Ayubu 9:8 - BIBLIYA NTAGATIFU OMU MASHI

⁸ Yêne ye walambûlaga amalunga, ye gera oku mîshi g’enyanja.

Ayubu 9:8 ပူးပေါင်းရင်းမြစ်များ

Murhondêro 1:1

Aha murhondêro Nnâmahanga alema amalunga n’igulu.

1 Nganîro 16:26

Bulyâla banyamuzinda w’abapagani linali ibumba, Nyakasane yêhe ye wajiraga amalunga.

Ayubu 26:13

Omûka gwâge gunarhume enyânja yarhûlûla, n’okuboko kwâge kwaberangwîre enjoka yàlonzagya okuyâka.

Ayubu 26:7

Olunda lw’emwênè analugalihye buzira cici, n’igulu alimanike oku busha.

Ayubu 37:18

Ka wankamanya akâge okulambûla ebitù? N’okubizibuhya nka cilolero ca cûma?

Ayubu 38:11

Nanaciyibwîra, nti: ho wakazihika aha, ntà kuharhaluka, nti ho okucîguga kw’emisî yâwe kwakazihwera ahâla.

Ayubu 38:16

K’okola ojîre kuhika aha nshôko y’enyânja, k’okola olambagîre wahika aha buzinda bw’omuhengere?

Ennanga 33:6

Amalunga luderho lwâge lwagajiraga, n’engabo z’emalunga mûka g’ekanwa kâge gwazijiraga.

Ennanga 77:19

Enkuba yâwe yalaza, orhukengulo rhwamoleka igulu, igulu lyàrhemuka, lyàgeramw’omusisi.

Izaya 40:22

Atamîre oku ntebe yâge y’obwâmi enyanya ly’ecirêre c’igulu, n’abalibâmwo kwo bali nka nzige. Amalunga àgabungwîre nka mwambalo agalambûla nk’ihêma ly’okucumbikamwo.

Izaya 42:5

Kwo adesire ntyôla Nyamuzinda, Yâgirwa Nyakasane, owalemaga amalunga anagabungûla, owazibuhyagya igulu n’ebiburhwâmwo, owahâga abantu balibâmwo obuzîne anahà abaligerâmwo omûka:

Izaya 44:24

Kwo adesire ntyâla Nyakasane. mucunguzi wâwe, owakubumbaga kurhenga omu nda ya nyoko: Niono, nie Nyakasane nalemaga byoshi; nienene nabungûlaga amalunga, nanazibuhya igulu buzira kurhabâlwa na ndi.

Izaya 51:13

Wayibagîre Nyakasane wakulemaga, owabungulaga amalunga anasimika igulu; wakayôrha wa juguma omulegerege gwoshi erhi bukali bw’okakurhindibuza burhuma, bulya ko ali nk’odwîrhe wacirheganya okukuherêrekeza. Ci ngahigi buli obukunizi bw’olya odwîrhe akulibuza?

Yeremiya 10:11

Kwo wababwîra ntya: erhi: banyamuzinda, abarhajiraga amalunga n’igulu baherêrekera hanôl’igulu n’idako ly’amalunga.

Yeremiya 10:12

Ye wajiraga igulu n’obuhashe bwâge, ayimanza amahanga n’oburhimanya bwâge n’obukengêre bwâge bwalambûla amalunga.

Yeremiya 51:15

Alemire obudaka oku buhashe bwâge, abumba igulu oku bumanye bwâge, n’oku bukengêre bwâge àjira amalunga.

Zakariya 12:1

Akanwa ka Nyakasane kuli Israheli. Ntya kwo Nyakasane adesire, olya wabungulaga amalunga, agwîka eciriba c’igulu ye nahà omuntu obuzîne:

Yowane 6:19

Bâli bamâvugama nka stadi makumi abiri n’irhanu erhi makumi asharhu, erhi Yezu ayegêra obwârho ayish’agenda omu nyanja. Banacirhemuka.