Bacîranuzi 18:5 - BIBLIYA NTAGATIFU OMU MASHI

⁵ Banacimubwîra, mpu: «Okanyagye ogendirhudôkeza Nyamuzinda rhumanye erhi aga mabalamo gîrhu garhukwânana».

Bacîranuzi 18:5 ပူးပေါင်းရင်းမြစ်များ

1 Bâm 22:5

Yozafati anacibwîra omwâmi w’Israheli erhi: «Nkuhûnyire orhag’igend’idôsa buno akanwa ka Nyakasane».

2 Bâm 16:15

Mwâmi ashubirhegeka omudâhwa Uriya erhi: «Okayôkera kuli olu luhêrero enterekêro y’e sêzi na ey’ebijingo, enterekêro y’okuyôcibwa y’emwa mwâmi, na ey’omukò, enterekêro y’okuyôcibwa y’olubaga n’eyindi yalwo y’omukò, okashahulizakwo n’omukò n’ezindi nterekêro zoshi. Olwo luhêrero lw’amarhale, niene nacimanya oku nalujira».

Izaya 30:1

Buhanya bwâbo abâna bagomi! Nyakasane okudesire. Banakarhôla emihigo erhali yâni n’okujira ebiragâne ntababwîraga, na ntyo balundike obubî oku bundi.

Ezekiyeli 21:21

Yêrekana oku oyôjehire e kulyo n’ekumosho ngasi hali ntambala.

Hozeya 4:12

Olubaga lwâni lunagendilaguza emw’enshushano y’omurhi. Cihimbi ca karhi cilufulûlira emyanzi, bulya omurhima gw’obubaraga gwabahabwîre, balesire Nyamuzinda wâbo bashimba obubaraga.

Ebijiro 8:10

Boshi, abarho n’abakulu, ye bakâg’ihirakwo omurhima. Bakâg’iderha, mpu: «Oyu muntu bwo buhashe bwa Nyamuzinda, bulya baderha bukulu»,

Bacîranuzi 17:13

Mika anaciderha, erhi: «Nkolaga manyire oku Nyakasane anjirira aminjà ebwa kubà namâbona oyu Muleviti nka mudâhwa».

Bacîranuzi 17:5

Ci oyo Mikayehu akazâgilonza okubà n’aka-Nyamuzinda; anacijira efodi n’eterafi, na mugala wâge muguma amubumba enfune mavurha mpu abè ye mudâhwa wâge.

Bacîranuzi 18:14

Balya bantu barhanu bâli barhumirwe buyenzi omu cihugo ca Layishi barhôla akanwa, babwîra bene wâbo, mpu: «Ka mwankamanya oku muli ezi nyumpa muli efodi, eteran n’ensalamu y’ecûma? Lolagi oku mwajira».

Bacîranuzi 18:4

Anacibashuza, erhi: «Ntya na ntya kwo Mika ajira kuli nie, ampizire omu mikolo yâge mpu akazimpemba, ananjizire mudâhwa wâge».

Bacîranuzi 18:6

Olya mudâhwa anacibabwîra, erhi: «Gendagi n’omurhûla bulya amabalamo ginyu gali omu masù ga Nyakasane».

1 Samweli 9:9

Mango ga mîra omu Israheli erhi babaga bakola bagendidôsa embuko ya Nyamuzinda bakazâgikomerera okuderha, erhi: «Mukanye rhujidôsa omugeremwa». Bulya omulêbi wa bunôla akazâgiderhwa mîra mpu mugeremwa.