîranuzi 20:15 ပူးပေါင်းရင်းမြစ်များ

Mibalè 1:36

Bene Benyamini oku balondana n’oku emilala yâbo ekulikirana, omu kushimba enyumpa za bashakulûza bâbo, omu kuganja amazîno n’irhwe lya ngasi muguma, kurhenga oku muntu wa myâka makumi abirhi kuhêka enyanya, ngasi balume bankanahêkaga emirasano.

Mibalè 1:37

Abaganjirwe omu bûko bwa Benyamini, bahika omu bantu bihumbi makumi asharhu na birhanu na magana anni.

Mibalè 2:23

Omurhwe gwâge nk’oku omubalè gwâbo gunali: bantu bihumbi makumi asharhu na birhanu na magana anni.

Mibalè 26:41

Abo bo bene Benyamini nk’oku emilala yâbo enali, n’abajirîrwe omubalè muli bo bali bihumbi makumi anni na birhanu na magana galindarhu.

Bacîranuzi 20:14

Bene Benyamini banacirhenga omu ngo zâbo, babugânana aha Gibeya, mpu bagendilwîsa bene Israheli. Ci bene Benyamini balahira okuyumva baci bâbo bene Israheli.

Bacîranuzi 20:22

Abo bantu, bo baligi bene Israheli, bashubihira omurhima haguma, bashubitwa ecigamba, halya banali olusiku lurhanzi.

Bacîranuzi 20:25

Olwo lusiku lwa kabirhi, Benyamini na Israheli aha Gibeya, akola ajibalwîsa, ashubilambika okw’idaho bantu bihumbi ikumi na munâni, bantu ba muli bene Israheli, boshi balwî ba ngôrho.

Bacîranuzi 20:35

Nyakasane ahunya Benyamini embere za bene Israheli, bene Israheli banaciyîrha muli olwo lusiku, omu bene Benyamini bantu bihumbi makumi abirhi na birhanu na bantu igana, boshi bantu bahuma engôrho.