Bacîranuzi 11:2 - BIBLIYA NTAGATIFU OMU MASHI

² Omu­kazi wali mukà Galadi w’okuli amuburhire abâna, n’abâna b’oyo mukazi erhi babà bakola bakulu, balibirhakwo Yefutè, bamubwîra mpu: «W’oyo orhankayîma omu nyumpa ya larha bulya oburhwa n’owundi mukazi».

Bacîranuzi 11:2 ပူးပေါင်းရင်းမြစ်များ

Murhondêro 12:10

Ecizombo canacizùka omu cihugo, naye Abramu abungulukira e Mîsiri mpu aj’ibêrayo bulya ecizombo càli cidârhi bwenêne mw’eco cihugo.

Murhondêro 21:10

Abwîra Abrahamu, erhi: «Ohuluse oyu mukazi boshi n’omugala, kurhakwânîni omwâna w’omujà-kazi ayîme bo na mugala wâni Izaki».

Migani 2:16

Obwîrhonzi bwâkulanga oku mukazi w’embuga, oku mukazi mugenzi n’oku binwa byâge by’olubohôlolo;

Migani 5:20

Mwâna wâni cankarhuma warhebwa n’omukazi mugenzi, cankarhuma wâziga wayêgemera ecifuba c’omugera wâgera?

Migani 5:3

bulyâla akanwa k’omugenzi, bûci bwa mukè kâgegena, n’ebinwa byâge byo biyêngûla kulusha amavurha.

Bagalasiya 4:30

Ci kurhi Amandiko gadesire? Hulusa omujà-kazi bo n’Omugala, bulya omwâna w’omu­jà-kazi arhankayîma bo na mugala wa mukâwe w’okuli.

Lushika 23:2

Omuntu w’amazà mahinage (amasayi) erhi oyu batwîre obulume, arhakayêmêrerwa mpu ajè omu ndêko ya Nyamuzinda.

Bacîranuzi 11:1

Hali muntu muguma w’e Galadi, izîno lyâge ye Yefutè, yali ntwâli bwenêne. Mukazi wa ciherula waburhiraga Galadi oyo Yefutè.

Bacîranuzi 11:3

Yefutè, anacîgendera ayâka bene wâbo, agendiyûbaka omu cihugo ca Tobu. Abantu ba busha busha b’eyo munda bakazisbiga Yefutè, banakazigendilwa bo naye bagenzikanwe.