Bacîranuzi 11:35 - BIBLIYA NTAGATIFU OMU MASHI

³⁵ Erhi amubona, Yefutè asharhangula emyambalo yâge, anaciderha, erhi: «Mâshi! mwâli wâni mâshi! ci wamandibuza! oli w’omu bambabazize. Niono nabu­mbwîre akanwa kâni emunda Nyamubâho ali ntankanacikatwamwo».

Bacîranuzi 11:35 ပူးပေါင်းရင်းမြစ်များ

2 Samweli 3:31

Okubundi obwo, Daudi anacibwîra Yowabu n’olubaga lwanali boshi naye, erhi: «Musharhule emyambalo yinyu, muyambale sunzu, mushîbe Abneri». Mwâmi Daudi anaciyunamiriza omugongo.

Ayubu 1:20

Okubundi, Ayubu àyimuka, asharhula emyambalo yâge, amômwa omukûngu acîrhimba oku idaho, anaciderha, erhi:

Ennanga 15:4

Anagayaguze omuherêra, akenge abarhînya Nyamuzinda. Ebi acîgashiraga, arhankacibigashûla, ciru ankahona;

Ennanga 66:13

Nkolaga nahika omu mwâwe n’enterekêro, ntang’ikurhûla emihigo yâni.

Ennanga 66:14

Eryâla akanwa kâni kànalîkaga, eryâla kàkulaganyagya amango nali mpanyagîre.

Mibalè 14:6

Yozwè, mwene Nuni na Kalebu, mwene Yefunè, bantu babirhi omu bagendigiyenja ecihugo, basharhula emyambalo yâbo.

Ebijiro 23:14

Banacijà emw’abajinji b’abadâhwa n’abagula, bababwîra, mpu: «Rhwacîgashire nti rhurhakoza akantu ekanwa rhurhanaj’iyîrha Paolo.

Yozwe 7:6

Yozwè anacisharhangula emyambalo yâge, afukamiriza, akamalanga kahuma oku idaho embere ly’omucîmba gw’amalaganyo, kuhika bijingo, ajira ntyo ye n’abagula ba bene Israheli, banacicihira oluvù oku irhwe lyâbo.