Ayubu 9:4 - BIBLIYA NTAGATIFU OMU MASHI

⁴ Ayishi byoshi, àli na muzibu kulusha byoshi, ndi wankaderha mpu acishingikanye ye abule n’oku abîre?

Ayubu 9:4 ပူးပေါင်းရင်းမြစ်များ

2 Nganîro 13:12

“Loli oku haguma na nîrhu, n’embere zîrhu, eri Nyamuzinda n’abadâhwa bâge, kuguma n’emishekera yashekêrezibwa kuli mwe. Bene Israheli murhahîra mukakoza entambala kuli Nyamubâho, Nyamuzinda wa basho, bulya mwanayabirwa”».

2 Nganîro 20:6

«Nyamubâho, Nyamuzinda wa balarha, ka arhali we Nyamuzinda omu mpingu, k’arhali we orhegeka amâmi goshi g’amashanja, ka omu kuboko kwâwe murhali emisî na obuhashe kulya kurhuma harhaba owankarhangula mpu acîshomya okukulwîsa? Ka arhali we, Yâgirwa Nyamuzinda wîrhu,

Ayubu 11:6

àcikubohôleraga amahwe gw’oburhimanya, galya gabwîrwa orhagayumve, wali wamanya oku bubî bwâwe Nyamuzinda akutumuzize.

Ayubu 12:13

Yêhe, oburhimanya n’obuhashe, byoshi ye Nnabyo, ihano n’okumanyirira byoshi byâge,

Ayubu 15:13

Kurhi Nyamuzinda ye okola obêrîre burhè, n’omu kanwa kâwe mwo mudwîrhe mwarhenga ebinwa bya bene ebyo!

Ayubu 23:6

Ka binwa bikali ajamwo kadali haguma na nâni? Nanga! Casinga yêne anyumvîrhize konene!

Ayubu 24:22

Ci olya orhenza abanya-buhashe oku ntebe yâbo n’emisî yâge, oyôla anayimuka, n’abandi barhacicîkubagire okulama.

Ayubu 25:2

Emwâge oburhegesi n’obôba; yênene ye hira omurhûla omu malunga.

Ayubu 28:23

Nyamuzinda yêne oyîshi enjira yâbo, yênene oyishi aha buhubuka.

Ayubu 36:5

Nyamuzinda arhakabulira omuntu ogwêrhe omurhima gucîre!

Ayubu 37:23

Ogala-byoshi, ntaho rhwankamushimâna! Ye mukulu, nn’obushinganyanya n’obuhashe!

Ayubu 38:36

Ndi ohà omûnânâ oburhondekezi? N’oluhazi oluhe obwenge?

Ayubu 38:37

Ndi wankamany’igânja ebitù n’obwenge bwâge, ndi wankahengeka orhubîndi rhw’omu malunga?

Ayubu 40:9

Ka ogwêrhe okuboko kw’obu-nyamuzinda? K’izù lyâwe lidwîrhe lyakungula ak’eryâge?

Ayubu 41:2

Anahinduke Nyabukalye erhi hankajira owamutula irò, ntâye wankashîngalala embere zâge.

Ayubu 6:10

Ciru obwo bwanacibà burhulirize bwâni, nsigalane bishingo bitya muli aga malibuko gâni goshi, mbone ntalabiraga ebinwa by’Omwimâna.

Ayubu 9:19

Ka kulwa nalwaga? Arhankajîbwa omu irhwe! Ka lubanja najà? Ntâye wankacîshomya mpu amuhira oku ibuye!

Ennanga 104:24

Mushâna Nyamwagirwa emikolo yâwe guli mwandu! Burhimanya wayijiragamwo yoshi: igulu lyoshi liyunjwîre biremwa byâwe.

Ennanga 136:5

Ye walemaga empingu n’obushinganyanya, bulya obuzigire bwâge buli bw’ensiku n’amango.

Lubungo 15:7

Omu bukulu bw’irenge lyâwe wahenangula abashombanyi bâwe; wayûsa oburhè bwâwe, bwabagulumiza nka bijangala.

Lubungo 9:7

Faraoni mwâmi w’e Mîsiri arhuma abajidôsa: «Ntà cintu ciru n’eciguma cafire omu masô ga bene-Israheli.» Ci kurharhumaga omurhima gwa Faraoni mwâmi w’e Mîsiri gurhadundagula; arhalekaga olubaga mpu lugende.

Migani 28:14

Iragi lyâge omuntu oyôrha akomekîre, ci kwône omuntu w’omurhima muzibu nk’ibuye, kuhanyagala anahanyagala.

Migani 29:1

Omuntu oyumva bamukalihira acîkenyegule, kukenyuka anakenyuka burhalûnga.

Izaya 45:9

Buhanya bwâge owakadalika n’owamubumbaga, n’obwo hiri hijo omu rhundi rhujo rhw’ebidaka! K’ibumba lyankabwîra omubumbi walyo, erhi: «Bici ebyo wâjira? Omukolo gwâwe gurhagwêrhi kamalo!»

Yeremiya 50:24

Babiloni, nalikurhezire omulabarho. wamâgugwamwo orhan’ishi! w’oyu okola hêru, mîra bakusamaga! Bulya nie wali wamâhuma omu isù, niono Nyakasane.

Daniyeli 2:20

Daniyeli anaciderha, erhi: «Liyagirwe izîno lya Nyamuzinda, omu myâka n’emyâka bulya yêne ye Nn’oburhimanya n’emisî

Nahumu 1:3

Nyamubâho arhabà burhè duba, ci kwônene arhahimwa budârhi, Nyamuzinda arhankaleka okuhana endyâlya eyâzire. Analambagire omu mpûsi n’omu mulaba, n’omu cihonzi, ebitù, ko katulo enshando zâge zibalaza.

Barom 11:33

O! (yâga) we, nnakagali w’obugale n’obushinganyanya n’obumanye bwa Nyamuzinda! Oku emihigo yâge erhamanyîkana kwo n’enjira zâge zirhayumvikana!

1 Bakorinti 10:22

Nkaba­ ga kutula rhwalonza okutula obwâgalwa bwa Nyakasane? Ka kulusha rhumulushirage misî?

Befezi 1:19

mubone na bukulu buci burhajira Lugero obuhashe bwâge bwarhuhîre, rhwe bemêzi. Obwo buhashe bw’emisî yâge

Befezi 1:8

eyo ngalo Nnâmahanga arhushobôzagya omu bushinganyanya n’omu bumanye.

Befezi 3:10

Obwo bushinganyanya bwa Nyamuzinda burhajira oku bwankagerwa, ciru n’Amâmi n’Amahashe g’omu mpingu, erhi gabona Ekleziya lyo gabumanyire.

Befezi 3:20

Kuli Oyo ogwêrhe obuhashe bw’okurhujirira ngasi kantu rhwankashenga erhi kugerêre­za, ciru analushîse, Oyo obushashe bwâge bukola omu mirhima yîrhu,