Ayubu 5:23 - BIBLIYA NTAGATIFU OMU MASHI

²³ Wanywâna n’amabuye g’omu ishwa, oyinjibane n’eby’erubala biyôna.

Ayubu 5:23 ပူးပေါင်းရင်းမြစ်များ

Izaya 65:25

Ecihazi n’omwâna-buzi bakâkerera haguma; entale yakâkera akahasi nka nkâfu; n’enjoka yôhe yakâlya omutulo. Ntà bubî na ntà buligo byacikolwe oku ntondo yâni ntagatîfu yoshi, kwo Nyakasane adesire.

Ezekiyeli 34:25

“Nâjira haguma nabo endagâno y’omurhûla; nârhenza ensimba nkali omu cihugo, bagendiyûbaka n’omurhûla omu irungu, banakaz’irhegeka omu mizirhu.”

Ezekiyeli 34:27

“Omurhi gw’omu mashwa gwanaleheka n’idaho lyanayêramwo emburho zâge, bâbà n’omurhûla omu budaka bwâbo na ntyo banamanya oku nie na ndi Nyamubâho hano mvuna emirhamba y’omuzigo bakazâg’ihêka, na hano mbalikûza kuli ngasi bakazâg’ibalibuza”.

Daniyeli 6:22

Okubundi Daniyeli anacishambâla boshi na mwâmi anacimubwîra erhi: Yâgirwa mwâmi olame ensiku zoshi!

Hozeya 2:18

Olwo lusiku lêro, -kwo Nyakasane adesire-, wanderha, mpu: «Ibanie», orhacinderhe mpu «Baali wâni».

Ben Levi 26:6

Nâhira omurhûla omu cihugo cinyu, mwâkaz’ihunga na ntâye wamufudusa, ensimba z’ebiryanyi, nazilibirhakwo omu cihugo cinyu, n’engôrho erhakacigera omu cihugo cinyu.