Bacîranuzi 16:21 - BIBLIYA NTAGATIFU OMU MASHI

²¹ Abafilistini bayisha, bamugwârha, banamurhomola amasù n’erhi babà bamamuyandagalana e Gaza, bamushwêka na bacaburhinda babirhi b’omulinga. Ahâbwa omukolo gwa okukazizungulusa ibuye ly’okushwa omwo mpamikwa.

Bacîranuzi 16:21 ပူးပေါင်းရင်းမြစ်များ

2 Bâm 25:7

Abâna bâge babaniga erhi na yêne adwîrhe asinza, okubundi mwâmi Nabukondonosori arhula amasù ga Sedekiyasi gombi, bamushwêka n’emigozi y’ecûma bamuhêka e Babiloni.

2 Nganîro 33:11

Lêro Nyamubâho anaciyisha abarhumire abarhambo n’engabo y’abalwî ba mwâmi w’e Asîriya, bagwârha Menashè n’ebyûma by’amîno-mîno n’erhi babà bamâmushwêka na ba caburhinda babirhi b’ecûma c’omulinga bamuhêka e Babiloni.

Ennanga 149:8

Okuhanika abâmi bâbo n’enkoba, n’abaluzi bâbo omu caburhinda.

Lubungo 11:5

“ngasi lubere lw’omu Mîsiri lwâfà, kurhangirira oku nfula ya Faraoni mwâmi w’e Mîsiri, olya wayîsh’iyîma oku ntebe yâge y’obwâmi, kuhika oku lubere lw’omujà-kazi ôbà enyuma z’olwanjikwa na kuhika oku lubere lwa ngasi cintu”.

Migani 14:14

Omurhima mugalu-galu gunayumve gusîmire enjira zâgwo, n’omuntu nkana anayumve asîmire omukolo gwâge.

Migani 2:19

Abajà emunda ali boshi barhalimwo ôgaluka, barhacifà bâlabasire omu njira z’akalamo.

Migani 5:22

Omumînya anagwarhwe omu mirhego y’amabî gâge, anashwêkerwe n’omu migozi y’ecâha câge yênene.

Izaya 47:2

Rhôla nkagasi ibiri, oshwe enshâno; bwîkûla obusù bwâwe, ofunye ebishumiro by’omwambalo gwâwe, obwîkûle ebibero, oyikire enyîshi.

Yeremiya 39:7

Okubundi arhomola Sedekyahu amasù anamuhogeka obudagulè mpu ba­muhêke e Babiloni.

Ndûlù 5:13

Abâna b’emisole bakazibarhula olwanjikwa, oku abânarhabana bajà badandabagana n’emizigo y’enshâli.

Mibalè 16:14

«Mâshi arhali omu cihugo cihulula amarhà n’obûci warhuhesire, arhali mashwa ga mizâbîbu warhuhîre mpu rhugayîmemwo! Ka omanyire mpu olûla lubaga walujira mihûrha? Rhurhasôkere eyôla munda!»

Mateyo 24:41

Bakazi babirhi bâbè badwîrhe bashwa: muguma ahêkwe n’owâbo alekwe.

Bacîranuzi 16:20

Olya mukazi anaciderha, erhi: «Omanye Abafilistini bano, Samusoni!» Samusoni azanzamuka omw’îrò lyâge, anadwîrhe aderha, erhi: «Nashubifuma nk’agandi mango, nacîlikûza». Ci arhali acimanya oku Nyakasane anamurhenziremwo.

Bacîranuzi 16:22

Ci kwônene emviri z’oku irhwe lyâge zashubirhangira okumera kurhenga galya mango anamômagwa.