Bacîranuzi 16:23 - BIBLIYA NTAGATIFU OMU MASHI

²³ Abo bashamuka b’Abafilistini banacishûbûzanya mpu barherekêre Dagoni, ye nyamuzinda wâbo, mpu banacîsimise! Bakaziderha, mpu: «Nyamuzinda wîrhu arhulikuzize kuli Samusoni, omushombanyi wîrhu».

Bacîranuzi 16:23 ပူးပေါင်းရင်းမြစ်များ

1 Nganîro 10:10

Cazînda emirasano yâge bayihira omu mahêro ga muzimu wâbo muguma, n’irhwe lya Saulu balimanika omu luhêro lwa Dagoni.

Migani 24:17

Erhi omushombanyi wâwe ankakulumba, orhacîshingaga; omurhima gwâwe gurhasîmaga mpu obwenge amâsârhala.

Yeremiya 2:11

Mukabugâna aha ishanja likola lihindwire banyamuzinda, n’obwo ciru bali ba bwihambi kwône! Olubaga lwâni lwôhe lwahingana irenge oku bya busha busha

Mikeyo 4:5

Bulya embaga zoshi zilambagira ngasi muguma oku izîno lya nyamuzinda wâge, ci rhwêhe rhwâkazilambagira oku izîno lya Nyakasane Nyamuzinda wîrhu w’ensiku n’amango.

1 Bakorinti 10:20

Nanga! Ci ebi barherekêra, bashetani babirherekêra, ci arhali Nyamuzinda birherekêrwa. Ntanalonza mushangîre n’abashetani.

Bacîranuzi 16:22

Ci kwônene emviri z’oku irhwe lyâge zashubirhangira okumera kurhenga galya mango anamômagwa.

1 Samweli 31:9

Bamutwa irhwe, barhôla n’emirasano yâge, buzinda bw’aho bàrhuma entumwa mpu bagendimanyîsa ogwôla mwanzi mwinjà omu cihugo c’Abafilistini coshi, omu nyumpa za banyamuzinda bâbo n’omu lugo lwoshi.