Bacîranuzi 17:1 - BIBLIYA NTAGATIFU OMU MASHI

¹ Hàli mulume muguma w’omu birhondo by’Efrayimu, izîno Jyage ye Mika.

Bacîranuzi 17:1 ပူးပေါင်းရင်းမြစ်များ

1 Bâm 4:8

Amazîno g’abo barhambo gaga: Bene-Huri, w’omu mirhezi y’e Efrayimu.

Yozwe 15:9

Kurhenga oku irhwêrhwè ly’entondo, olubibi lwalikûla kuhika ah’iriba ly’amîshi ga Neftoaha, lwagendija oku ngo z’entondo y’Efroni; olubibi lwalikûla lwajà olunda lw’e Baala, oli aha Kiryati-Yearimi.

Yozwe 21:21

Banacihâbwa nka lugo lwa kuyâkirwamwo n’omuntu wayîsire owâbo, Sikemi n’amalambo gâge, omu ntondo y’Efrayimu, na Gezeri n’amalambo gâge,

Yozwe 24:30

Bamubisha omw’ishwa ly’omwanya gwâge aha Timnati-Serahi, omu ntondo y’Efrayimu olunda lw’emwênè lw’entondo Gaashi.

Bacîranuzi 10:1

Erhi Abimeleki abà amâfà, Tola mugala wa Puwa, mugala wa Dodo, wa kuli bene Isakari, anaciyimuka mpu akola ayôkola Israheli; oyo muntu ayûbakaga aha Shamiri, omu ntondo y’Efrayimu.

Bacîranuzi 16:31

Bene wâbo n’ab’omu mulala gw’îshe boshi bayandagala, bamubarhula, bamusôkana emwâbo, bagendimubisha ekarhî ka Sorea na Eshtaoli, omu nshinda ya Manoahi, îshe. Abîre mucîranuzi omu Israheli myâka makumi abirhi.

Bacîranuzi 17:2

Anacibwîra nina, erhi: «Zirya nfaranga z’esikeli cihumbi n’igana bakunyagaga, na kandi wakazihehêrera abazinyazire, -wakazâgikuderha erhi nanayumva, -lolà, ezo nfaranga omu maboko gâni ziri nie naziyansire». Nina anacimubwîra, erhi: «Mugala wâni agishwe na Nyakasane mâshi!»

Bacîranuzi 18:13

Banacirhenga aho, banacijà ebwa ntondo y’Efrayimu, balinda bahika abà mwa Mika.

Bacîranuzi 18:2

Bene Dani banacirhuma balume barhanu b’omu bûko bwâbo, balume ba misî na ba burhwâli, mpu bagendilolêreza ecihugo, kurhenga e Sorea na kurhenga Eshtaoli, mpu bajè bayenja, banamanyirire eco cihugo. Banacibabwîra, mpu: «Mukanye, mujè mwalolêreza munamanyirire eco cihugo». Banacijà omu ntondo y’Efrayimu, kuhika aha mwa Mika, banacîbandaho.

Bacîranuzi 3:27

Oku anahika ntya, ayirukira abûha omushekera mulya ntondo y’Efrayimu. Bene Israheli bayandagala naye kulya ntondo, yêne abalongolana.