Ayubu 9:28 - BIBLIYA NTAGATIFU OMU MASHI

²⁸ nanyumv’ebihamba binshamule erhi kukengêra amaligo gâni goshi kurhuma bulyâla mmanyire oku arhali buhamihami oli wandibuliza.

Ayubu 9:28 ပူးပေါင်းရင်းမြစ်များ

Ayubu 10:14

Nkakola ebigalu-galu, erhi onandi ebulâbi, na ntâko wankaciderha mpu ndi mwêru-kwêru.

Ayubu 14:16

Ci bunôla odwîrhe waganja amakano g’amagulu gâni, ka wankabulaga kulolêreza ebyâha byâni?

Ayubu 16:6

Nkaderha, okola kurharhûze amalumwa gâni, nkahulika ka lyo gandekaga?

Ayubu 21:6

Nka birhànyakwo nieshi nnanyôbôhe; nieshi omusisi gunangeremwo.

Ayubu 3:25

Ebi nayobohaga byo bino byamanyishira, n’ebi nakazâg’irhînya byo bino byamantibukirakwo.

Ayubu 33:10

Ci kwône kushobeka anshobesire, anakola ali andola nka mushombanyi wâge.

Ayubu 7:21

K’orhankalembera okwo nakugayisize, k’orhankabwikira obwo bubî bwâni? Bulya kandi kasanzi kasungunu erhi nkola ngwîshîre omu katulo, wacinnonza obugane ntacihabà!

Ayubu 9:2

Nêci mmanyire oku kwo binali ntyo: K’omuntu ankayâza Nyamuzinda?

Ennanga 119:120

Ndwîrhe nageramwo omusisi erhi kurhimanya kurhuma, ngwêrhwe n’obwôba bw’akanwa waderhaga.

Ennanga 130:3

Erhi wakalola ebyâha, Yâgirwa, Yâgirwa ndi wakayêra?

Lubungo 20:7

Orhakâzâg’iderha busha izîno lya Nyakasane, Nyamuzinda wâwe, bulya Nyakasane arhaleka kuhana omuntu oderha busha izîno lyâge.