Bacîranuzi 19:5 - BIBLIYA NTAGATIFU OMU MASHI

⁵ Oku lusiku lwa kani banacizûka mucêracêra, olya Muleviti erhi akola acîrheganyize okugenda. Ci kwônene îshe wa nyamukazi anacibwîra omukwi, erhi: «Orhangizibuhya omurhima gwâwe n’ecihimbi c’omugati, mubuligenda».

Bacîranuzi 19:5 ပူးပေါင်းရင်းမြစ်များ

Murhondêro 18:5

Naj’ilonza ecihimbi c’omugati murhûzemwo omurhima mubul’igenda, e kuli mwaja co canarhumaga mugera aha mwa mwambali winyu eco!». Banacishuza mpu: «Ojirage nk’okwo odesire».

1 Bâm 13:7

Mwâmi anacibwîra olya muntu wa Nyamuzinda, erhi: «Kanya ojè omu nyumpa rhwembi ogalule amarhî omu kulya hitya, ngali kuhà oluhembo».

Ennanga 104:15

We rhuma idaho lyarhengamwo omugati lirhengemwo n’irivayi lyahiramwo omuntu orukara, lirhengemwo orhuvurha omuntu acêsamw’obusù, lirhengemwo n’ehigati omuntu agalulamwo amarhî.

Yowane 4:34

Yezu ababwîra, erhi: «Ebiryo byâni kuli kujira obulonza bw’owa­ntumaga n’okuyûkiriza omukolo gwâge.

Ebijiro 9:19

Okubundi alya, ayumva amâshub’izibuha. Abêra nsiku nyi haguma n’abaganda b’e Damasi.

Bacîranuzi 19:4

Ishazâla ye oligi îshe wa nyamukazi, asêza olya mulume mpu abêre aha mwâge, abêraho nsiku isharhu, bakazilya, banakazinywa, babêra aho.

Bacîranuzi 19:8

Oku lusiku lwa karhanu azûkiriza sêzi sêzi mpu akola agenda. Lêro îshe wa nyamukazi anacimubwîra, erhi: «Rhûza omurhima gwâwe, nkuhûnyire ntyo». Kandi balinda kuhika bijingo. Banacirya bombi.

1 Samweli 30:12

Banacimuhà oluhande lw’omugati gw’emitini n’amangaka mûmu. Erhi abà amalya, ashaluka, obukengêre bwâge bwagaluka bulya amâyûsa miregerege isharhu na madufu asharhu arhalya arhananywa.