Bacîranuzi 12:8 - BIBLIYA NTAGATIFU OMU MASHI

⁸ Enyuma zâge, Ibzani w’e Betelehemu, abà mucîranuzi omu Israheli.

Bacîranuzi 12:8 ပူးပေါင်းရင်းမြစ်များ

Murhondêro 15:19

Cihugo c’Abakeniti, Abakeniziti, Abakadimoniti,

Mikeyo 5:2

Co carhuma Nyamuzinda âbaleka, kuhika amango g’okuburha kw’olya oli buburha; ago mango lyo omusigala gw’abalumuna gwâshubira kuli bene Israheli.

Mateyo 2:1

Erhi Yezu aburhirwa e Betelehemu, co cihugo ca Yûda, erhi Herodi yeri mwâmi muli ezo nsiku. Abâmi b’ihanga barhenga ebushoshôkero bw’izûba, bajà e Yeruzalemu.

Yozwe 19:15

Engo zâbo zàli: Katati, Nahalali, Shimroni; Ideala na Betelehemu: ngo ikumi n’ibiri n’ebishagala byâzo.

Bacîranuzi 10:1

Erhi Abimeleki abà amâfà, Tola mugala wa Puwa, mugala wa Dodo, wa kuli bene Isakari, anaciyimuka mpu akola ayôkola Israheli; oyo muntu ayûbakaga aha Shamiri, omu ntondo y’Efrayimu.

Bacîranuzi 12:7

Mw’ago mango anacibà mucîranuzi omu Israheli myâka ndarhu, buzinda bw’aho, Yefutè, oyo munya Galadi, afà, anacibishwa omu lugo lwâge omu Galadi.

Bacîranuzi 12:9

Aburha bagala makumi asharhu, ayâlusa bâli makumi asharhu barhenga omu nyumpa yâge. Ayisha adwîrhe na bandi banyere makumi asharhu barhenga ahandi, abahà abagala. Ayôsire mucîranuzi omu Israheli myâka nda.

Bacîranuzi 17:7

Hàli mwanarbabâna muguma w’e Betelehemu omu Yûda, w’oku bûko bwa Yûda, ci oyo muntu abâga Muleviti, anali aho nka cigolo kwônene.

Bacîranuzi 19:1

Ago mango Israheli arhabagamwo mwâmi, Hàli Muleviti muguma wayûbakaga oku buzinda bw’entondo y’Efrayimu. Oyo muntu anaciyanka omukazi w’eciherula c’e Betelehemu omu Yûda.

1 Samweli 16:1

Ago mango Samweli ali agwêrhe n’omungo munene erhi Saulu orhuma na kandi kulya kubà Nyamubâho anagayire bulya ajizire Saulu mwâmi omu Israheli, Nyamubâho anacibwîra Samweli, erhi: Mangaci omungo gwâwe Saulu orhumire gwahwa n’obwo mîra namuyîmwire nti arhacibà mwâmi omu Israheli. Yunjuzagya ihembe lyâwe mavurha onagende; Nkurhumire emwa Yese w’e Betelehemu, bulya mbwîne oku omu bâna bâge nakûla omwâmi.