Bacîranuzi 17:2 - BIBLIYA NTAGATIFU OMU MASHI

² Anacibwîra nina, erhi: «Zirya nfaranga z’esikeli cihumbi n’igana bakunyagaga, na kandi wakazihehêrera abazinyazire, -wakazâgikuderha erhi nanayumva, -lolà, ezo nfaranga omu maboko gâni ziri nie naziyansire». Nina anacimubwîra, erhi: «Mugala wâni agishwe na Nyakasane mâshi!»

Bacîranuzi 17:2 ပူးပေါင်းရင်းမြစ်များ

Murhondêro 14:19

Anacigisha Abramu ederha, erhi: «Abramu agishwe na Nyamuzinda w’enyanya bwenêne owalemaga amalunga n’igulu,

Nehemiya 13:25

Nakabalongôza n’okubahêherera, nakashûrha banji muli bo n’okubagûgula emviri ciru n’okubalahiriza oku izîno lya Nyamuzinda, nti: «Irhondo murhacishubiriraga mpu mwahâna bali binyu mpu bagala bâbo babayanke nîsi erhi mpu bagala binyu bayanke bali bâbo, kuhanzi bwe kuli mwe n’oku bâna binyu».

Ennanga 10:3

Omuhera gunacishingire enyifinjo z’omurhima gwâgwo, omuhubu kulogorha alogorha, anagayaguze Nyamuzinda.

Lubungo 20:7

Orhakâzâg’iderha busha izîno lya Nyakasane, Nyamuzinda wâwe, bulya Nyakasane arhaleka kuhana omuntu oderha busha izîno lyâge.

Migani 28:24

Ozimba îshe na nnina mpu «cirhali câha» erhi alingiyinjibana ebishambo.

Yeremiya 48:10

“(Ali muhehêrere oyûkiriza omukolo gwa Nyakasane n’emirhâlûka! Muhehêrere orhuma engôrho yâge erhabulaga omukò!)”

Mateyo 26:74

Okuhandi arhondêr’alahira analahiriza, mpu: «Mâshi ntishi oyo muntu», Ho na halya oluhazi lwabika,

Barom 9:3

Nêci, nankasîmire niene nkagwe nnantenzibwekwo Kristu erhi bene wîrhu bàrhuma, balya b’omu ishanja lyâni ly’omubiri;

1 Bakorinti 16:22

Orhazigira Nyakasane, akahera! «Maran atha!» Nyakasane ayisha!

Lushika 27:16

Aherêrekere mâshi, omuntu wakolera îshe na nina amaligo. N’olubaga lwoshi lwanaderha mpu: «Amen».

2 Yowane 1:11

Bulya owamulamusa erhi amashangîra ebijiro byâge bibî.

Bacîranuzi 17:1

Hàli mulume muguma w’omu birhondo by’Efrayimu, izîno Jyage ye Mika.

Bacîranuzi 17:3

Anacigalulira nina zirya nfaranga cihumbi n’igana; nina anaciderha, erhi: «Ezi nfaranga nzirherekîre niene n’okuboko kwâni emwa Nyakasane kuli mugala wâni, lyo bagendinjiriramwo ensalamu y’ecûma». Omugala anacimubwîra, erhi: «Z’ezi nkugalulire we nazo».

Bacîranuzi 5:23

Hehêrera Merozi, kwo adesire malahika wa Nyakasane Hehêrera, hehêrera abantu b’eyo munda! ebwa kubà barhayishigirhabâla Nyakasane barhayishigirhabâla Nyakasane n’entwâli zâge.

RUTI 3:10

Anacishuza erhi: «Ogishwe na Nyakasane mwâli wâni! Eci cijiro câwe c’obwirhôhye ciri cikulu kulusha ecirhanzi, bulya orhalonza misole, ebè ya bakenyi erhi bagale.

1 Samweli 14:24

Oku olubaga luli bufà n’omurhamo lwamakoya bwenêne, Saulu agalilugasha erhi: «Mâshi abè buligo owankaderha mpu ahira akalyo ekanwa kuhika bijingo, embere nâni ncîhôlere omu kuniguza abanzi bâni!». Ntâye wadesire mpu akalya akalyo n’obwôla igulu lyoshi lidwîrhe lyacishalûla aha kasirahinga.

1 Samweli 14:28

Lêro muntu muguma omu lubaga anacirhenga omu kanwa aderha, erhi: «Sho anagashire olubaga mpu: Ahere ene owankahuma oku biryo; olubaga erhi kukola kukoya bwenêne».

1 Samweli 15:13

Samweli akanya ajà emunda Saulu ali. Saulu anacimubwîra, erhi: «Ogishwe na Nyamubâho. Najizire oku akanwa ka Nyamubâho kanadesire.»

1 Samweli 23:21

Saulu anaciderha, erhi: «Mugishwe na Nyamubâho okubà mwanfîre bwonjo

1 Samweli 26:19

Yâgirwa, mwâmi nnawîrhu, okalonza oyumvagye bunôla ebinwa bya mwambali wâwe: Akabà Nyamubâho okunsunisirekwo, nêci ayankirire e enterekêro y’obuhumule bwinjà. Ci akabà bantu bakunsunikirekwo, mâshi bakahehêrerwa na Nyamubâho obûla bajà bampivulula mpu bamperêrekeze omu kashambala ka Nyamubâho ebwa kuderha mpu ogende ojilolera banyamuzinda b’ahandi.